Cosworth
Cosworth la xe un'asienda britanega spesializada inte el svilupo e produsion de modori automobilistegi a alte prestasioni, in partiolar par la conpetision. Cosworth ga infati prodoto par Ford el modor Ford-Cosworth DFV (el modor piassé longevo dela storia dela Formula 1) che ga dominà la Formula 1 tra el 1967 e l'inizio dei ani otanta (155 vitorie), e xe stà poi presente inte ła serie fin al 2006. Tualmente la xe presente come fornidor inte ła Champ Car mericana e in altre serie.
Storia asiendal
canbiaFondà inte el 1958 da Mike Costin e Keith Duckworth (da cui la ciapa el nom), la ga atraversà diverse riorganizasion e canbiamenti de proprietà, in agiunta al raporto preferensial cola Ford, che la ga comerxialisà gran parte dei so progeti, de frecuente tegnendo el proprio marchio. La United Engineering Industries (UEI) ga poi acquistà l'asienda inte el 1980 par poi venderla ala Carlton Communications inte el 1988; na sucexiva acquisision da parte dela Vickers inte el 1990 la ga portà poi inte el 1998 a esar na sozietà del grupo Volkswagen.
Volkswagen non la xera interesà ala division sportiva (Cosworth Racing Limited) che xe stà sedùa ala Ford par la quale la division prinçipalmente la laoràa. La Cosworth Technology Limited invexe (che la se ocupàa de svilupo powertrain su comision e el cui metodo brevetà de fusion in aluminio xe utilixà da diverse case tra cui Audi e Aston Martin) la xe stà sedùa da Volkswagen al grupo Mahle inte el diçenbre 2004 canbiando el proprio nom in Mahle Powertrain.
Inte el setenbre 2004 Ford la anuncià che la Cosworth Racing la xera in vendita co ła squadra de F1 Jaguar Racing e Pi Group. El 15 de novenbre 2004 xe stà finalixà l'acquisto da parte de Gerald Forsythe e Kevin Kalkhoven, proprietari dela serie Champ Car par la qual Cosworth la xe fornitrice dei modori atraverso la controlata Cosworth Inc. co sede a Torrance in California. En sta ocasion Cosworth Racing ga riciapà el nom orisinal de Cosworth.
Modori sportivi
canbiaLa Cosworth ga scominsià la produsion de modori da competision inte el 1959 modificando un modore Ford Kent par la Formula Junior. La colaborasion de Cosworth co la Lotus la scominsia da sto modor, portà a 1340cc sula Lotus 7, par poi proseguir co modori da 1500cc e 1600cc par l'uso in Formula B o su veture sport, oltre che par el modelo Lotus Cortina. L'evolusion final del Cosworth-Kent inte el 1965 xe stà el MAE in seguito a l'introdusion de nove regole par la Formula 3 che le permeteva modori da 1000cc: el risultà xe stà el dominio conpleto dela serie finche le regole non le xe canbiaeo, tanto che la Cosworth non la riusiva a sodisfar la domanda e i modori MAE i venia vendui in scatola de montagio. El MAE ga partesipà anca al Gran Premio de Gran Bretagna inte el 1964 sora na Cooper.
L'ano prima el xera stà svilupà el SCA, un modor da 1000cc basà su un monobloco Ford Cortina 116E che gavea corso in Formula 2, e che el vedea la prima testata progietà internamente dala Cosworth. El modor Cortina el xe stà anca la base par el FVA, un modor par le regole dela F2 introdote a partir dal 1966: anca sto modor ga dominà la so categoria sin al 1971, e xe stà usà co la denominasion FVC inte ła version 1800cc par le gare sport. Anca par el FVA ghè stà na fugaxe aparision in F1 inte el 1967 e 1968, montà sule Matra.
