Synfocity = 699

Synod Information & Publicity Department, Synod Office Annexe Buildning , Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 August 23, 2018

1 Presbyterian Bible School Farewell & Dedication
Vawiin (Aug. 23, 2018) chawhnu dar 1 khan Presbyterian Bible School (PBS) chuan Batch 43-na
te chuan Synod Conference Centre-ah Farewell & Dedication programme an hmang a. Synod
Moderator Rev. F. Lalrinnunga’n kaihruaiin hunserh a hmang a, thuchah sawiin PBS zir chhuakte
chu \awng\aiin Pathian hnenah a hlan a ni. Rev. P.B. Lalmalsawma’n inlawmna leh inhmelhriattirna
hun hmangin PBS Principal Rev. Lalneihvura’n reports a pe a. Synod Secretary Upa R.
Dengzikpuia’n zir chhuakte hnenah certificates a hlan a ni. PBS Comt. member Rev. R.
Lalengmawia’n Exam-a ti \hate leh class kal \hate hnenah lawmman a hlan a, Upa C.B. Thanghluta’n
\awng\aisakna hun a hmang a, Senior Executive Secretary Rev. Lalramliana Pachuau leh zirlai
aiawhin thu tawi an sawi a, Pu C. Awithanga chhung ten C. Awithanga Award an hlan a. Pu C.
Awithanga Award hi kum 2014 a\ang khan subject 3 - Christian Theology, Church Administration
leh PCI Constitution-a marks hmu sang berte hnenah pawisa fai Rs.1,000/- \heuh hlan \hin a ni.
Rev. H. Lalrinmawia’n zirtirtute aiawhin lawmthu a sawi a, inkhawm hruaitu Moderator-in
malsawmnain inkhawm a \in a ni.
PBS batch 43-naah hian zirlai 52 an nei a, 1st. division-ah 40, 2nd. Div-ah 5, 3rd. div-ah 1 an
passed a, simple pass 1 a awm a, exam lo 3 an awm a ni. Class kal kim lawmman la zirlai 15 an
awm a. Exam-a ti \ha ber pathumte chu:-
Pakhatna - Angela Rosangkimi d/o Zohmingthanga, Bethlehem Kohhran, Aizawl
Pahnihna - Lalsangzeli d/o Lalvulluaia, Mamit Dinthar Kohhran
Pathumna - Lalrambeiseia s/o Rozuala, Sailulak Kohhran te an ni a.
Pu C. Awithanga Award dawngtute chu-
1) Christian Theology subject-ah Lalrambeiseia s/o Rozuala, Sailulak (95%)
2) Church Administration & PCI Constitution subject-ah R. Lalhmangaiha s/o Upa Lalrinsanga,
Melriat te an ni. (95%)
1 Sûnna : Rev. Lalawmpuia Hmar, Kum 40
Rev. Lalawmpuia Hmar (40), Aizawl Civil Hospital Chaplain hna thawk mek chu August 19, 2018 tlai
dar 3:30 khan Synod Hospital, Durtlang-ah a thi a, Aug. 20, 2018 chawhnu dar 1:30 khan Electric
Veng Kohhran Biak Inah Rev. Lalramliana Pachuau, Ex-Moderator in a vui.
Rev. Lalawmpuia Hmar hi Pu J.L. Varparha (L) leh Pi Lalbiaktluangi te fa 4 zinga a naupang ber
dawttu a ni a. April 6, 1978 khan Civil Hospital, Aizawlah a piang a. A pianpui unau mipa 2 leh
hmeichhia 1 a nei a ni.
Kum 2002 - 2006 chhung khan Aizawl Theological College ah B.D. a zir a, B.D. a zir lai hian a pa Pu
J.L Varparha chuan Chatuan ram a pansan a ni. Kum 2006 Synod Inkhawmpuiin Pro. Pastor-ah lain
North Hlimen Bialah a dah a; hetah hian kum 2007- 2009 thleng a awm a ni. Dec. 18, 2009 khan
Vanlalremruati, North Hlimen nen an innei a, tunah hian fapa pakhat H. Rotluangpuia (kum 7-na kal
mek) an nei a ni.
Kum 2009 Synod Inkhawmpuiin Pastor atan nemnghetin kum 2010 - 2015 chhungin Unnao Pastor
Bial, Lucknow Field-ah Pastor-in a awm a. Kum 2015-ah Phainuam Pastor Bialah a awm a, 2015
Synod Inkhawmpuiin Synod Office-ah awm turin a ruat a, Synod Officer's Meeting hmasa ber chuan
kum 2016 atangin Aizawl Civil Hospital Chaplain turin a dah veleh ta a; chu chu a thih ni thlengin a
thawk a ni.
Kum 2015 February thla khan Thin (Liver) natna a nei tan tih hriat chhuah a ni a, theih ang anga
inenkawlin Christian Medical College & Hospital, Vellore leh Synod Hospital Durtlangah vawi
engemawzat enkawl a ni a, natna dang Zunthlum, B.P. sang leh Lung natna te a neih belh zel a. A nat
kar lakah hian Civil Hospital-a a rawngbawlna chu a theih ang angin a thawk chhunzawm ve hram
hram zel a ni. Thla khat vel kalta atang khan khawihli te tak te te a nei \an a, harsatna erawh chu a tawh
phah lutuk lova, a hnaah te pawh kalin Civil Hospital OPD-ah te a inekawl pah reng a, kar khat
chhung velin inhnaih takin hmun li-ah khawihlipui a nei a, hei hi a chauh pui viau mai a, August 19,
2018 zing khan a thaw a hah a, Synod Hospital-ah kalpui nghal a ni a, ICU-ah awm nghalin ventilator
pek a ni a, tha leh mai tura kan beisei laiin August 19, 2018 tlai dar 3:30-ah a rawngbawlsak \hin a
www.m izoram synod.org

