VO L .

4 | I S S U E 0 7

0 6 T H M AY 2 0 1 2 ( PAT H I A N N I )

TA N G N UA M K H O S U N G T H U K I Z A K N A K A LT E N G A S UA K

PUZZLE AND TANGNUAM

L. Lalzakhup Ngaihte
I Khua a khantouh na ding leh a nop sem na ding in i khua min TANGNUAM ahih lam thei gige kawm in kalsuan thei chiat leng chih i deih pi pen ahi. Min Tangnuam te mawngmawng ong chih uh leh i et na ding vaang mahmah a, min Tangnuam te mahmah ong chih uh leh i mai taang tuam in, i naa bang vaak tuam mahmah ahih lam a haih i om kei uh hi. Anuam lou Tangnuam a teng ihih sang in a nuam Tangnuam a teng hih kua peuh ut chiat ding in i gingta hi. Thil bangkim a pai ding bang a apai a, nang na mun ah na vak a, kei ka mun ah ka vak leh i khua pen khang lou thei lou, nuam lou thei lou ding a, a min dik tak i sulang thei chiat uh chih kuapeuh in thei thak thak leng ut huai sa ing. Puzzle games ah milim a lu, bil, ngawng, aom leh khutte a mau mun chiat a i koih/lep theih leh dik in chin i koih theih kei leh dik lou. Et sakna in a awmtungah a lu koih suk leng la, a bil bang thuah kha kei leng a dik banga lang thou hi mah leh a ngawng leh abil val mawk hi ve aw, a zatna ding mun tak a i koih leh dik mai in chin hiai hiam huai in a sam chia soisel na ding om lou in chin dik vek mai hi. Khosung vai ah pan mun nei thu neih na nei hiam ahih kei leh hihna lianpi a min a sazuk ki puak a pua i om ziak un i khua khan ding bang a khang thei lou a nop ding bang nuam tak tak thei lou hin ka thei. Sazuk in a ki hoih leh thupi sa mah mah hi ve aw, hi mah leh a ki a manphat dan leh azatna ding dan thei lou in chin khaugui khong ah awk lupna ding khong a zang mawk, bang a phat tuam a? A hihna humbit na ding a zat theih ahih lam bek theih leh gam sa kua mah in ne zou lou ding hi, ama kibang a hoih leh thupi nei omlou ahih ziak in. Apoi mah mah khat mi ahih na diktak ih gen leh a gensia ki suak mawk Makai ten mahni angmasialna lam a mipite mohsa-sa, mipiten lah makaite vai hawm ding dan thei lua kisa bang hilh kha zezen thei pawl ki om. Akua akua in ei hih ding leh om ding dan a om khah ki omlou ih hih dan leh, a poi lam thei in, a tung a i gen te lumlet in, makai ten mahni angmasial lou in kapan sung in khua leh tui a ding in a tam theipen kasem zou kei kha ding a chih hun a, a hong tun a, mipi ten makaite zah dansiam, thumang leh phatuam ngaitak a a hon zuih hun chiang un, puzzle abek-bek aki koih thang zeng zung te a hong dik dia, mi ahih na dik tak ih gen chiangin miphat kisuak ta ding hi. Huai hun chiang in ih bual na vang khua tualnuam pen anuam TANGNUAM mah-mah ih chi chiat ta ding uhi. Heel hun nai kei eii... Mahajon Boboi Ka nasep na uah Sakhi( Deer) ka delh delh mai uh hi eii... Zam lal( Black Monk) Mangpha chi lou pi a hon ihmut san jel ding maw... Lunte Samte Thei ta lou ka khu o..Kei zong na ang sung ah sawl bang pawt nuam veng..... Deih muan Aw... khat vei beek ki mu thei leng mw... K.K. Tombing Fire House Concert a din booking theih ka hi lai..... Nem lun Kou veng te mah mw... kua hi jeel ta... Didim( Nani mama) Ex tam lawta sawm a khat piak d hia leee MP Brothers te khat(Gen khait d a ki nai lua!) News Tuamtuam sim mah leng Tangnuam te News kan a sim nuam om kei.....Paupi Upper Lamka Tun bel Nahtang mahajon ki hi ta eii.....Apu Mung Eh! Na news min uh bang a le?,. Tamaizen hya le??... Nu Khum J.K. Xerox Ngaih leen na dang, lungzuan naa e... Thomas Ngaihte Inn thak i lut hial leh a lui sang a nuam zaw chih la ahih na diktak ki man pan veh aw...Niang bawi(Gis siam wife) Gintak sah message gelh ana ki hat law dan eivele hehe Nenem(Ct) Buhtei tawi ud huai nawn ta veh aw..Picnic khat ong sawm nawn ta d ua... T. Lun Exam sang in electric Post phut nuam zaw veh aw...... Roger( Cap Vung) Lasak louh na sawt ta, kho 21 ki gawm competition a first lak lai ngaih huai ee............. Lianpu (Ngeisok) Dak 7 a i thawh le hai zou dek zezen hang e...... Kush Zomi