Ford-Cosworth DFV
canbiaSu incarico dela Ford e del proprietario dela Lotus Colin Chapman, inte el 1966 Costin e Duckworth i ga unìo do modori a quatro silindri FVA in un unego motore V8, creando el DFV (Double Four Valve, o sia "dopio quatro valvole") che el sarebe diventà legendario in Formula 1. Ga vinto zà ala so prima gara, el Gran Premio d'Olanda, montà sula Lotus 49 de Jim Clark, e a partir dal 1968 el xe stà a disposision de ogni costrutor che el desideraa acquistarlo. Questo ga dao vita ala F1 dei ani '70, inte i quai la gran parte dee squadre el costruia la propria vetura intorno a un Ford-Cosworth DFV e a un canbio Hewland (Enzo Ferrari el ga definii par questo "assemblatori") avendo poi man libara su telar e mecanica. El risultado final de sto modor xe stà de 155 vitorie in Gran Premi fin al 1983, oltre a doi edision dela 24 ore de Le Mans.
Ford-Cosworth | |
Fornitor | motori |
Stagioni | 1967-1985 |
GP disputai | 326 |
GP vinti | 155 |
Pole-position | 131 |
Ford-Cosworth DFV e derivati | |
Stagioni | Gran Premi | Sircuiti | Persone | Piloti | Scuderie | Fornitori | |
Inte i ani, el DFV ga generà na serie de derivasion che anca inte el nom i le porta el segno del modor orisinal: inte el 1968 el xe stà creà el DFW par le Tasman Series da 2500cc, mentre inte el 1975 co l'agiunta de do turboconpresori a na version 2650cc el xe nato el DFX utilizà dala Indycar che el sarebe diventà poi el modor stàndar fin ala fin dei ani otanta spodestando l'Offenhauser; inte el 1981 el xe nato el DFL par veture sport co silindrate de 3300cc e 3900cc, e el DFV stesso se trasformò in DFY inte el 1982 psr sercar de batere, sensa suceso, ei novi modori de F1 sovralimentai. El DFY ga vinto na sola olta, a Detroit co Michele Alboreto sora na Tyrrell inte el 1983.
Mentre la Formula 1 la se trasformaa in na serie par soli modori sovralimentai inte el 1986, la nascita dela Formula 3000 ga dao nova linfa al DFV che el corea co un limitador che el limitaa la potensa a sirca 400 cavali contro ei 500 orisinai. Questo formato dela F3000 el xe durà fin al 1992, mentre atualmente el DFV el troa la so ragion d'esar inte łe gare de Classic Formula 1.
Co l'abandono da parte dela F1 dei modori sovralimentai e el ritorno ai aspirai, 'sta olta de 3500cc, Cosworth ga creà un novo modelo sula base del DFV, prima in na version intermedia nota come DFZ (1987) e poi inte ła evolusion final del DFR (1989) che ga continuà a esar utilizado da squadre minori sin al 1992.
Formula 1: la nova generasion
canbia Cosworth | |
Fornitor | motori |
Stagioni | 1989-2006 |
GP disputai | ? |
GP vinti | ? |
Pole-position | ? |
Anche marchiati Ford | |
Stagioni | Gran Premi | Sircuiti | Persone | Piloti | Scuderie | Fornitori | |
Esaurie le posibilità del DFV, la Cosworth ga prodoto un novo progeto par la F1 oncora marchià Ford; el modor HB ga debutà sula Benetton durante la stagione 1989 vinsendo ala fin del'ano el Gran Premio del Giapon. Par tuta la durata dele stagioni 1989 e 1990 la Benetton la xe stà l'onega a poter dispore de 'sto modor, prima del'introdusion de na version "clienti" utilixà inte i ani sucexivi da Jordan, Lotus e anca McLaren, che la gavaria vinto 5 Gran Premi inte el 1993 co Ayrton Senna.
Inte el 1994 el debuta el Zetec-R (nom derivà da na serie de modori Ford, non diretamente ligai tecnologicamente) sula monoposto Benetton B194, che contribuise ala vitoria del primo mondial piloi de Michael Schumacher e al seondo posto inte el Canpionato Costrutori par la Benetton; ciò nonostante la Benetton la dexide de pasar l'ano sucexivo a propulsori Renault, così el Zetec nol sarà pì montà sora squadre de primo pian, ma solo inte i ani sucexivi su Tyrrell o Minardi che ei rimarchierà Fondmetal, dal nom del sponsor.