Lalpa hnenah a chawl ta a ni. For more - visit www.mizoramsynod.org

1 Zin
Aug. 20 - 30, 2018 chhung hian Field hrang hrang - Arunachal East, West leh North-ah te Field
Committee-in Rev. B. Sangthanga, Executive Secretary a kal.
Contd,..
 Synod Information & Publicity Department, Synod Office Annexe Buildning, Mission Veng, Aizawl

1 SL&PB
w Aug. 22, 2018 (Nilaini) khan Bungkawn Bialah Literature Seminar neih a ni a, Seminar neihpui
hian Rev. Dr. C. Chawnghmingliana, SL&PB Editor leh Upa H. Ronghaka, SL&PB Additional Editor
te an kal. SL&PB-in Literature Seminar a hmanpui tawha kohhran mite kal \hat ber \um a ni hial a, mi
516 lai an kal thei a. Seminar hi Bungkawn Bial Chairman Upa F. Lalthanmawian a kaihruai a,
'Literature pawimawhna leh thu ziak rawngbawlna' tih thupui, lehkhabutęa buatsaih chu Rev. Dr. C.
Chawnghmingliana’n a chhiar hmasa a, chumi hnuah "Kohhrana Mizo \awngkam hman leh hla thu lam
dan chungchang" tih thupui Upa H. Ronghaka’n a chhiar leh a. Sawihohna hun hlimawm tak hman zui
a ni. SL&PB hian kumin chhungin Pastor Bial 10 a\angin Seminar hmanpui tura sawmna a dawng tawh
a, heng Bial - Zonuam, Kei\um, Bairabi, Baktawng, Biate leh Bungkawnah teah hian Seminar hman
tawh a, heng bakah hian sawmna tihhlawhtlin tur hmachhawp an nei nual bawk. Kohhran bakah
Kohhran Hmeichhia leh K|P te a\ang pawhin Literature Nite leh Literature Campaign hmanpui tura
sawmna an dawng \hin bawk a, hengte hi SL&PB chuan a theih ang angin a tihlawhtling \hin a ni.
w Aug. 25 & 26, 2018 chhung hian Darlawn Bialah Literature Seminar neih a ni dawn a, Upa H.
Ronghaka, SL&PB Additional Editor leh Rev. R. Laldinthara te an kal ang a, Pathianniah Bial
chhung kohhran hrang hrangah hun an hmang nghal ang.
1 PRESCOM
w Aug. 21 - 24, 2018 chhung hian Shillong-ah Writers Worshop neih a ni a, Worshop-ah hian Rev.
Lalbiakchhunga Pachuau, i/c Shillong Bial, Pu Lalniliana, Bookroom Manager, Pi Lalnghakliani,
Asst. Coordinator, Synod Office leh Pi Rinsailovi, SL&PB Asst. Editor te an kal.
w Aug. 24, 2018 (Zirtawpni) chawhma dar 10:00 hian Synod Press Gathering Machine thar chu
Synod Senior Executive Secretary Rev. Lalramliana Pachuau-in Pathian hnenah hlanin a hawng ang.
He khawl thar hi Muller Martin Company, USA siam niin Rs.15,00,000/- man zet a ni a. Hetiang
khawl hi Mizoramah a la awm ngai lo va, Synod Press tan hmasawnna nasa tak a nih beisei a ni.
1 Synod Social Front
w Aug. 24 - 26, 2018 chhung hian Khawzawl Venglai Bialah Political Education Seminar leh Campaign
neih a ni dawn a, Pu R. Lalnuntluanga, Coordinator, Rev. Zoramsanga leh Upa Dr. Lalnundanga te an
