Middnbeuke
De middnbeuke, hoofdbeuke, middnschip of kortweg 't schip es de grote langgerekte plekke van binn in de meeste kerkn woa dan de meeste mienschn keunn zittn.
By basilicoale kerkn hèi je drie beukn: de grote centroale middnbeuke en twee klindere zybeukn, geschid deur arcades. De zybeukn zyn deurnband klinder dan de middnbeuke. Moa soms zyn de zybeukn à peu près even hoge en even breed lik de middnbeuke. Zukke kerkn noemn me hallekerkn.
De meeste romoansche en gotische kerkn zyn kruuskerkn. Da zyn kerkn met 't groundplan van e (Latyns) kruus. In da geval lopt er tweistn deur de middnbeuk en dwarsbeuke of transept. De kruuschienge of de vierienge es 't stik woa da de middnbeuke en de dwarsbeuke mekkoar kruuschn. By centroalbouw gebaseerd up et plan van e Grieks kruus zyn de middnbeuke en et transept even lank.
E zoalkerke es en kerke die gin dwarsbeuke en gin zybeukn en hèit.
Middnbeukn loopn ossan van 't westn noa 't oostn. In 't verlengde van de middnbeuke ligt et koor. Soms ligt 't koor achter en ofsluutienge, et doksoal.
| |
|---|---|
|
Ounderdeeln van kruuskerkn: Absis · Koorommegank · Luchtbeuke · Middnbeuke · Priesterkoor · Stroalkapelle · Transept · Vierienge · Westbouw · Zybeuke Bouwkundige ounderdeeln: Arcade · Boge · Boovnlucht · Fronton · Kapitêel · Luchtboge · Roundboge · Scheeboge · Spitsboge · Steunbeir · Tribune · Triforium Decoratieve ounderdeeln: Archivolt · Dwerggalery · Lisene · Lombardischn band · Pilaster · Pinoakel · Voluut · Woaterspuger Gewelftypes: Kruusgewelf · Tungewelf | |