Usi aik fard k wasty mere

Dil me dard hai kis liye,

Meri zindgi ka mutaalba
Wohi aik shakhs hai kis
Liye.
To jo shehar me muqeem
Hai tu musafrat ki fiza
Hai kon,
Tera karwaan jo nahi
Gya tu hawa me gard
Hai kis liye.
Na jamal-o-hussn ki
Bazam hai na juno-o-ishq
ka azam hai.
Sar-e-dasht raqs me her
Ghari koi bad-gard hai
kis liye.
Tery hussn se ye pata
Chala tujhy dekh ker ye
khabar hoi,
Jahan rasta hi nahi koi
Wahan raah-naward hai
kis liye.
Jo likha hai mery nasib
Me kahin to ne parh tu
Nahi liya?
Tera hath sard hai kis
Liye tera raang zard
Hai kis liye.
Wo jo tark-e-rabat ka
Ehad tha kahin totany
Tu nahi laga,

Tery dil k dard ko dekh

ker ZAFAR K dil me dard
Hai kis liye.

Jahan Phoolon Ko Khilna Tha Waheen Khiltay Tu Acha Tha

Tum Hi Ko Hum Ne Chaha Tha Tum Hi Miltay Tu Acha Tha
Tumhain Jitna Bhulaya Hai Tumhari Yaad Aayee Hai
Bahra-E-No Jo Aayee Hai, Wohi Khushbo Bhi Layee Hai
Tumharay Lab Meri Khater Hiltay Tu Acha Tha
Tum Hi Ko Ham Ne Chaha Tha Tumhi Miltay Tu Acha Tha
Mila Hai Lutf Bhi Ham Ko Haseen Yaadoon Ki Jhilmal Main
Kati Hai Zindagitum Bin, Mager Kami Si Hai Dil Main
Ager Aatay Tu Acha Tha, Ager Miltay Tu Acha Tha
Tum Hi Ko Ham Ne Chaha Tha Tum Hi Miltay Tu Acha Tha
Koi Aa Ker Humain Poochay Tumhain Kaisay Bhulaya Hai
Tumharay Khat Ko Ashkoon Se Shab-E-Gham Main Jalaya Hai
Hazaroon Gham Aisay Hi, Ager Miltay Tu Acha Tha
Tum Hi Ko Hum Ne Chaha Hai Tum Hi Miltay Tu Acha Tha

Bhanvar ki gaud meiN jeisey kinara sath rehta he

kuch aesey hi tumhara aur hamara sath rehta he
mohabbat ho ke nafrat ho us se mashwara hoga
meri har kefiyat me iste'aara sath rehta he
safar me aen-mumkin he me khud ko chhor dooN lekin
duwaeiN karne waaloN ka sahara sath rehta he
mere maula ne mujhko chaahaton ki saltanat de di
magar pehli mohabat ka khasara sath rehta he
agar "Sayyad" mere lab par mohabbat hi mohabbat he
to phir ye kiss liye naffrat ka dhara sath rehta he

Suna hai log usay aankh bhar ke dekhte hain

So us ke shahar main kuchh din thehr ke dekhte hain

Suna hai rabt hai us ko kharab halon se

So apne aap ko barbad kar ke dekhte hain

Suna hai dard ki gahak hain chashm-e nazuk us ki

So ham bhi us ki gali se guzar ke dekhte hain

Suna hai us ko bhi hai sher-o shayari se shagaf

So ham bhi mojazay apnay hunar ke dekhte hain

Suna hai bole to baton se phool jharrtay hain

Ye baat hai to chalo baat kar ke dekhte hain

Suna hai raat use chand takta rehta hai

Sitaray baam-e falak se utar kar dekhtay hain

Suna hai hashr hain us ki ghazaal si aankhain

Suna hai us ko hiran dasht bhar ke dekhte hain

Suna hai din ko usay titliyan satati hain

Suna hai raat ko jugno thahar ke dekhte hain

Suna hai rat se barh kar hain kakulan us ki

Suna hai sham ko saye guzar ke dekhte hain

Suna hai us ki siyah chashmagi qiyamat hai

So us ko surma farosh aankh bhar ke dekhte hain

Suna hai us ke labon se gulab jalate hain

So ham bahar par ilzaam dhar ke dekhte hain

Suna hai aaina tamasal hai jabin us ka

Jo sada dill hain ban sanvar ke dekhte hain

Suna hai jab se hamail hain us ki gardan main

Mizaj aur hi lal-o gauhar ke dekhte hain
Suna hai chashm-e tasavur se dasht-e imkan main
Palang zawaiya us ki kamar ke dekhte hain

