Al taxolo (pronuncià Tacsolo) al ze an conposto doperà de sti tenpi pì che sia in chemioterapia par al tratamento de i tumor.
Al taxolo al ze na "droga" che la ga an efeto de stabilizasion su i microtubui parchè la cadena lateral de sta molecola la ze in grado de interagir co i microtubui. Al altera al equilibrio de polimerizasion/depolimerizasion de i microtubui provocando la formasion de struture microtubulari tanto stàbiłi e de conseguensa alternado i mecanismi ch ei regola al ciclo celular.
Al taxolo al gnen cavà da la scorsa del pola de nass, la atività "tossica" de i tassoidi (cossì i se ciama i conposti che gnen da i pola de nass) la era belche cognossesta a i tenpi de i Romani, come che se desume da i scriti del 51 a.C. (De Bello Gallico) come velen mortal. Inte la Amèrica del Nord-Est tribù indigene le usea estrati de la scorsa de la pola de nass mericana come desinfetante, abortiu e contro al melanoma.