kal ang a, Pathianniah Bial chhung kohhran hrang hrangah hun an hmang nghal ang.
w Aug. 24 - 26, 2018 chhung hian Khanpui Kohhranah Political Education Seminar leh Campaign
neih a ni dawn a, Resource Person te - Upa Lalbiakzuala leh Upa C.H. Thangkhuma te an kal ang.
1 Kohhran Hmeichhia
Aug. 22, 2018 (Nilaini) nileng khan Kohhran Hmeichhe Rorel Inkhawmin a lo rel tawh ram pum
huap awmni kham \awng\ai rualna hun an hmang a, mahni kohhran \heuhah a remchan dan anga
hman a ni a, remchan zawkna avanga a hun sawn hma leh tlai hret pawh an awm bawk a.
|awng\ai thupui ruahmansa - Lawmthu sawina, Mahni inhlan tharna, Sual thupha chawina, Kum
2018 MLA General Election lo awm tur atan, Ram leh Hnam tan, Zirtirna diklo laka fimkhurna,
Kohhran pum rawngbawlna atan, Kohhran Hmeichhe rawngbawlna atan, Ramthar rawngbawlna
lam, Sual bawiha tangte tan leh rualban lo, fa hrah leh kum upa te tan tih thupui hrang hrang te
hmangin \awng\aina rualna hi neih a ni.
|awng\ai rual denchhen hian Aug. 21, 2018 (Thawhlehni) zan khan Presbyterian Women Fellowship
(PWF) Day of Prayer pualin thupui inang tlang "Danglamna thlen turin huaisen rawh" tih an zir ho
bawk a ni. Awmni khama |awng\airual leh PWF Day of Prayer programme hmang kawp nghalte
pawh an awm bawk. Mizoram chhung bakah Kolkata, Delhi leh Mumbai Kohhran Hmeichhiate
chuan Awmni khama \awng\airual hun hi \ha takin an hmang thei bawk a ni.
1 K|P
w Aug. 24 - 26, 2018 chhung hian Ngopa Bialah Music & Literature Night hmanpui turin T.Upa
Rochungnunga, General Secretary leh committee member Tv. Robert Lalduhzuala te an kal ang.
w Aug. 24 - 26, 2018 chhung hian Bilkhawthlir Bialah Leadership Training neihpui turin T.Upa
Ricky Lalrammawia Ralte, Asst. Secretary leh Upa Lalnuntluanga, committee member te an kal ang.
1 FG&CC
Aug. 24 - 26, 2018 chhung hian Vangtlang Kohhranah Kristian Chhungkaw Seminar leh Campaign
neih a ni dawn a, Rev. Lalsangbera, Director, FG&CC leh Rev. R. Lalengzauva te an kal ang.
1 Campus Ministry
Aug. 16, 2018 (Ningani) khan Govt. Aizawl West College-ah hun an hmang a. Director Rev.
Lalchungnunga'n hun hmangin "Pathian chungchang - A inpuanna famkim Kristaa kan hmuh dan" a
sawi a. Aug. 20, 2018 (Thawh\anni) khan Govt. KM High School-ah hun an hmang leh a, Director
Rev. Lalchungnunga'n "Pathianin he khawvelah hian chhan (purpose) neiin min dah a, min dah chhan
hre chiang turin mahni zawn \heuhah \an lak a ngaih thu' a sawi a ni.
Contd,..
 SynodSynod Information & Publicity Department,
SynodSynod Office (Third Floor), MissionVeng,
Veng,Aizawl
Aizawl

Synfocity =
Information & Publicity Department, Office Annexe Buildning , Mission

