Setswana HL P2 Feb-March 2014

NATIONAL
SENIOR CERTIFICATE
MOPHATO 12
SETSWANA PUO YA GAE (HL)
PAMPIRI YA BOBEDI (P2)
TLHAKOLE/MOPITLWE 2014
MADUO: 80
NAKO: 2½ diura
Pampiri e, e na le ditsebe di le 20.
Kwalololo e ileditswe Phetla

Setswana Puo ya Gae (HL)/P2 2 DBE/Tlhakole–Mopitlwe 2014
NSC
DITAELO
1. Buisa tsebe e ka kelotlhoko pele o ka simolola go araba dipotso.
2. O se ka wa leka go buisa pampiri yotlhe. Lebelela lenaneo la diteng mo

tsebeng ya bone, mme o tshwae dipalo tsa dipotso tse di boditsweng mo
dikwalong tse o di buisitseng monongwaga. Morago ga moo, buisa dipotso
tse, mme o tlhophe dipotso tse o batlang go di araba.
3. Pampiri e, e na le dikarolo di le THARO:
KAROLO YA A: Poko (30)

KAROLO YA B: Padi (25
KAROLO YA C: Terama (25)
4. Araba DIPOTSO di le TLHANO: Di le THARO mo KAROLONG YA A, e le

NNGWE mo KAROLONG YA B le e le NNGWE mo KAROLONG YA C ka
mokgwa o o latelang:
KAROLO YA A: POKO
MABOKO A A TLHAOTSWENG – Araba dipotso di le PEDI.
MABOKO A A SA TLHAOLWANG – Araba potso e le NNGWE.
KAROLO YA B: PADI
Araba potso e le NNGWE.
KAROLO YA C: TERAMA
5. TLHOPHO YA DIKARABO MO KAROLONG YA B (PADI) LE MO

KAROLONG YA C (TERAMA)
Araba FELA dipotso tsa padi le terama tse o di ithutileng.

Araba potso e le NNGWE ya TLHAMO le e le NNGWE ya DIPOTSO
TSE DIKHUTSHWANE. Fa o araba potso ya tlhamo mo KAROLONG YA B,
o tshwanetse go araba dipotso tse dikhutshwane mo KAROLONG YA C.
Fa o arabile dipotso tse dikhutshwane mo KAROLONG ya B, o tshwanetse go
araba potso ya tlhamo mo KAROLONG YA C.
Dirisa lenaneonetefatso go go thusa.
6. BOLEELE JWA DIKARABO
Dikarabo tsa dipotso tsa tlhamo tsa poko di tshwanetse go nna mafoko a a ka
nnang 250–300.
Dikarabo tsa dipotso tsa tlhamo tsa padi le terama di tshwanetse go nna
mafoko a a ka nnang 400–450.
Boleele jwa dikarabo tsa dipotso tse dikhutshwane bo laolwe ke maduo a a
neetsweng. Dikarabo tsa batlhatlhojwa di totobale mme di nne maleba.

NSC
ELA TLHOKO:
7. Latela ditaelo kwa tshimologong ya karolo e NNGWE le e NNGWE ka

kelotlhoko.
8. Dinomoro tsa dikarabo di tlhagelele jaaka di ntse mo pampiring ya dipotso.
9. Simolola karolo e NNGWE le e NNGWE mo tsebeng E NTŠHWA.
10. Kwala ka mokwalo o o phepa e bile o bonala.
11. Tiriso ya nako e e tshitshinngwang.
KAROLO YA A: Bonnye metsotso e le masomeamane.

KAROLO YA B: Bonnye metsotso e le masomeamatlhanotlhano.
KAROLO YA C: Bonnye metsotso e le masomeamatlhanotlhano.

NSC
LENANEO LA DITENG
Tsebe e, e naya batlhatlhojwa tshedimosetso tebang le tlhopho ya dipotso tse ba
batlang go di araba kwa ntle ga go buisa pampiri yotlhe.
KAROLO YA A: POKO
Poko e e tlhaotsweng: Araba dipotso dingwe le dingwe di le PEDI.
PALO YA POTSO POTSO MADUO TSEBE
1. Mahutsana a modiri Potso ya tlhamo 10 6
KGOTSA
2. Ngwanaka o tsetswe Dipotso tse dikhutshwane 10 7
KGOTSA
3. Semakaleng-a-Monyaise Dipotso tse dikhutshwane 10 8
KGOTSA
4. Metsimasetlha Dipotso tse dikhutshwane 10 9
LE
Poko e e sa tlhaolwang: Araba potso e le NNGWE.
5. Tselatshweu Potso ya tlhamo 10 10
KGOTSA
6. Tlhaga e a šwa Dipotso tse dikhutshwane 10 11
KAROLO YA B: PADI
7. Leba Seipone Potso ya tlhamo 25 12
KGOTSA
8. Leba Seipone Dipotso tse dikhutshwane 25 12
KGOTSA
9. Omphile Umphi Modise Potso ya tlhamo 25 13
KGOTSA
10. Omphile Umphi Modise Dipotso tse dikhutshwane 25 14
KGOTSA
11. Masego Potso ya tlhamo 25 15
KGOTSA
12. Masego Potso e khutshwane 25 15
KAROLO YA C: TERAMA
13. Matsapa di a tsaya kae? Potso ya tlhamo 25 17
KGOTSA
14. Matsapa di a tsaya kae? Dipotso tse dikhutshwane 25 17
KGOTSA
15. Ga se Lorato Potso ya tlhamo 25 19
KGOTSA
16. Ga se Lorato Dipotso tse dikhutshwane 25 19
ELA TLHOKO: Mo DIKAROLONG tsa B le C, araba potso ya tlhamo e le NNGWE le