Suna hai us ke badan ke tarash aisay hain

Ke phuul apani qabayain qatar ke dekhte hain

Woh sarvqad hai magar begul-e muraad nahin

Ke us shajar pe shagufay samar ke dekhte hain

Bas ek nigah se lutata hai qafila dil ka

So rahravaan-e tamannaa bhi dar ke dekhte hain

Suna hai us ke shabistan se mutasil hai behisht

Makin udhar ke bhi jalway idhar ke dekhte hain

Rukay tu gardishain us ka tawaf karti hain

Chalay to us ko zamanay theher ke dekhte hain

Kisay naseeb ke be parahan usay dekhay

Kabhi kabhi dar-o divaar ghar ke dekhte hain

Kahaniyan hi sahi sab mubalaghay hi sahi

Agar woh khawb hai tabeer kar ke dekhte hain

Ab us ke sheher main thehrain ke kooch kar jayan

Faraz aao sitaray safar ke dekhte hain

Naakam nahin nashaad nahin

Main Qais nahin Farhad nahin
Punnon bhi nahin Ranjha bhi nahin
Wamiq bhi nahin Mirza bhi nahin
Wo log tu bas afsaana thay
Is shiddat se baygaana thay
Main zinda ek haqiqat hoon
Sar ta pa jazba-e-ulfat hoon
Main tunko dekh ke jeeta hoon
Har lamha tum pay marta hoon
Main aisi muhabbat karta hoon
Tum kesi muhabbat karti ho?
Tum jahan pay bath ke jati ho
Jis cheez ko haath lagati ho
Main wahin pay betha rehta hoon
Us cheez ko chota rehta hoon
Main aisi muhabbat karta hoon
Tum kesi muhabbat karti ho?
Tum jis se hans ke milti ho
Main us ko dost banata hoon
Tum jis rastay pay chalti ho
Main us se aata jata hoon
Main aisi muhabbat karta hoon
Tum kesi muhabbat karti ho?
Tum jin ko dekhti rehti ho
Wo khuwaab sirhaanay rakhta hoon
Main tum se milnay julnay ke

Kitnay hi bahanay rakhta hoon

Main aisi muhabbat karta hoon
Tum kesi muhabbat karti ho?
Kuch khwab saja kar aankhon main
Palkoon se moti chunta hoon
Koi lams agar cho jaye tu
main pahroon tum ko sochta hoon
Main aisi muhabbat karta hoon
Tum kesi muhabbat karti ho?
Jin logon main tum rehti ho
Tum jin se batain karte ho
Jo tum se hans ke miltay hain
Jo tum achay lagtay hain
Wohi mujh ko achay lagtay hain
Main aisi muhabbat karta hoon
Tum kesi muhabbat karti ho?
Jis baagh main subah ko jaatay ho
Jis sabzay par tum chaltay ho
Jo shaakh tumhain cho jati hai
Jo khushboo tum ko bhati hai
Wo aos tumharay chehray par
Jo qatra qatra girti hai
Wo titli chor ke pholoon ko
Jo tumse milnay aati hai
Jo tum ko cho ne aati hai
Un sab naazuk jazboon main
Mere dil ki dharkan basti hai
Meri rooh bhi shaamil rehti hai
Tum paas raho ya dor raho
Nazroon main samaye rehti ho

Main tum ko takta rehta hoon

Main tum ko sochta rehta hoon
Main aisi muhabbat karta hoon
Tum kesi muhabbat karti ho?
Jis college main tum parhti ho
Main us main lecture deta hoon
Wo class jahan tum hoti ho
Main us ko takta rehta hoon
Jis kursi pay tum bethti ho
Main us ko cho ta rehta hoon
Jo copy tum ne gum ki thi
Main apnay bag main rakhta hoon
Gandla sa ek tissue paper
Jo tum ne class main chora tha
Wo meray purse main rehta hai
Wo meray lams main rehta hai
Wo makhmal hai wo deeba hai
Wo chandi hai wo soona hai
Wo ambar hai wo sandal hai
Wo khushboo ka ek jungle hai
Har manzar main har rastay par
Main saath tumharay hota hoon
Main chashm-e- tassawor se aksar
Bas tum ko dekhta rehta hoon
Main aisi Muhabbat karta hoon
Tum kesi muhabbat karti ho?
Main aisi muhabbat karta hoon...
Batao
Tum kesi muhabbat karti ho???

LARKI KA JAWAB
Tum jab bhi ghar par aate ho
Aur sab se baatein karte ho
Main aut se parde ki janab
Bas tum ko dekhti rehti hoon
Ik tum ko dekhne ki khatir main kitni pagal hoti hoon
Main aisi mohabat karti hoon
Tum kaisi mohabbat karte ho
Jab darwaze par dastak ho
Ya ghanti phone ki bajti ho
Main chor k sab kuch bhagti hoon
aur tum ko jo na paoon to ji bhar k ronay lagti hoon
Main aisi mohabbat karti hoon
Tum kaisi mohabbat karte ho
Mehfil main kahein bhi jana ho
Kapron ka selection karna ho
Rang bohat se samne bikhre hoon
Uss rang pe dil aa jata hai
Jo rang k tum ko bhata hai
Main aisi mohabbat karti hoon
Tum kaisi mohabbat karte ho
Rozana apne college main
Kisi aur ka lecture sunte hoe
Ya break k khali ghante main
Sakhiyon se baatein karte hoe
Meray dhiyan main tum aa jate ho
MAin,main nahin rehti
Phir jaana main tum main gum ho jati hoon
Bas khawabon main kho jati hoon
Unn aankhon main kho jati hoon

