Fotocàmara

La fotocàmara (da foto-, in grego antigo phōtós, "de ła luze", e -càmara, in latin càmara obscura^[1]), propiamente màchina da tolta fotogràfega e oralmente màchina fotogràfega, el ze un strumento òtego idòneo a ła tolta fotogràfega e ła rendesta de imàzeni de ojeti reałi. Ste imàzeni, imagàzinae sia in suporti anałòzeghi (pełìcuła fotogràfega) che dizitałi (schede de memòria de calsìase forma) łe połe vegner stanpae su suporti materiałi cartàcei.

Indipendentemente da ła natura del suporto de imagazinamento (anałòzego o dizitałe), ła tècnega de produsion de ła fotògrafia ła ze senpre l'ełaborasion de un segnałe lumenozo convojà inte el dispozitivo traerso de na lente che ła incuadra el sojeto da tore-zo.

Elementi comuni a tute łe fotocàmare łe ze l'obietivo, o sia ła dispozitivo traerso del cuało łz pasa ła luze che ła porta l'informasion òtega da trasferir inte un suporto, e l'oturatore, mezo mecànego o ełetrònego che el règoła el tenpo de espozision a ła luze del suporto destinà a risévarla; altri ełementi cofà el diaframa, che i règoła ła cuantità de luze destinada al suporto, i ze in zenere prezenti solché inte łe fotocàmare projetae solché par sto dòparo e no, salvo ecesion, su altri dispozitivi cofà tełèfoni sełułari o smartphone che i gàpia, intrà łe so funsion, anca cueła de màchina fotogràfega.

Descrision

Strutura

Tute łe fotocàmare i ga tre conponenti fondamentałi:

na lente, o sanò un foro stenopèego che łe ze ła parte diòtrega che łe consentra ła luze e łe ła projeta sul pian de imàzene; talvolta i ze dei speci che i costituise łe lenti o i fori stenopèeghi e in sto cazo se parla de parte catadiòtrega (speci). Sia ła parte diòtrega che catadiòtrega i forma l'obietivo fotogràfego.
Un oturatore mecànego o ełetrònego che i controła ła durada del tenpo de espozision del suporto de rezistrasion (pełìcuła, lastra o sensore).
El diaframa che i controła parsiałizando o manco l'ingreso de ła luze^[2].

Altri ełementi i ze:

Tełaro: Elemento de łe fotocàmare che el susiste sia inte łe fotocàmare pì antighe che in cuełe pì moderne.
Boton de scato: Boton che, asionando l'oturatore, el parmete el scato de na fotografia.
Suporto fotosensìbiłe: La pełìcuła o el sensore de łe moderne fotocàmare ełetròneghe.
Tegnesta a ła luze: Condision ezistensiałe de łe fotocàmare che ła susiste sia inte łe fotocàmare pì antighe che in cuełe pì moderne.
Dorso: Elemento amovìbiłe che el połe contegnere ła pełìcuła piana o ła pełìcuła in ruło. El ze prezente in pareciadure de grando formato, antighi o moderni, ma anca, par ezénpio, inte i modełi Hasselblad.
Sistema mesa a fogo: Elemento de łe fotocàmare che el susiste sia inte łe fotocàmare pì antighe che in cuełe pì moderne.
Sistema de vansamento imàzeni: Elemento de łe fotocàmare che el susiste sia inte łe fotocàmare pì antighe che in cuełe pì moderne.
Mirin: Elemento de łe fotocàmare che el susiste sia inte łe fotocàmare pì antighe che in cuełe pì moderne.
Pentaprisma: Elemento comun in tante fotocàmare a pełìcuła e dizitałi. El pentaprisma a teto el ze el pentaprisma doparà de frecuente inte el mirin de łe màchine fotogràfeghe reflex (mirin a pentaprisma) parché el permete de védar l'imàzene refletesta dal spècio de ste màchine sensa che ła rezùltee roversada o invertia drita-sanca (l'inversion orizontałe introduzesta dal pentaprisma a teto ła conpensa cueła za prezente inte l'imàzene refletesta dal spècio mòbiłe). El ze un sistema doparà inte i aparati de fasa mèdia o mèdio-alta, inte łe màchine de fasa basa el vien sostituio da un pì econòmego pentaspècio che, siben-ché gavindo l'idèntego prinsipio de funsionamento, el parmete de ver imàzeni manco lumenoze. Na caraterìstega del pentaprisma ła ze che l'àngoło dei raji de luze che i va verso fora el ze senpre 90° in confronto a l'angoło de cuełi in entrada, sto conponente òtego cuà el ze, de consevensa, insensìbiłe a łe variasion de inclinasion inte el montajo.
Contapoze: Elemento de łe fotocàmare che el susiste sia inte łe fotocàmare pì antighe che in cuełe pì moderne.
Espozìmetro: Elemento de łe fotocàmare asente inte łe fotocàmare pì antighe, prezente in cuełe pì moderne, siben-ché no in tute. De frecuente sto cuà el vien doparà cofà strumento a sisteso-stante da ła fotocàmara par mezurasion pì precize^[3].
Espozision automàtega: Caraterìstega de łe moderne fotocàmare^[4].
Mezurasion TTL: Caraterìstega de łe moderne fotocàmare^[5].
Mesa a fogo pezada: Caraterìstega de łe moderne fotocàmare^[6].
Autofocus: Caraterìstega de łe moderne fotocàmare^[7].

Notasion

↑ (EN) Michael Langford, Anna Fox e Richard Sawdon Smith, Langford's Basic Photography: The Guide for Serious Photographers, CRC Press, 10 settembre 2012, p. 83, ISBN 978-1-136-09670-9.
↑ Langford, op. cit., p. 68–72, 234–5 .
↑ Grey, op. cit., p. 70 .
↑ Grey, op. cit., p. 129–131, 153, 170, 171 .
↑ Grey, op. cit., p. 205, 211, 225, 227 .
↑ Grey, op. cit., p. 106, 118, 154 .
↑ Langford, op. cit., p. 49, 67–8, 79–80, 86–7, 255 .

Altri projeti

Wikimedia Commons el detien imàjini o altri file so Fotocàmara

Linganbi foresti

fotogràfica, màcchinasapere.it, De Agostini.
(EN) Opere riguardanti CamerasOpen Library, Internet Archive.

Controło de autorità	GND (DE) 4045869-6

[langford83-1] (EN) Michael Langford, Anna Fox e Richard Sawdon Smith, Langford's Basic Photography: The Guide for Serious Photographers, CRC Press, 10 settembre 2012, p. 83, ISBN 978-1-136-09670-9.

[Langford_68-72-2] Langford, op. cit., p. 68–72, 234–5 .

[3] Grey, op. cit., p. 70 .

[4] Grey, op. cit., p. 129–131, 153, 170, 171 .

[5] Grey, op. cit., p. 205, 211, 225, 227 .

[6] Grey, op. cit., p. 106, 118, 154 .

[7] Langford, op. cit., p. 49, 67–8, 79–80, 86–7, 255 .

[1]

[2]

[3]

[4]

[5]

[6]

[7]