potso e le NNGWE ya dipotso tse dikhutshwane.

NSC
LENANEONETEFATSO
Lebelela lenaneonetefatso le, go rurifatsa fa o arabile palo ya dipotso e e tlhokegang.
KAROLO PALO YA PALO YA TSHWAYA

DIPOTSO DIPOTSO TSE DI ()
ARABIWANG
A: Poko
(Poko e e 1–4 2
tlhaotsweng)
A: Poko
(Poko e e sa 5–6 1
tlhaolwang)
B: Padi
(Tlhamo kgotsa
7–12 1
dipotso tse
dikhutshwane)
C: Terama
(Tlhamo kgotsa
13–16 1
dipotso tse
dikhutshwane)
ELA TLHOKO: Mo DIKAROLONG tsa B le C, netefatsa gore o arabile potso e le

NNGWE ya tlhamo le e le NNGWE ya dipotso tse dikhutshwane.

NSC
KAROLO YA A: POKO
Dipotso di tlaa bodiwa go tswa mo mabokong mangwe a le MANE a a tlhaotsweng le

go tswa go a le MABEDI a a sa tlhaolwang. Batlhatlhojwa ba tshwanetse go araba
dipotso dingwe le dingwe di le PEDI go tswa mo mabokong a a tlhaotsweng le e le
NNGWE go tswa mo go a a sa tlhaolwang. Dipotso tsa maboko a a tlhaotsweng di tlaa
tlhagelela pele, mme go latele tsa maboko a a sa tlhaolwang.
ELA TLHOKO: Araba potso e le NNGWE ya maboko a a sa tlhaolwang.
POKO E E TLHAOTSWENG
MABOKO A SETSWANA – MK Mothoagae
POTSO 1 (POTSO YA TLHAMO)
Araba dipotso di le PEDI go tswa mo go di le nne tse di boditsweng.
Buisa leboko le le latelang, morago o kwale tlhamo e mo go yona o tlhalosang

maikutlo a mmoki ka mahutsana a modiri. Boleele jwa tlhamo e nne mafoko a a ka
nnang 250–300.
MAHUTSANA A MODIRI – MCD Mogotsi
1 Modiri a golega letsatsi le eme,

2 A latlhela dikgomo thiteng a gaketse,
3 A ngwangwalala le tema a sa itshoga tlala,
4 Mme ba ba kutlwelobotlhoko ba mo naya diatla.
5 A di latlhela motlhong pula e etile,

6 Seme a se latlhetse legetleng ka bokete,
7 Mme a di tsamaya thoko mala a lela,
8 A tlamile borukhu ka tele le motantanyane.
9 Lekote la re, tsebe, tsebe, tsebe,

10 Tse di mebitlwa tlhogong di ntse di itshokile.
11 A ya le tsone, monnamogolo, a sa fele pelo.
12 Tlhabolola, tlhaba, se tlhabe thata!
13 Sefako sa hupela tedu pelong,

14 Mme matsapa a modiri a fetoga lefela;
15 Sa fola dijalo mo go botlhoko
16 Mme tshimo ya sala ka dikutwana.
17 A goga dinao motsofe ka bokete

18 Keledi e rothela sakeng la boselelo;
19 Letshwamina-a -matshaba-mosi a okomela,
20 Mme ga nna maragaraga sefatlhegong sa modiri. [10]
KGOTSA