TANGNUAM (NUAM)
Suanzalian (Lian Tungdims)
Tangnum khua i chih ana upa mahmah chih i thei chiat ua, anuam a, akhen te a ding bang in it leh ngaih toh lenna vangkhua vangkhua nuam aw chi a nuih hiah-hiah na khua ahi. Akhen te a din it leh ngaih kim louh na vang khua nuam hi ve-ve veh aw maw. Kha(moon)bang hong tang singseng a neulai bang mit kha in kimu a nga bang lenlai, leng tai pah-pah lai, kawltu guk pah-pah lai, golung sat pah-pah chih te lungsim mitkha a ki mu chiai-chiai thei zel hi. A ngaih huai ngoih ngoih i chi lou thei kei hi. I khua uh Tangnuam khua Toupan thupha tampi mit muh theih in hong pia: laisiam, lasiam,music siam,chiamnuih bawlsiam leh talent hoih pi-pi ahong pia hi. Kua hong theih louh ahi non kei hi. Pau chi tuam deuh,nalh pi-pi Damtheihna/kivenna bang ki nei a, ban ah pau chi tuam deuh a Min nalh pi-pi bang ki nei lai hi. Ki sual lam chi le lah mi huphulh ki hi ve-ve zawmah, gitlouh lam chi le lah mi a sang bang a suan huai zaw zeel hilai,kigen sep-sep chih te lah ih siam mah-mah te lak ua chi khat hilai lai... Haha Thei(fruits) lam chi le la chi kim lo mah-mah, uang deuh bang in gen le Eden huan cih dia hoih akhu. Mawl tual(Field) chi le lah puah leng mi asang a niam zaw tuan lou ding, veng dang te sang in kiniam zaw tuan kei lai ven aw. Khat leh khat bang kinak thutuah lua, gen khopkhop leh ana ki nai mah-mah ngen ki hi mawk hiven. Huai lou ah, Ka huaite uh, hiai te uh ngen ki hi lailai aki ham pha sawn-sawn hi. Bang a ih poi moh uh adang om. I khua uh hong upa amah-mah ta , hong piching mah-mah ta ahih man in,ei khang thak ten kimin loh sep-sep te tawp san zaw ta in. Pilna siam na hoih pi-pi nei a vision hoih pi-pi ih neih te uh koih mai-mai nawn lou in zasak musak zaw ta ni. Gen khawm lou, tukhawm lou pi a mitampi hih sang bang in, tukhawm geng khawm in ki kup ut zaw ta ni. Ui leh keel omkhawm i bat sang in. A huchih leh theih ngei louh pi ten i gam uh luah ding uh ai khah aw. Asung a hei a mi zatamte dial dial a diam-diam ut zaw ta ni. Kitaw sawn tuah souh-souh te hi ut zaw in,ngaih tuah ni chi nawn lou in ki taw sawn tuah souh-souh ta le cih ut ka khu...hahaha.chehcheh in.

MOBILE NEWS FEED

- Johnson Shillong Mit nauta bang phial a i pah taak, a teek a khang nangawn in hawmthoh mahmah leh ning hun nei lo a, paai bang i pom cim theih loh uh, Mobile Phone pen leitung ah a Company thupi leh hausa te kidem na thupi pen khat ahih lam i thei ciat khin ta uh hi. Company Minthang mahmah Nokia in leitung bup a Mobile Handset bawl khia tam penpen hih na kum 14 sung ana let nung un tu in Samsung company in ana kheng khia zo ta hi. Tuaban ah leitung pumpi in ngak lah mahmah a ana mitsuan gige uh Samsung Company Bawl mah Galaxy S 3 kici ana launch ta uh a, India ah zong tu May khasung ngeingei a hong launch zoh uh ki lam en hi. Galaxy S 3 pen a lawhcing mahmah khinsa Galaxy S 2 Kheng khe ding a a bawl uh ahi hi.