1 Revival Deptt.
w Aug. 7 - 11, 2018 chhung khan Synod Revival Camping Centre, Neibawihah Camping neih a
ni a, Speaker Pu C. Lalzahawma, Hnehna Puangtu Team a ni. Camp-a lut zawng zawng hi mipa
173 leh hmeichhia 17, an vaiin 190 an ni a, engemaw harsatna thil avanga camp awm tluan thei lo
an awm bawk. Camp-ah hian kohhran hrang hrang leh veng hrang hrang 36 a\angin an lut a ni.
mail us at : mzsynfo@gmail.com; mizoramsynod@gmail.com - Phone - 2314648
Camp chhunga mawhphurhna hrang hrang hi Sihphir Pastor Bial ten an buaipui a ni.
w Synod Revival Speaker-ten hetiang hian Camping/Crusade neiin hun an hmang ang:
Aug. 28 - Sept.3, 2018 Upa Lalchhanhima Hnamte, Speaker Pamchung KH Crusade
Sept. 4 - 10, 2018 Upa Lalchhanhima Hnamte, Speaker Rabung KH Crusade
Sept. 9 - 23, 2018 C. Lalfamkima, Speaker Mamit Hmunsam Camping
Sept. 23 - 30, 2018 Lalremruata Sailo, Speaker Lawngtlai Bethel KH Crusade
1 Prison Ministry
Aug. 24 - 26, 2018 chhung hian Champhai District Jail-ah Crusade neiin hun an hmang dawn a,
Speaker tur chu Tv. C. Lalhmingsanga, Krista Chhuangtu Team a ni.
1 Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian
pek an ni.
S.No Khua Pek chhan Chhungkaw zat Chhawmdawlna pek zat
1. Meidum Vengthar KH Leimin tuar - Rs. 2,00,000/-
2. Tlangnuam West Leimin tuar 1 Rs. 10,000/-
3. Nisapui Damlo 1 Rs. 8,000/-
4. Maubawk Sikul Veng Damlo 1 Rs. 8,000/-
5. Maubawk Damlo 1 Rs. 8,000/-
TOTAL Rs. 2,34,000/-
1 Hruaina Eng FM Radio
w AUGUST 24, 2018 (FM Zoawi Aizawl & FM Lunglei @ 7:30 p.m.):
Zaipawl : Tuikual Pastor Bial Zaipawl - Vuina tur reng a awm lo, Solo : Lalhlumawii - Thisen a
thiltihtheihna, Thusawi : Upa K. Vanlalnghaka - Tleirawlte mizia leh enkawl dan, Zaipawl : Mizoram
Synod Choir - Isu ka hmangaih che, Group : K|P Kanan Branch Female Voice - lo kir leh rawh
1 Hruaina Eng TV Programme
Susamachar Prasaran Programme
w AUGUST 26, 2018 (Pathianni) 5:00 pm. :
Group/Choir/Solo : Durtlang Kohhran Masihi Sangati - Halleluia Stuti, Group/Choir/Solo : Chanmari
Masihi Sangati - Jisu Tomai, Sermon : Zohmingthanga - Prabhu Yeshu Hamare Vishram Sthal,
Group/Choir/Solo : Hmingtea Tochhawng - A nugra ha kari, Group/Choir/Solo : Melthum Masihi
Sangati - Krista Zara Unau
w AUGUST 26, 2018 (Tv Programme) @ 4:00 - 6:00, 8:00 - 9:00 p.m) :
Sermon : Rev. J. Lalbiaknia - Ram siam that, Weekly Round Up, Sawihona : Kohhran leh Politics - II

Kohhran Pavalai Pawl Flag leh Logo (Emblem) chungchang hriattirna

Kohhran Pavalai Pawl Logo leh Flag chungchanga rawtna hrang hrang a\angin Revival Committee
chuan a thlang fel ta a. Thehluh zing a\ang hian Tv. Vanlalruata leh Upa K. Lalhunpuia, Durtlang North
a mite buatsaih chu tlema siam remin thlan a ni a. A duh apiang tan Logo hi Synod Official Website lamah
download theiha dah a ni a. Tin, Flag hi LA Garment, Chanmari-ah a duh apiangin mahni Kohhran
hming emaw Pastor Bial hming nena chhut lan turin order theih a ni ang. LA Garment nen hian Agree-
ment sign a nih angin Flag hi man tlawm zawkin a print tir theih dawn a, size pangngai Rs. 550/- a ni ang
a, Car Flag Rs. 30/- a ni ang. Anni hi Chanmari YMA Hall hnuaiah an awm a, a duh tur chuan an Phone
no. 9774395219 -ah emaw 2348248 ah te biak pawh mai tur a ni. Tin, Inkaihhruaina Bu pawh lam theih
turin peih a ni tawh a. Revival Office-ah bu khat Rs. 5/- in lam theih a ni ang. Hre chiang duh chuan
Synod Revival Office-ah zawhfiah theih a ni e.

HRATTIRNA
Synod rorel bawhzuiin tunah hian Bawngkawn Synod Bookroom pawnah Letter Box dah a ni a, lehkha
pawimawh Synod Office thleng tur chiah dah tur a ni a, Synod Office ni lo, Deptt. dang thleng tur erawhchu
dah a remchang lo a ni. Letter Box hi kar tin Nilaini leh Zirtawpni-ah te hawn \hin a ni dawn a ni.