NSC
POTSO 2 (DIPOTSO TSE DIKHUTSHWANE)
Buisa nopolo e e latelang, mme o arabe dipotso.
NGWANAKA O TSETSWE – GK Setou
1 Ke go tlisitse mo lefatsheng
2 Ke le tshokolong le tshotlegong,
3 Ke go adimela ka ke se mengatong,
4 Go fitlha o tsena kgagabong,
5 Ka e tshwarwa bogaleng, ka re ngwana o tswa mpeng.
6 Ke ne ke le kobo di magetleng,
7 Ke go isa thutong ya sešwa tlhabologong,
8 Ke go kotlopisetsa ka go go kgobokanyetsa letsogong,
9 Ka ba ka ineela go ratharatha lenaong
10 Go na le gore o boe kwa sekolong.
11 O ne o nkitse ke le monyo o nyang le marigeng.
12 Ke ne ka go itshokela, ngwanaka,
13 Ka mephato ka nna ka go tlhatlosa,
14 Ka tshepo ya gore nna kgakakgolo ga ke na mebala,
15 Mebala ke tshepile e le mo go wena,
16 Gona jaanong o kwekhwentha seeng,
17 O lebala fa ke go tsetse ka Setswana.
2.1 Morero wa leboko le ke ofe? (2)
2.2 Ke maikutlo afe a a senolwang ke mmoki mo lebokong le? (2)
2.3 Tlhalosa mafoko a a mo go mola 6 ka mafoko a gago. (2)
2.4 Naya mosola wa ponagalo e e dirisitsweng mo go mola 14 le 15. (2)
2.5 Molaetsa o o ungwileng mo lebokong le ke ofe? (2)

[10]
KGOTSA

NSC
SEMAKALENG-A-MONYAISE – JSS Shole
1 Ga nkitla ke bua thata ke tlaa nyaisa

2 Ke tlaa kopela Semakaleng madulo.
3 Ga se moeng, tlhe, ke mong wa lapa
4 O tlhaeditswe ke batlhanka ditulo.
5 O maaka mantle motho wa Marara
6 O ka go loma tsebe, a re gape, se sebe
7 A go je ka loleme, a re maaka ga se khumo.
8 Yo o sa itseng go bua le baeng!
9 A buang e kete o duelela mafoko.
10 O tlhopha a se kae fela mme a a manege
11 Seboloko, sekgomo ya motlapa.
12 O ratile go ntsha botshelo leinane,

13 Go fetola dipuo tsa batho diane.
14 O fa dilelo tsa baratani melodi
15 Ditshego tsa bona a di dire tshotlo.
16 Monna yo o tsotse basadi ditswalo;

17 O supile sentle ka Mma-Oshupile
18 Fela o ba ratisa thata bonkatsea
19 Bogale jwa mosadi seka-nkwe.
3.1 Tlhalosa mola 1 jaaka o dirisitswe mo lebokong le. (2)
3.2 Go tewa eng fa go twe 'o tlhaeditswe ke batlhanka ditulo'? (2)
3.3 Maikaelelo a mmoki a go dirisa sekapuo sa tshwantshiso mo meleng 10 le 11

ke afe? (2)
3.4 Tsaya mola 12 o tlhalose se mmoki a se kayang ka ona. (2)
3.5 Naya mosola wa go dirisa maele mo pokong. (2)

[10]
KGOTSA

NSC
METSIMASETLHA – EB Masoabi
1 Ke metsi-masetlha setsimpa boko,

2 O dubisa banna thankga maibing,
3 Ba je mmamodikwadikwane mananeng,
4 Ba rwale mabogo tlhogong go umakwa,
5 Masetla-dibete a tiro tsa bojalwa.
6 Ruri o setlhogo o sa bolaya motho!

7 O gopisa bagale ka mpa ya sebete,
8 O ba tlogele ba le pududu dikhaing,
9 Wena o sale o phophoma dinkgong,
10 O boe o ba amoge seriti,
11 Ba sale ba sasanka mananeng.
12 Balatedi ba gago ba fetogile bomphe-ke-gôrê,

13 Matlho a bona a ditoto a totomogile,
14 Melomo ke dibete diphafaneng,
15 Godimo ga moo, o botlha ka tatso le lonko,
16 Mme o pakwa go feta kgotlaomone.
17 Ka ntlha ya gago merafe e latlhegetswe ke dikgosi,
18 O busa metse boemong jwa magosi,
19 O garaswantse kagiso makgotleng,
20 Go setse fela selelo le khuranyo ya meno.
4.1 Tlhalosa mola 1 jaaka o dirisitswe mo lebokong le. (2)
4.2 Nopola mola o o kayang gore bojalwa bo diga bagale mo go tlhomolang pelo. (2)
4.3 Lebelela mola 20 mme o tlhalose se mmoki a se kayang ka ona. (2)
4.4 Naya mosola wa sekapuo se se dirisitsweng mo go mola 6. (2)
4.5 O ithutile eng go tswa mo lebokong le? (2)

[10]
LE

NSC
POKO E E SA TLHAOLWANG
Dipotso di le pedi (tlhamo le dipotso tse dikhutshwane) di boditswe mo mabokong a le

mabedi. Araba potso e le NNGWE fela.
SELELO SA MMOKI – MCD Mogotsi
Buisa leboko le le latelang, morago o kwale tlhamo e mo go yona o tlhagisang maikutlo

a mmoki ka tsela-tshweu. Boleele jwa tlhamo e nne mafoko a a ka nnang 250–300.
TSELATSHWEU – MCD Mogotsi
1 Dumela kgaitsadiaka;
2 Dumela, wena kgomotso ya monna
3 Keledi e mo sentse sefatlhego.
4 Ke serilwe ke boitumelo
5 Go lemoga phatlha ya setilo sa gago.
6 Ga ke kgatlhanong le tseo ya gago
7 Ntswa ke kgatlhanong le tlhologelelo
8 E e tla nnang teng.
9 Maloba e rile jale ke le kgorong,

