Танланган мақола

Чемпионат логотипи

Евро-2016 (инглизча: 2016 УЭФА Эуропеан Фоотбалл Чампионшип ёки ЭУРО 2016) – Футбол бўйича ўн бешинчи Европа чемпионати. Мусобақа 2016-йилнинг 10-июнидан 10-июлигача Франсияда бўлиб ўтган. Мазкур мусобақада Испания амалдаги чемпион сифатида иштирок этган. Бироқ Италия терма жамоасига 1/8 финалдаёқ мағлуб бўлиб, испанлар мусобақани тарк этишган. „Стаде де Франcе“ стадионида бўлиб ўтган финал баҳсида Португалия терма жамоаси Франсия устидан 1:0 ҳисобида ғалаба қозониб, ўз тарихида биринчи марта Европа чемпионлигини қўлга киритган. Биринчи марта Европа чемпионатининг финал босқичида 24 та жамоа иштирок этди. 1996-йилдан бери 16 та жамоа чемпионатнинг гуруҳ босқичида иштирок этиб келаётган эди. Янги форматга кўра, иштирокчилар тўртта жамоадан иборат олти гуруҳга тақсимланган. Сўнгра учта раунд ва финалдан иборат плей-офф босқичи ўтказилган. Ўн тўққизта жамоа: тўққизта саралаш гуруҳининг ҳар биридан 1- ва 2-ўринни эгаллаган жамоалар ва 3-ўринни эгаллаган энг яхши 4 та терма жамоа мезбон Франсия билан биргаликда чемпионатда қатнашиш ҳуқуқига эга бўлишди. 2015-йилнинг ноябр ойида учинчи ўринни эгаллаган жамоалар ўртасида икки ўйиндан иборат плей-офф баҳслари ўтказилган ва сўнгги тўртта иштирокчи номи аниқлаб олинган. (Давоми...)

Яхши мақола

Дания операцияси режаси

Дания операцияси (данча: Invasionen af Danmark i 1940, немисча: Диэ Бесетзунг вон Дäнемарк ) — Учинчи рейхнинг Дания қироллигига қарши ҳарбий операцияси. У 1940-йил 9-апрелда бошланиб, атиги 6 соат давом этган. Вермахтнинг биринчи зарбаси Дания авиациясига қаратилиши натижасида Дания ҳарбий-ҳаво кучлари жиддий йўқотишларга учраган ва кейинги жанговар ҳаракатларда иштирок этмаган. Тонгги соат 5:15 да Вермахтнинг 170-пиёда дивизияси ва 11-ўқчи бригадаси Дания–Германия чегарасини кесиб ўтиб, ҳужум бошлаган. Шунингдек, айни шу вақтда немис қўшинлари Копенгагенга кирган. Дания ҳарбий-денгиз флоти душманга қаршилик кўрсатмаган. Соат 7:20 да Дания қироли Чристиан Х Дания қуролли кучларига қаршиликни тўхтатишни буюрган. 7:30 да Норвегия операцияси учун стратегик жиҳатдан муҳим бўлган Олборг аэропорти қўлга киритилган. Тахминан эрталабки 10:00 да Дания армиясининг демобилизацияси бошланган. (Давоми...)

Хушсифат мақола

„Ме ат тҳе зоо“ видеоролиги

„Ме ат тҳе зоо“ (таржимаси „Мен ҳайвонот боғидаман“) — ЁуТубе платформасига юкланган илк видеоролик. Видеоролик 2005-йил 23-апрел куни юкланган. 19 сонияли роликда ЁуТубе асосчиларидан бири, ўша пайтда 25 ёш бўлган Жаwед Карим Калифорниядаги Сан Диэго ҳайвонот боғида иккита фил олдида тургани ва уларнинг узун хартумига эътибор қаратаётгани акс этган. 2024-йил 31-август ҳолатига кўра, видео 332 миллиондан ортиқ маротаба томоша қилинган. Ушбу видеони Каримнинг ўрта мактабдаги дўсти Яков Лапицкий тасвирга олган. Журналистлар „Ме ат тҳе зоо“ ролигини ЁуТубенинг ҳаваскор контентига бир мисол сифатида кўрсатишади. Бир нечта нашрлар уни веб сайт тарихидаги энг муҳим ролик деб атаган. Карим ЁуТубенинг фойда олиш учун қиладиган ҳаракатларини танқид қилиш мақсадида бир неча бор видео тавсифини таҳрир қилган. (Давоми...)