HINNA LAMPI
Pa Pauzasiam Mahajon Rebec Dawr ah lak theih gige ding hi. Hih pen AIDS apan ki venna (Prevention) step dan a hong pat uh ahi. Banah sisan leh khaksuah test nuam ten a man bei in Saimual veng a Mr. Siama ki muh pitheih ding hi. Sisan pen AIDS test na ding hi a, Khaksuah pen T.B. test na ding ahi. Thudang khat ah Class X leh a tunglam teacher na Sem nuam i om leh Mr. Siama ki muh pih theih gige ding hi. Loh ahih leh Rs.4,000 a kipan in pung toutou ding hi.

Hausapa Phalna bang in i khua ah Government baanzal lungdam huai tak hong tung in, tulai siatna tampite piansak sihna mulkim huai tak pumpelh theih na lampi khat hong bawl sak ua, pasal/ tangval te a ding in Condom deih hunhun leh a thawn in leibul a

THEIH SAKNA
B.P.L. Card nei, tua toh kisai electric connection (Permit deihte) akin thei lam in B.P.L. Card leh Rs. 30/- toh Khamkhokam leh L. Lalzakhup kianga ana pia chiat dingin theisakna ka hon bol hi. T. Kai Kho Pau S.O. Elect. Dept.

VOTE OF THANKS
Kush Zomi Ei khote ki thutuak het lo bang na hang a, thu hoih khat i sawm leh vai hawm nop lua, mi kiphal thei lua ahiL. Lambawi, President BEST Tangnuam khangthu a ki manghilh ngei nawn lou ding, tawi sawn khang sawn dong a i gengen taak ding ki itna , ki tuahna leh ki pumkhatna thupi tak a i lah khiat na Tangnuam Trans-denominational Easter Fellowship :Open Air Music fest cum Coffee nite Toupa om pihna tawh nuam tak in i zou ta hi. Cikmah a i neih ngei nai louh khat lohcing tak a i sai theih ciang in ka lungsim ah a tung a BEST President pu kammal hong ki loulou nak hi. Hih zah ta a ei khote ki thutuak, pankhawm siam leh i ki phal dan uh lamdang mahmah hi . Tutung i vai ah ei sep theih na lam ciat ah thalawp tak leh tha-it tak in i pang siausiau ua,.Aww..et mai in zong a nuam in ki lawm hi na maizen e!! Amasa in mihing te tung ah ngaihtuahna(idea) leh sep khiat zawhna tha a guan Jehovah Nissi i Biak Topa min i phat a, Lungdam thu i puak hi. Ban ah a inn kilawm tak leh a huang sung nop tak, zat man la het lou leh kiphal tak a hong zang sak pa Thangkhanmang te nupa tung ah nakpi tak in lungdam thu i puak hi. Topa piaksa hauhna thupha in a innsung uh akhang akhang in lawi nawn kei ta hen!! Microphone , keyboard leh Monitor banah ki sinna ding a Biak inn hong sak CBA LCC te tung ah i ki pak pet mah a, Soundbox leh Cable hong zangsak EBCC LCC te tung ah nakpi tak in i lung dam hi. Light leh generator hong zangsak YPA leh CYA te, banah VA Hall hong sangsak Hausapu leh banner hong zang sak CBYF ..Amaute tung ah kipah thu i tun nawn hi. Mimal lam ah: Programme gen dawk mialmial tung lai in Ken chair man teng ka sii ding hong ci pah pu Pum Khan Lian tung ah i ki pak pet mah hi. Hi ci bang hong kampau in vaisai te thalawp sak pet mah hi.! I sound khelh man ki pe zou lou teng zong aman hong piak sak lai hi!. Tu chauh hi lou in Khosug vaai i sai teng in sum ki daih lou hi gige a, ama kiang ah ki taai in tuni tan in khatvei zong hong na huh khial nai lou hi! Dhanyawat Sir ji. Sum leh paai a hong panpih Pu L.Kamzathang leh Pu Khen thang Rs. 500/- tuak, Pa Ginglianthang Rs,1,00/-, Pu Tuan Za Kap Rs/-200, Pa Ginkhansiam Rs.1,00/- leh i MDC pu, Pu Sumlianthang Rs. 2000/-, amau teng ki phal na hang a gamtaang thei liai-liai ihih man in amaute te tung ah lungdam na lianpi i kou hi. Singpeek hong zang sak Sir Nangkhanlun, Chair leh music vanteng puak na ding a kiphal tak a Shaktiman hong zang sak Apalal leh The Zokhankhual group te leh Gim leh tawl poisa lou