10 Ke akanya ka lone letsatsi le,
11 Ka lemoga fa malatsi a atametse
12 Go dira lesoba lapeng la etsho.
13 Ke sokologa mo dikakanyong tse
14 Go utlwa tsa bogadi
15 Di itlhabela mokgosi,
16 Mme ka di leba ka tlalelano, 'di tlile go mo tsaya'!
17 Bontsi bo ne bo eme ka dipota;

18 Borre ba eme ka diphafana jaaka lo ba bone,
19 Ba gakgamaletse tsa bo-e-tlhabana.
20 E tshwana ya tlerebetsa ka molodi
21 O mosesane, ya ba ya sala e khubame ka mangole,
22 Mme ya nkgopotsa motsing ke tswa kwa go tsaya tsa etsho
23 Kwa Tlhalagadi,
24 Ke feta jaana ka Moroba le Khudu.
25 Ntladiile ga ke rate go e gopola
26 Gonne e sa lelele lefela,
27 E ne e gana mmemogolo a e boka,
28 A itsatsaula a ba a ya go tlhaga fale;
29 A boe, a tlolake jaaka potsane
30 Fa morago ga mosarasarane,
31 Mme a feletse kgalema lehufa dipelong tsa batho
32 Gonne tsa bogadi di sa amogelwe ka modidi. [10]
KGOTSA

NSC
MATŠHOTLHO – SA Moroke
Buisa leboko le le latelang, mme o arabe dipotso.
TLHAGA E A ŠWA – SA Moroke
1 Phefo e ne e tshumile,
2 Tlhaga gotlhe e omile,
3 Dithota di setlhefetse,
4 Ditshedi di didimetse.
5 Go ne go le ka thapama,
6 Pele ura ya go gama,
7 Re bona go thunya mosi,
8 Mme ga utlwala mokgosi.
9 Molelo wa tla o sutsa,

10 Tshipi ya motse ya bitsa,
11 Mme motse wa tlhotlhorega,
12 Batho botlhe ba taboga.
13 Ka gonne fa tlhaga e šwa,

14 Go tswa bagolo le bašwa,
15 Ba tswe ba tshotse dikgetsi
16 Kgetsi di tshetswe ka metsi.
17 Banyana ba ele tlhoko,

18 onne ga se metshameko;
19 Molelo o re tlhasetse,
20 Dintwa tsa one di bolotse.
6.1 Kgankgolo ya leboko le ke efe? (2)
6.2 Tlhalosa mola 9 jaaka o dirisitswe mo lebokong. (2)
6.3 Naya mosola wa ponagalo ya poko e e tlhagelelang mo meleng 10 le 11. (2)
6.4 Naya morumo o o tlhagisitsweng mo temaneng ya botlhano o bo o neele

mofuta wa ona. (2)
6.5 Naya mosola wa sekapuo sa mothofatso se se dirisitsweng mo mola 20. (2)

[10]
PALOGOTLHE YA KAROLO YA A: 30

NSC
KAROLO YA B: PADI
Ditshwaelo ka kakaretso:
• Go boditswe potso ya TLHAMO le DIPOTSO TSE DIKHUTSHWANE go tswa mo

pading e o e tlhaoletsweng monongwaga.
• Batlhatlhojwa ba tshwanetse go araba potso e le NNGWE go tswa mo pading e ba
e ithutileng.
• Fa motlhatlhojwa a itlhophetse go araba potso ya tlhamo mo KAROLONG YA B,
• Fa motlhatlhojwa a itlhopetse go araba dipotso tse dikhutshwane mo KAROLONG
YA B, o tshwanetse go araba potso ya tlhamo mo KAROLONG YA C.
LEBA SEIPONE – Kabelo Kgatea
Araba potso e le NNGWE go tswa mo pading e o e buisitseng.
O lebile moanelwamogolo le baanelwa ba bangwe. Tlhagisa dikgwetlho le tshotlo e e

neng e tlisiwa ke go tlhaola batho ka mmala le dipopego mo pading e. Tlhamo e nne
mafoko a a ka nnang 400–450. [25]
KGOTSA
LEBA SEIPONE – Kabelo Kgatea
E rile fa koloi e tshweu ya ga Mmasepanapodi e itelekela ka motse wa Foreiborogo,