Inte el 1999 un novo progeto de un V10 da 3000cc, anch'eso sponsorisà da Ford: la nova serie CR montà sula Stewart Grand Prix, che la otegne un'insperà vitoria al Gran Premio d'Eoropa 1999 co Johnny Herbert, prima de trasformarsi in Jaguar Racing, soto el direto controlo de Ford, che inte el fratenpo la gavea formalmente acquistà la Cosworth: par la prima olta la casa inglese la se trovaa a laorar come un vero e proprio costrutore co na propria squadra ufisial, ma 'sta situasion nol sarebe durà né la gavaria portà sucesi parché la Ford la sarebe ben presto tornà sui soi pasi vendendo sia la casa de modori che el team.
On'altra vitoria, altretanto casual, la xe venua al Gran Premio del Brasil del 2003 co Giancarlo Fisichella al volante de na Jordan dal modor marchià Ford. L'epoca del V10 la finixe par Cosworth inte ła stagione 2005 col modelo TJ2005 fornìo ala Red Bull Racing erede dela Jaguar e ala Minardi.
A partir dala stagione 2006 la Cosworth non la fornise invece pì la Red Bull ma la Williams col CA2006, un motore V8 de nova concesion de 2400cc come richiesto dai regolamenti, e la Minardi (ribatezà Scuderia Toro Rosso) co el TJ2005 di 3000cc limità in potensa.
Cosworth la gavea anca svilupà un V10 par la squadra Sauber che nol xe stà parò mai utilizà, e alcone voçi le parlaron de un interese dela Volvo par na version de sto modor da usare in auto dale elevae prestasioni.
Champ Car
canbiaOn dei progeti de pì longa duràa e magior sucexo par la Cosworth la xe stà la fornitura de modori par la serie americana CART, ora Champ Car. A partir dai ani '70 sula base del V8 DFV de Formula 1 el xe stà svilupà el DFX adatà ala formula americana da 2650cc co turboconpresor. El modor el xe stà un imedià sucexo e cussìta come par el DFV el xe divenuo lo stàndar de riferimento fin a quando nol xe finìo sopiantà da nove tecnołozie. Inte el fratenpo la xera aparsa na version amodernà, el DFS, trasferendo parte dele esperiense svilupàe sora el DFR de F1.
Sucexivamente Cosworth ga progetà na nova serie X scominsiando col XB inte el 1992 par proseguir col XF, realisà inte el 2000 e scelto inte el 2003 come modor unego par el canpionato Champ Car.
Cosworth ga anca risevuo l'incarico de pogietar un quatro silindri da 2300cc par la Formula Atlantic.
Raly
canbiaSenpre come partner dela Ford, la Cosworth ga preparà modori par ei rally: inte i ani otanta la Ford RS2000 Gruppo B la montaa un Cosworth BDT-E, e sucexivamente modori sovralimentai da 2000cc seli stai usai fi a ogi sule Ford Cosworth Sierra, Ford Cosworth Escort e Ford Cosworth Focus che le ga partesipà al Canpionato Mondial Rally.
Altri progeti
canbiaCosworth ga svilupà modori usai in varie veture del grupo General Motors, tra cui la Chevrolet Vega, la Opel Ascona 400 e la Opel Calibra V6. L'asienda ga anca colaborà co Mercedes-Benz (190 16V), Rolls-Royce, ARO e Audi.
Vetura de Formula 1
canbiaCosworth ga provà a realisar na intera vetura de Formula 1 inte el 1969, progetà da Robin Herd e caraterizà da na trasmision a 4 rude motrici realizà in proprio, oltre naturalmente al modor DFV. La gavaria gavesto da garegiar al Gran Premio de Gran Bretagna ma sensa ulteriori anunci el progeto el xe stà canselà e Herd el ga lasà l'asienda par fondar la March.
- Wikimedia Commons el detien imàjini o altri file so Cosworth