a Banner kilawm tak hong gelh sak Suanzalian te tung lungdam thu i puak a,..Ki phal tak a Coffee man bei tengteng hong sik sak Lalpi@KhupMuan tung leh Coffee dawn na ding Nescafe Disposable glass ki lawmtak hong thoh Pa Lianthang tung ah i lungdam hi. Ban ah Gim leh tawl poisa lou a Video Coverage hong bawl sak Pu Khan lun Tombing@Zawlpi Media tung ah iki pak pet mah hi. Kho pua lam a pan: Ei khua a om ding a ki lawm lou zah phial in tutung i music van zat te, World Class ngen hi laizang hi! I neih i lam in hong cin dek neng lou ahih man in khopua lam a i lawm hoih neih ten a man bei hit-het in a van te uh hong zang sak ua, amaute tung a lungdam thu i gen seng ngei kei ding hi.. Mapex Drum Set hong zangsak Lalal Lailamveng, Ki zil na ding a drum Kit dang mah hong zang sak leh gim leh tawl kal ah Drummer a i zat Kha Khai GCK Veng, KORG Processor (Effect)leh Bass Guitar hong zangsak Suanpau New Lane Bungmual, BOSS Processor leh Ibanez Guitar hong zangsak Mangchinlian Bungmual, Electric Guitar, cable leh Monitor hong zang sak Minthang, Zion New Lamka Banah, i sound khelh man Minimum cost Rs.3,500/- hi mahleh i sum neih louh luat thei kawm in itna leh meltheih man a Rs. 1000/- bek hong la U Mang(Langchinmang) Bungmual.. Microphone 4, Ampli 1, extra Cable leh vanzat tamkhop mahmah i lak sak lailai teng tawh hong charge khawm ding hi leh bang zah a pha tam maw!!. i lawmte tung ah Topan thupa tampi pia ta hen!! A tawpna leh poimawh pen ah Khaa ann hong vaak, Thugen na hong neih sak Sir Nangkhanlun Vice Principal St.Pauls leh amah hong ki thuah pih a wife tung ah lungdam thu i puak hi.( A thugen manphatak tamsem in i zak theih na ding in TZS next issue ah review hi ding hi) Thukhupna: I fellowship hong pian khiat dan i thei nuam kha ding hi: Nitak lam khat Tangval fel mahmah Nelson( Kham Khan Tuang) hong pai in lungsim picing tak in I khosung huap in kipumkhat/ ki thutuah seem theihna ding vaai khat sawm ni uh hong ci khiankhian hi. Naupang Tangval nou khat thugen ding in thupi leh pichin huai ka samahmah hi. Direct in ka full support suk pah hi! Nungak tangval i khosung it leh lungsim zaau mahmah Lalbiakthang, Nelson, Vungmuanching, Kap Sian Thang, Vuvung, Thianlianding, Ngai Lian Kim, Songliansiam, ten Vangkhua kiil bang khanna ding selungtuak ma pangkhawm ni ci in sum don ki pan pah hi. Hih bang in naa i sep laitak in ka lungsim ah thu khat hong suaksuak hi. Vaigam a laisim a ka om lai a ka Pastorpa hong thu gen The Power of one man cih ka phawk hi. Leitung a kidouna lakpan a huaise penpen Gaalpi Nihna(WW II), sung a kidouna thupi pen Battle of Bulge kici Belgium Gam ah ki dou uh a, tampi tak si leh liam in tampi tak ten tha le zung, sum leh paai seng uh a, ahih hang in a gualzohna minpha pen US Army Commader Pu, Dwight. D.Eisenhower ki pia in a min ki gen sese hi voo!!! War Movie i et cim theih loh uh Saving Private Ryan ah sepaih hihzahta in gaaldou in sih lawh ta mah le uh Captain Miller ki gen tuam sese mawk hi Tua mah bang in tutung i fellowship ah zong tampi in thaleh zung, sum leh paai leh ngaihtuah na tampi i seeng tham a, hi mah leh i lohchinna ah minpha pen i makaipa NELSON i khu sak tuam sese ahi. Hi ci bang tuailai fel leh kizen, khua leh tui khantouh ding lunggulh Tangnuam ah hong tam semsem hen.. The Power of One man really pays Pa Ginzasiam@Gis siam neu, in Veenglai, Paaradise veeng a innthak ki lawm tak alam zousiang ta a, Monday in ana luah ta uh hi. Monday in Lia Sangkhawl damlou in