Motswagauteng a retolola seipone se se fa gare ga gagwe le Mmasepanapodi. A nna
sebaka se seleele a itebile. A leba mosadimogolo ka go mo utswa. A leba motse wa
Huhudi o kotame mo thotaneng. A leba motse wa bammala wa Blekiesdorp ka fa
mojeng. A lemoga fa batho ba tshwana, ba farologana fela ka mmala le go
kgaoganngwa ka mafelo. A lemoga fa batho ba Foreiborogo ba sa itsane. Bantsho ba
bona basweu jaaka bagateledi ba ba bogagapa. Basweu fa ba bona bantsho, ba bona
makgoba le magodu fela. A ntsha pene ya gagwe a kwalakwala mo pampitshaneng.
E rile fa ba tla ba lebile dikantoro tsa Lefapha la Thuto la Sedika, ga utlwala melodi le
dipina tsa kgololosego. Teu a eteletse pele mogwanto wa go isa dingogorego. Dikoloi
tsa mapodisi le tsona ke fa di tsamaya ka iketlo fa morago ga bona. Ba eme
malalaalaotswe, ditlhobolo le diraborolo di tlhatlhetswe marumo.
Motswagauteng a tlhajwa ke kgala go fologa go bina toitoi le ena, gonne go se ngwana

ope yo o tshwanang nae ka mmala le ka moriri mo mogwantong. A iteba gape mo
seiponeng. A leba Mmasepanapodi gape. Keledi ya thepologa le mamina. Bontsi jwa
bana ba basweu bo ne bo sa ya sekolong, ba eme ka dipota fa ba bangwe ba
okometse ka matlhabaphefo.

NSC
Bontsi jwa bana ba basweu bo ne bo sa ya sekolong, ba eme ka dipota fa ba bangwe

ba okometse ka matlhabaphefo. Mosadimogolo a ba sala morago ka iketlo. Moeka a
ntsha diborele tsa gagwe tse dintsho a di rwala. A sala a tshwana le banna ba
Scorpion ba a ileng le bona Gauteng jale.
E rile fa mokoloko o goroga kwa dikantorong tsa sedika, Teu a fitlha a dumedisa
motlhatlhobi wa sedika le go buisa lekwalo la dingongorego. A feleletsa ka gore karabo
e tle pele malatsi a mararo a feta. Mokoloko wa tlhabeletsa dipina wa ikgata motlhala.
8.1 Naya maina a baanelwa ba BABEDI ba ba amegang mo go kobiweng ga

Motswagauteng kwa sekolong. (2)
8.2 Tlhalosa ka boripana tiragalo e e tlhodileng mogwanto o o kaiwang mo

temaneng. (4)
8.3 Anela ka boripana gore ke go reng mokwadi a teile setlhogo sa padi e, 'Leba
Seipone'. (4)
8.4 Go fologa ga Motswagauteng mo sejanageng le go kopa mapodisi gore a mo

tshware, go senola ntlha efe ya semelo sa gagwe? (2)
8.5 Ka boripana tlhalosa ka moo Motswagauteng a kopaneng ka teng le

Mmasepanapodi. (4)
8.6 Seabe sa ga mosadimogolo Ijelele ke sefe mo tshenolong ya morero wa

padi e? (2)
8.7 Rrathekisi yo a tlileng le Motswagauteng o thusa jang mo tsweletsong ya

poloto ya padi? (3)
8.8 Fa o ne o le Motswagauteng mme o bona motsadi yo o go tsetseng lwa ntlha

kwa tshekong, o ne o tlaa ikutlwa jang? (2)
8.9 Motswagauteng o ne a thusa Mmasepanapodi fa a ne a phamolelwa

sekgwama. Go ya ka wena a go siame gore basweu ba tseelwe madi? (2)
[25]
KGOTSA
OMPHILE UMPHI MODISE – DPS Monyaise
Araba potso e le NNGWE go tswa mo pading e o e buisitseng.
Mopadi o dirile Motlalepule moanelwa wa mmopa, moanelwa yo o sa tsheleng.

Netefatsa ntlha e, o ikaegile ka poloto ya padi e. Boleele jwa tlhamo e nne mafoko a a
ka nnang 400–450. [25]
KGOTSA

NSC
OMPHILE UMPHI MODISE – DPS Monyaise
Ga twe go batho bangwe ba ba tle ba utlwe go sale gale gore ba tlaa wela mo
diphatseng, mme ba se ke ba itse gore ba ka tila jang, gonne botshelo jwa rona bo mo
'atleng tsa magodimo. Re tshwana le ditshamekiso tse e reng di tenne mong wa tsone,
a tseye majwe a di papetle, di tlhoke go iphemela. Mme le fa go ntse jalo, go na le
paka tse re leng baipolai, ba go tweng ga ba lelelwe, gonne e tle e re magodimo a
dirile matsapa a go re tlhagisa mo diphatseng, re gane go reetsa. E re re wetse mo
lemeneng re rototse matlho, re ikgomotse ka go re 'Masaikategang a magodimo a na
le beng.'
E ne e setse e le sebakanyana e tle e re Modise a tsamaya, a itewe ke ditshikare, e

kete e tlaa re a gata, a thelele, a wele mo lemeneng. Mme ka a ne a sa tseye tsia, a
tloge a lebale.
Ka letsatsi le le latelang la nyalo ya kwa mošate, fa go neelwa, a tsamaya a le esi go

