Franz Liszt

Franz Liszt, Hongoars: Liszt Ferenc(z), (Raiding/Doborján, in dien tyd Keunynkryk Hongareye, nu Burgenland, Oostnryk, 22 oktober 1811 – Bayreuth, Beyern, 31 juli 1886) was 'n Hongoarsche compositeur, pianist, dirigent, muziekleroare en organist van de Romantiek. Je wordt anziën lyk één van de grotste pianovirtuoozn aller tydn.

Franz Liszt in 1858

Je kende grote triomfn binst zyn concerttournees deur heel Europa en j' hèt e grootn invloëd g'hed ip den techniek van 't pianospel. Je was bevriënd mè vele compositeurs van zyn tyd, lyk Frédéric Chopin, Richard Wagner, Hector Berlioz, Robert Schumann en Edvard Grieg.

Franz Liszt brocht zyn leevn surtout deure tusschn Wenen en Parys en zyn loatere joarn tusschn Weimar, woar dat 'n hofkapelmeester was, Boedapest en Rome, woar dat 'n gewyd wierd toet subdioakn, woardeure dat 'n den titel van abbé kreeg.

Je schreef vele concerts en solowerkn vo piano, o.a. 19 Hongoarsche rapsodiën en de drie Liebesträume, 13 symfonische gedichtn, symfoniën, cantates, mesn, psalmn, koamer-en orgelmuziek.

Ofbeeldiengn die ier by passn ku je vien in de categorie Franz Liszt van Wikimedia Commons.