ovraedje

Walon (Rifondou)

Etimolodjeye

Do viebe « ovrer » avou l’ cawete « -aedje ».

Prononçaedje

• AFE :
  • diferins prononçaedjes : /ɔ.vʀɛt͡ʃ/ /ɔ.vʀat͡ʃ/ /ɔ.vʀaːt͡ʃ/ /u.vʀaːt͡ʃ/ (oyon O.OU)
  • prononçaedje zero-cnoxheu : /ɔ.vʀɛt͡ʃ/
• Ricepeures : nén rcepåve

Sustantif

singulî	pluriyal
ovraedje	ovraedjes

ovraedje omrin et femrin (mot bikebok)

1. çou k’ on fwait po s’ mestî ou po wangnî åk, ou pask’ on vs l’ a dmandé.
   • C’ est on trop grand ovraedje; vos ndè rexhroz nén tot seu.
   • On vént d’ rexhe vosse live : c’ est del bele ovraedje.
   • Dj’ a co del grosse ovraedje cwénze djoûs å lon.
   • Pocwè fwaiss todi del niche ovraedje ?
   • Après aveur rintré l’ tchåfaedje,
     Rewalpé ses afwaires e s’ bot,
     Ene botresse rovia ses shabots,
     La k’ ele aveut stî fé l’ ovraedje. — Joseph Vrindts, ”Vîx Lîge” (1901), p.123, “Les Shabots dè l’Bottresse” (fråze rifondowe).
2. posse la k’ on boute, et-z esse payî po
   • Il a stî fotou a l’ ouxh di si ovraedje.

Ratourneures

1. toumer sins ovraedje: piede si ovraedje
   • On djoû, dj' touméve sins ovraedje
     Sol côp m' vina 'ne idêye
     Dj' cora al måjhone del veye
     Dmander po schover pol veye
     — François Barillié, divins Li camarad′ dè l'joie, 1852 (fråze rifondowe).
2. si mete a l' ovraedje
   • Mins s’ tot nos qwite, moûrt ou s’èdwèm,
     l’ome èst la qui n’ pièd′ nin corèdje.
     Li tére lî d’meûre. Ås-aîres dè djoû,
     plin d’èhowe i s’ mèt′ a l’ovrèdje
     — Henri Simon, Li pan dè Bon Diu, Li tchèrwèdje.

Sinonimeye

• boutaedje
• (ovraedje må fwait) : brishôdaedje

Ortografeyes

Divant 1900 :

• ovrech : E203 ^(lére)
• ovrèche : EGer

Après 1900, foû rfondou (Feller, Feller ricandjî, nén Feller) :

• ovrèdje : E1, E34, S0
• ouvrâdje : C8, O4, O90
• = ǫvrātš (ovrâdje) : S38 (hagnon 73)

E rfondou walon :

• ovraedje : R10 ^(lére), R13

Ratournaedjes

çou k’ on fwait po s’ mestî ou po wangnî åk

• Arabe : 3amal =‎ عَمَل ^(ar)
• Arabe marokin : khedma =‎ جدمة
• Almand : Arbeit ^(de)
• Inglès : labour ^(en), work ^(en)
• Espagnol : trabajo ^(es)
• Francès : travail ^(fr), ouvrage ^(fr), boulot ^(fr)
• Itålyin : lavoro ^(it)
• Neyerlandès : werk ^(nl)

posse la k’ on boute, et-z esse payî po

• Inglès : job ^(en), occupation ^(en), employment ^(en)
• Francès : travail ^(fr), emploi ^(fr), boulot ^(fr)

toumer sins ovraedje

• Francès : se retrouver au chômage, perdre son travail