ya kwa molapong, a ikaeletse go ya kwa bodibeng ka tsela ya mošate gore a tle a
bone fa o neng a letse a eme gone le mokapelo. O ne a sa tlwaela tsela e e
motsopodia, fa a tsamaya a le esi; mme mo maitseboeng ao, a se ka a itsapa. Ya re a
sa le kgakajana le lentswe le ba neng ba letse ba eme mo go lone, a ikutlwa jaaka
motlhabani yo o etelang sope lwa ntwa ya gagwe ya bofelo go boeletsa maikutlo
mangwe. A fitlha a ema go bapa nalo, mme a tshaba go le ama … e kete fa a ka le
ama, bosweu jwa maikutlo a gagwe bo ka fetoga bontsho. A kgora.
Jaanong a tsamaya a iketlile, a ba a fitlha kwa bodibeng. A bona makhujwana a metsi

a bodiba a thubagana mo lobopong; mangwe a kgaogana ka bogare mo lotlhakeng, e
re a sena go feta a boele a kopane gape. A fitlha a nna go pota bodiba ka fa
botlhabatsatsi, a lebagana le mosele o mogolo o o nosetsang masimo a mabele a
Sekgoa, o o potang motse ka fa borwa o iphaphathile le masimo, o bo o dike o tlhaga
kwa Bokone, o gogotse dibeela tsotlhe, o ya go di gorometsa mo metsing.
10.1 Ke eng se se neng se gogela Modise le Phatšwa go feta kwa molapong? (1)
10.2 Tlhalosa gore baagi ba Matile ba bone jang lefatshe la bona. (2)
10.3 Mosetsana yo o neng a sutlha ditsuatsue a sianetse gae, o fitlhile a begela

rraagwe eng? (2)
10.4 Thandi o tsalana jang le mosimane wa tedu tsa katse? (2)
10.5 Seabe sa ga monnamogolo Ofentse ke sefe mo kgodisong ya ga Modise? (2)
10.6 'Ga twe go batho bangwe ba ba a tle ba utlwe go sale gale gore ba tlaa wela
mo diphatseng.' Tlhalosa gore nopolo e e ka tswa e lebisitse kwa go mang. (2)
10.7 Kamano ya ga Motlalepule le RraMosidi e tsweletsa jang morero wa padi e? (2)

NSC
10.8 Tlhalosa ka boripana seabe sa ga Semitlwe mo tsweletsong ya ditirigalo

tsa padi. (2)
10.9 Semelo sa ga Kgosi Badirele se tsweletsa jang morero wa thuto mo

pading e? (2)
10.10 Go ya ka wena, a Seagile o ne a dira sentle fa a ne a gana morwadie a ya

sekolong? (2)
10.11 Fa o ne o le Motlalepule, o raetswe ke Thandi wa bo o ima, o ne o ka dira eng

ka moraedi wa gago? (2)
10.12 A o dumela gore se mosadimogolo Malebela a se boleletseng Motlalepule ke

nnete? (2)
10.13 O ithutile eng go tswa go moanelwa RraMosidi? (2)

[25]
KGOTSA
MASEGO – G Mokae
Moanelwamogolo Masego o re ruta gore le fa go ka nna thata jang mo botshelong,

motho a ka kgona go atlega fa fela a na le maikaelelo. Netefatsa boammaaruri jwa se
ka go tlhalosa ditiragalo go tswa mo pading. Boleele jwa tlhamo e nne mafoko a a ka
nnang kana ka 400-450. [25]
KGOTSA
MASEGO – G Mokae
'Ee, yo o tlhanotseng direthe go tshaba kwa polaseng ya Silkatsnek morago ga go

ithwala.'
'Yo go neng go akanngwa gore o ineile naga a tshaba mo polaseng, Goabaone. Nnete
ke gore ga a ka a dira jalo, mmaagwe Masego ...'
'Ao? Mme go diragetseng ka ena'? Goabaone a botsa ka go gakgamala.
'Ebu, o ne a tsamaya go tswa mo polaseng ya Silkatsnek. Fela o ne a diragatsa seo

rraagwe a dumelaneng le base Schalk ka sone. Tumelano e, ka bobedi jwa bone, base
Schalk le Tsawe, ba ne ba ntshepa, ba neng ba nkopile go nna paki ya yona. Ka go
tlhoka lesego, ka nna le Tsawe re ne re sa itse go kwala kgotsa gona go buisa,
tumelano e ga e a ka ya kwadiwa fa fatshe; e le ya molomo fela,' Kgabo a tlhalosa.
'E ne e reng tumelano eo? Mme base Schalk o tsena jang foo'? Goabaone a
botsolotsa.