Contd,..
 Synod Information & Publicity Department, Synod Office Annexe Buildning, Mission Veng, Aizawl

Synfo Praise On 2018 chungchang Hriattirna

Praise On 2018 hi Kristian |halai Pawl Bial/Branch behchhanin Beat Group Intihsiakna anga kalpui tur
a ni a. A kalphung tur hetiang hi a ni:
a) TEL DAN TUR :
1) Kristian |halai Pawl (K|P) Branch emaw Bial emaw aiawh tur Beat Group 2 aia tam lo an tel
thei ang.
2) Beat Group pakhat-ah member 6 aia tam lo an awm thei ang.
3) A tel turte chu K|P Member, Kohhran dan chhunga awm, rawngbawlnaa hman chhunzawm theih
tur ni se.
b) ROUND AWM DAN TUR :
1) Round 3 a awm dawn a, Round 1-ah hian Group tinin minute 10 aia rei lo hun an nei ang a; hei
hian instruments siam rem chhung leh an zai zawh hun thleng a huam ang.
c) INSTRUMENTS :
1) |ingtang (Guitars), Keyboard leh Drums te chhawp sa a ni dawn a. Guitar leh Keyboard hi
mahni ta hmang duh tan a hman theih bawk ang.
d) A hun leh hmun
1) Hming pek luh hun hnuhnung : September 7, 2018 thleng.
2) 1st Round : September 18-21, 2018 (Chhun lam)
2nd Round : October 16-19, 2018
Final Round : November 6-9, 2018
e) A hmun : 1st Round hi Synfo Studio-a neih tura ruahman a ni a. A bak hi chu la ngaihtuah leh tura
dah a ni. Synfo Praise On 2018 Intihsiakna kalphung tur hriattirna hi Kristian |halai Pawl Bial leh
Branch hrang hrangah thawn chhuah mek a ni.
Kohhran Pavalai Pawl (KPP) inkaihhruaina

Kohhran Pavalai Pawl Flag leh Logo hrilhfiahna.

1. Flag chungchang.
1) Kil li nei a ni ang.
2) A vang lam chu a dunglam hmun thuma \hena hmun hnih (2/3) a ni tur a ni.
3) Rawng chi khat a ni ang a, a rawng atan rangkachak rawng (Creammy Gold Paint color) a ni ang a.
Hei hian chhungkuaa pavalai te pawimawhna, hlutna leh thuneihna a entir a ni.
4) Flag laiah KPP Logo(Emblem) dah tur a ni a. Chumi hnuai lamah Kohhran/Pastor Bial hming
hawrawp duma ziah tur a ni ang.
5) A hlai zawng chu chi thuma siam theih a ni ang a. A hlai Ber chu khaikhawmtu committee flag a ni
ang a, Ft. 4x6 a ni ang. A dawttu chu Pastor Bial leh Kohhran mal flag a ni ang a, Ft 2.5x3.9 a ni ang.
Tin, motora tar leh tul danga hman atan te deuh zawk, 6Inch.x9 Inch. a siam tur a ni ang.
2. Logo (Emblem) chungchang.
1) Logo hi size hrang hranga siam theih a ni ang a, a pian hmang erawh tihdanglam loh tur a ni ang.
2) Rin bial siamna, a tlang a duma rin chhung hi rawng dum pawl hman tur a ni.
3) Rin bial chhung bik background hi gray colour hman tur a ni ang.
4) Thuro thlawk lai hian Thlarau Thianghlim kan zinga thawk a, min hmu rengtu leh tiharh thar thintu a
nih a entir.
5) Biak In leh Kraws hian Kohhran leh a rawngbawlna a ngaih pawimawhzia a entir.
6) Bible in keu leh meialh hian Pathian thua innghat chung zela chhungkaw maichama mei chu a mit tur
a ni lo tih a entir.
7) Rin bial in zawm lohna laia bial pathum awm hian Kohhran Pavalai te thil tum pathum a entir.
8) Rin bial hnuai lamah hian Logo neitu chu Kohhran Pavalai Pawl a ni tih tarlan a ni a. Ribbon a
thangchhuah diar hman hian Krista tana thangchhuah tur kan ni tih a entir.
9) Rin bial chhung chung lama Thlarau Thianghlim entirna Thuro chunga KPP thupui ziah hian Thlarau
Thianghlim puihnaa Krista tana nung tur kan ni tih a entir.
Synod Social Front Helpline: 9089777129;
Tuai & Patil
MailHelpline : 8729800130;
us at : mzsynfo@gmail.com,
Students’ Helpline :mizoramsynod@gmail.com
9856883377
Synod Information & Publicity
Phone - 2314648 Syn f o