Main aisi mohabbat karti hoon

Tum kaisi mohabbat karte ho
Jis chehre par bhi nigha pare
Har chehra tum sa lagta hai
Woh sham ho ya ke dhop samay sab kitna bhala sa lagta hai
Jane ye kaisa nasha hai garmi ka
Tapta mousam bhi jaray ka maheena lagta hai
Main aisi mohabbat karti hoon
Tum kaisi mohabbat karte ho
Tum jab bhi samne aate ho
Main tum se sunna chahti hoon
Kash kabhi tum ye keh do
Tum mujh say mohabbat karte ho
Tum mujh ko bohat hi chahte ho
Lekin jane tum kyun chup ho
Yeh soch k dil ghabrata hai
Aisa to nahin hai na jana sirf meri nazar ka dhoka ho
Tum ne mujh ko chaha hi na ho
Koi aur hi dil main rehta ho
Main tum se poochna chahti hoon
Main tum se kehna chahti hoon
Lekin kuch pooch nahin sakti mana ke mohabbat hai
Phir bhi lab apne khol nahin sakti
Main larki hoon kaise keh doon
Main kaisi mohabat karti hoon
Main tum se ye kaise pochoon
Tum kaisi mohabbat karte ho
Chup chap see main...ho jati hoon
Phir dil main apne kehti hoon

Main aisi mohabbat karti hoon

Tum kaisi mohabbat karte ho

Suna hai log usay aankh bhar ke dekhte hain

So us ke shahar main kuchh din thehr ke dekhte hain
Suna hai rabt hai us ko kharab halon se
So apne aap ko barbad kar ke dekhte hain
Suna hai dard ki gahak hain chashm-e nazuk us ki
So ham bhi us ki gali se guzar ke dekhte hain
Suna hai us ko bhi hai sher-o shayari se shagaf
So ham bhi mojazay apnay hunar ke dekhte hain
Suna hai bole to baton se phool jharrtay hain
Ye baat hai to chalo baat kar ke dekhte hain
Suna hai raat use chand takta rehta hai
Sitaray baam-e falak se utar kar dekhtay hain
Suna hai hashr hain us ki ghazaal si aankhain
Suna hai us ko hiran dasht bhar ke dekhte hain
Suna hai din ko usay titliyan satati hain
Suna hai raat ko jugno thahar ke dekhte hain
Suna hai rat se barh kar hain kakulan us ki
Suna hai sham ko saye guzar ke dekhte hain
Suna hai us ki siyah chashmagi qiyamat hai
So us ko surma farosh aankh bhar ke dekhte hain
Suna hai us ke labon se gulab jalate hain
So ham bahar par ilzaam dhar ke dekhte hain
Suna hai aaina tamasal hai jabin us ka
Jo sada dill hain ban sanvar ke dekhte hain

Suna hai jab se hamail hain us ki gardan main

Mizaj aur hi lal-o gauhar ke dekhte hain
Suna hai chashm-e tasavur se dasht-e imkan main
Palang zawaiya us ki kamar ke dekhte hain
Suna hai us ke badan ke tarash aisay hain
Ke phuul apani qabayain qatar ke dekhte hain
Woh sarvqad hai magar begul-e muraad nahin
Ke us shajar pe shagufay samar ke dekhte hain
Bas ek nigah se lutata hai qafila dil ka
So rahravaan-e tamannaa bhi dar ke dekhte hain
Suna hai us ke shabistan se mutasil hai behisht
Makin udhar ke bhi jalway idhar ke dekhte hain
Rukay tu gardishain us ka tawaf karti hain
Chalay to us ko zamanay theher ke dekhte hain
Kisay naseeb ke be parahan usay dekhay
Kabhi kabhi dar-o divaar ghar ke dekhte hain
Kahaniyan hi sahi sab mubalaghay hi sahi
Agar woh khawb hai tabeer kar ke dekhte hain
Ab us ke sheher main thehrain ke kooch kar jayan
Faraz aao sitaray safar ke dekhte hain

jalti shamein roshan chehre

kamni ladiyaan nazuk sehray
nargis,bela,motia,lala
juhi,champa aur banafsha
har koi shaad hai naa
aaj tumhari saalgirah hai
dekho hum ko yaad hai na
hum tou sirf duago log
khaak o maher ka kya sanjoug
paas rahein ya door rahein
wehshat se ranjoor rahein
mehfil tou aabaad hai na
aaj tumhari saalgirah hai
dekho hum ko yaad hai na
tark e taaluq khoob kiya
dil per kari waar saha
nouch di konpal chahat ki
aas na rakhi raahat ki
dil meho e fariyaad hai na
aaj tumhari saalgirah hai
dekho hum ko yaad hai na
kaise kaise khwaab bunay
rang brange khwaab chunay
saalgirah ka cake katey ga
haath pe un ka haath rahe ga
khwaab har aik barbaad hai na
aaj tumhari saalgirah hai
dekho hum ko yaad hai na.....!!!