NSC
'O ka botsa gape mogatsake,' Kgabo a sosobanya sefatlhego.
'Base Schalk ke rraagwe ngwana wa ga Lizbeth!
'O batla go nthaya o reng rraabo'?
'Ke go bolelela nnete, mmaabo; Base o ne a ngoka Lizbeth ka seo se itseweng ke ena
fela, mme a mo fetola mosadi yo a neng a dira boaka le ena; a tsietsa mmisisi mme ya
re a sena go ithwala, a tsenwa ke tsebetsebe, a boifa seo mosadi wa gagwe a tlaa se
mo dirang fa a utlwa ka botshwakga jwa gagwe ...'
'Mme'?
'Mme a kopa Tsawe ka pelo e e botlhoko go tsamaisa Lizbeth go tswa mo polaseng;
a itlama ka gore o tlaa tlamela lesea leo go fitlhela le nna dingwaga di le some
le bobedi ...'
'Ehe'!
'Ka nako eo, jaaka ke go boleletse bobedi jwa bone bo ne bo ntshepa. Ka jalo. Ka raya
Tsawe ka re fa e le gore thulaganyo eo e a amogelesega mo go Lizbeth, gongwe le
ena o tshwanelwa ke go e amogela. Ke ne gape ke akanyetsa lesea leo la morwa;
mathata ao le neng le tlaa kopana le ona mo polaseng fa batho botlhe ba itse gore ke
ngwana wa ga base Schalk, mme base ena a sa le batle ...'
12.1 Neela mabaka a MABEDI a a tlhodileng go thubega ga lenyalo la ntlha la ga

Vusi Mgoma. (2)
12.2 Sello o ithutetse bongaka kwa kae? (2)
12.3 Tlhalosa gore go tlile jang gore Kgabo Motsepe le Goabaone ba bitse
Masego, Masego. (4)
12.4 Ka ntlha e le NNGWE, tlhalosa gore Masego ke moanelwa wa mofuta ofe. (2)
12.5 Seabe sa ga base Schalk ke sefe mo tsweletsong ya morero wa padi e? (2)
12.6 Tlhagisa dintlha di le THARO ka tshobotsi ya ga Masego. (3)
12.7 Naya dintlha di le PEDI ka semelo sa ga Ntsime. (4)
12.8 Go imisiwa ga Lizbeth ke base Schalk, a be a kobiwa mo polaseng go tsosa

maikutlo a a ntseng jang mo go wena? (2)
12.9 Fa o ne o le Sello mme o kopana le rraago wa madi ka nako ya dikhuduego,

o ne o ka dirang? (2)
12.10 O ne o ka dira eng fa o ne o le Lizbeth mme o imisitswe ke mothapi wa

ga rraago? (2)
[25]
PALOGOTLHE YA KAROLO YA B: 25

NSC
KAROLO YA C: TERAMA
Ditshwaelo ka kakaretso:
• Go boditswe potso ya TLHAMO le DIPOTSO TSE DIKHUTSHWANE go tswa mo

terameng e o e tlhaoletsweng monongwaga.
• Batlhatlhojwa ba tshwanetse go araba potso e le NNGWE go tswa mo terameng e
ba e ithutileng.
• Fa motlhatlhojwa a itlhopetse go araba potso ya tlhamo mo KAROLONG YA B,
• Fa motlhatlhojwa a itlhopetse go araba dipotso tse dikhutshwane mo
KAROLONG YA B, o tshwanetse go araba potso ya tlhamo mo KAROLONG YA C.
MATSAPA DI A TSAYA KAE? – SS Mokua
Araba potso e le NNGWE go tswa mo terameng e o e buisitseng.
Lerato la madi le le feteletseng le ka latlhisa batho botho. Tlhalosa tlhagiso e o ikaegile

ka ditiro le maitsholo a ga Mmatšhatšhi le Monyana. Boleele jwa tlhamo e nne mafoko
a a ka nnang 400–450. [25]
KGOTSA
MATSAPA DI A TSAYA KAE? – SS Mokua
SARA: (O forogotlha mogatse tlhogo)

Rra, re tshwanetse go fuduga fa.
RAMOOPAMPA: Goreng o batla gore re fuduge fa?
SARA: Ntlo e e mo sekhutlong e, ga ke e rate.

Ka letsatsi le lengwe re tlile go seka.
RAMOOPAMPA: Re seka eng?
SARA: Metlholotlholo e re e bonang fa, e

ntsitsibanya mmele. Tsatsi lengwe, e tla
re re tsoga, re fitlhele motho a swetse mo
segotlong sa rona.
RAMOOPAMPA: Go ka se nne jalo. Dintšwa tsa me ke ditau.
SARA: Dintšwa?
O di latlhelela nama fela, di a go tlogela

NSC
RAMOOPAMPA: Letsatsi le setse le dikela. Ke tshwanetse go di bofolola.
SARA: O tlhole pele gore ga go ope ka fa morago

ga lobotana. Sesireletsi sa lobotana se a tena, ka gore
baratani ba ikaega ka lona.
Bojang jo o bo jetseng ka fa morago ga
lona, le bona bo a ba gogela.
Re tshaba le go okomela ka fa morago.
Bana ba rona ba bona metlholo.
Dilo fela tse di sisimosang.
Dilo tse di tlhabisang kgala.
RAMOOPAMPA: Ke e tla, ke ya fa ntle.

