Paul Moureau

Paul Moureau a skepyî li 1î d' djun 1887 (a Djodogne) ey a morou li 17 di nôvimbe 1939 (a Lovén).

C' esteut on scrijheu e walon, mwaisse di scole di s' mestî (a Tcheslet).

Ouve e walon

coviete di «contes d' aprandjire»

Å cmince, il a scrît des arimés, et eplaidî ene prumire ramexhnêye, «Contes d' aprandjire» (1932), ki c' est bråmint des sovnances.

Ele serè radmint shuvowe pa «Fleurs d' al vesprêye» (1935), del peure powezeye, cisse-lale.

A eto scrît deus arimêyès pîces di teyåte:

• «Padzo l' tiyoû» (1933)
• eyet si shûte, «Djan Burdou» (1939),

Cisse pîce la a stî djouwêye djusse divant kel powete end alaxhe.

Il a scrît dins les Cayés walons (li prumî boket do prumî limero e 1937, pu co les deus ans d' après). Come di djusse, poy k' il est loukî come onk des askepieus del rivuwe.

Il a intré ås Relîs namurwès e 1931 et al Societé d' Langues e 1938.

Corwaitaedje di si ouve

Il est rwaitî avou Paul Stienlet et Edmond Etienne come onk des pus grands scrijheus e walon do pays d' Djodogne.

J. Etienne a scrît d' På Moureau :

C' esteut on vraiy Djodognwès et on scrijheu come end a waire, ki vos saveut mouwer disk' å parfond d' vosse cour pa des powinnes plins d' sintimints, tot simpes, mins telmint parfonds.

Alére

• (fr) Dipus d' racsegnes so Paul Moureau divins Wallonnes, 4/1994.
• (fr) Anonce di s' moirt et adiè lî pa Joseph Calozet pol vizite des Relîs Namurwès al moirtuwaire: Les Cayés walons l° 29 (1939) p. 527-528.

Hårdêyes difoûtrinnes

• Li Wiccionaire si rsieve di sacwantès fråzes da Paul Moureau po-z enimådjî des mots k' i gn a.
• Vos trouvroz des racsegnes so les ouves da Paul Moureau, u les ouves zeles-minmes, so Wikisourd e walon.
• Pådje da På Moureau (so l' Aberteke)