District hospital ah ana ki admit a, damtak in tun innlum hong tung kik ta. Andra Pradesh a a Nurse sin na ua pan in Janeth leh Nenem te ngou bihbiah sa in pianna vangkhua damtak in hong tung kik ta uh.. Tamenglong District a nasem a va om Parian(Tuan khan lian) Friday in hongtung kik ta Mr. Thanga (H/0 Manbiaklun) a sepna Tripura a pan in Vangkhua nungkal in hong tung Tuesday nitak in Pastor pa makaih na i khua EBYF ten khosung ah Open crusade ana nei ua, Wednesday in Kanaan BYF te vehna ding la zilna ana nei uh hi. Friday nitak in CBYF ten Mopawi a ding la sinna ana pan ta uh hi. Tu kaal in Burma gamgii lam a nasem a va om Joylian damtak in vangkhua hong tung a, a pa, Pa Thang songtal ah hong bang suk in Friday in vangkhua hong tung ta hi Nung kal Sunday in i khua apan nungak le tangval bangzah hiam ten RBI saina a Assistant Post a ding Written exam Imphal a om ah va tel thei uh hi. Tu kaal in Pa Kai Khaw Pau leh a kaihzatam electric Dept. ten i khosung teng vak suak sak phingpheng ding ci in kilkawi teng natan ah mei gui zanna ana nei uh hi.Tua bang kal ah I khosung a BPL Card nei teng in Xerox bawl a, Xerox Copy khat ciat Upa Pauno kiang a Submit ding a theihsak ihi. Tu kaal in Pa Tombing Suanthang te vokpi lian mahmah a gailai khat damlou thut in ana si hi. Mi tampi ten a sa deih in leiding tan pha in sum tampi tah mah le uh Pa Thang in, Ei nek ngam louh juak lou ding!! ci gimgem in ana phal het lou hi. Lungsim picing/Nampi lungsim leh etton tham cing sa mahmah in TZS in pahtaak thu puang uh hi. Zan in Pa Zamkhangin tanu upa pen Nu Ngaikhanmoi khakna programme apa inn ah thupi tak a zat zawh in om. Nu Mawi ahih leh tu lel in Salem Veng ah apasal leh tate tawh khosa lel uh hi. I Theologian muan mahmah Ngaimuan, Vaai tuam tuam sai ding in imphal leh Shillong lam ah ana zin sawm mah leh damlouh ziak in ana zin thei lou hi. Pa Do Lam Thang inn luah a om Kikim leh Lulun te unau Weekend Suti zang ding in Friday in vangkhua nusia in Laamzang lam ah ana pai tou uh. Pa Gearsom hun tomchik vangkhua a a vaaithaam nung in Gauhati khopi lam ah ana paisuk ta hi. Gearsom ahih leh ei khomi Gauhati a innmun nei masa pen a ciamteh ahi. Hats off! Nung kaal in Pa Sir Suan te nupa Henglep Sub Division sung a om Chingphei khua ah lawmte veh in ni 3 va zin khia uh hi. Balap addict te a ding a thu kipah huai leenmual ah hong suakk!! Nunglam sawt nai lou in Mapung Brothers te Sub Office Propietor, Rebeck (CN Mang) in Refrigerator( Tui vot Khawl) thak liklek khat ana ki lei hiau hi. Tun cik lai peuh in Balap khal bibeuh ut hunhun in muh theih ta ding hi..Nuam eii. But!.Sum neih ngai! Bat phal lou ahi. On da way: Nungak Mawite leh Chochoi te Chennai a pan Pianna vangkhua zuan in khau bang ciah , tu laitak Train sung ah aki sawi neetneet laitak uh ahi

KITENNA MARUP: A ZONGLAI TE A DING

Kamzalian Tomging Zi leh pasal a kineihna din sum sen tam khoptak pha. Khat kia suktuah zoh a haksa. Pasal sen di a tam bang in numei sen ding bei tuanlo. Hi toh kisai in zi leh pasal nei nailo te bangzah hiam kipawl khop hoih sa ing. A tawmpen in ci leng Rs. 50,000 khong bei din hisap ni. Mi sawm tan bang kipawl khom le hang Rs. 5000 ciat in thohkhom thei cihna. Khangual bangzah hiam kipawl khom in baihlam tak in hihtheih din mu ing. Lawmta kipawlkhom teng in kum khat sung in zi leh pasal nei ciat din koih kei peuhmah phot le hang. Member ten amau seen ding a piak khit toh kiton in tawp thei. Tua mun hu ding in member thak lak theih jel ding.