(O a tswa. O kgatlhantshwa ke pula e sarasara)
Pula e, e tswa kae?
(O okomela ka fa morago ga lobotana)
Bathong! Batho ba ba emeng mo puleng
bale, ba ikutlwa jang!
Pula e, a ga e ba kolobetse?
Ka gongwe metsi a pula a thedimoga fela
mo diaparong tsa bona.
Lorato lo a makatsa, ga le na gore pula e a na.
14.1 Mphodi o dula kae mo Porotiya? (1)

14.2 Ntlo ya boSara e fa kae? Naya dintlha di le PEDI tsa kaelo ya ntlo ya bona. (2)
14.3 Naya metlholo e MEBEDI e Sara a reng e sisimosa mmele. (2)
14.4 Naya mabaka a MABEDI a a tshegetsang kopo ya ga Sara ya go fuduga mo
ba dulang teng. (4)
14.5 Goreng Ramoopampa a sa batle ba fuduga? (2)
14.6 Mafoko a a reng ka letsatsi lengwe re tlile go seka le a a reng letsatsi lengwe
e tlaa re re tsoga, re fitlhele motho a swetse mo segotlong sa rona; a senola
bokgoni bofe mo go Sara? (2)
14.7 Mabaka a a emisang Manaila kwa ga Ramoopampa e bile a ka se tsene kwa
gaaboMphodi ke afe? (4)
14.8 Dumelana kgotsa o ganetsane le ntlha ya gore Ramoopampa ke 'Tomase' o
dumela a bone. (2)
14.9 Sara a re ka letsatsi lengwe ba tlile go seka. A tlhagiso e ke ntlha kgotsa ke

kakanyo? (2)
14.10 Ramoopampa o ne a solofela gore ba tlaa fenya mathata a a dikologileng ntlo
ya bona. A mme ba kgonne go a fenya? (2)
14.11 Fa o akanya, goreng Sara a ne a forogotlha Ramoopampa tlhogo? (2)
[25]
KGOTSA
NSC
GA SE LORATO – MJ Magasa
Araba potso e le NNGWE go tswa mo terameng e o e buisitseng.
Ditiro tsa ga Motsamai mo botshelong di fetotse maitsholo a mosadi wa gagwe le

bana. Lebelela ditiragalo tsa terama e mme o thadise phetogo ya maitsholo a
badiragatsi jaaka e tlhodilwe ke ditiro tsa ga Motsamai. Boleele jwa tlhamo e nne
mafoko a a ka nnang 400–450. [25]
KGOTSA
GA SE LORATO – MJ Magasa
EMANG: Re ya go go tlhokomela tota.

Batho ba tlaa be ba go swabele
Fa o ja maungo a diatla tsa gago.
LESEGO: Go ise go ye kae, o tlaa be o palame sejanaga.

Le wena o tlaa itse go ntsha sejabana.
GADIFELE: (O sule ke ditshego.)

A lo tshepisa gore lo ya go ntlhokomela
Kgotsa lo ipuela fela go natefisa kgang?
Kana motho o tlhabiwa ke mooka wa gagwe.
KA BOBEDI: (Ba tshega, ba buela gongwe.)

Re bua nnete mma.
GADIFELE: Lo ithute thata lo falole.

Batho ba ba nthapileng bao
Ba setse ba ntsholofeditse thuso
Ya gore fa lo ka tlhoka madi a sekolo,
Ba tlaa nkadima gore ke lo rute.
Nna ke tlaa a direla mosuga.
EMANG: (Morago ga malatsi, ka boitumelo.)

O a itse sekolo se simolola go nnatefela.
Ga go tlhole go tshwana le maloba.
LESEGO: Le nna ke phela monate.

Mma, jaanong fa e ka re re feditse sekolo
Rre a bo a boela gae,
A re tlaa mo amogela?

NSC
GADIFELE: (Ka boiketlo le tsemelego, ya go araba.)

Go mo go lona gore a lo tlaa mo amogela.
Fela ga go na kwa re ka mo kobelang teng.
Kana lapa ke la gagwe
Le gone se se mo ntshitseng se tlaa mmusa.
Lokwalo lwa re; 'se buse bosula ka bosula'.
Sa gagwe ke go feta fela a itlamela,
Kgotsa a itlela yo o tlaa mo tlamelang.
16.1 Gadifele o ne a raya Motsamai a re ena o tlaa rutiwa ke mang go kgweetsa? (1)
16.2 Rraagwe boLesego fa a boela gae jaaka ba botsa mmaabona gore fa a ka

boa a ba tlaa mo amogela; o boa a tswa kwa go mang? (1)
16.3 Rraagwe boLesego o ile go dira eng kwa modiragatsing yo o mo kaileng mo

go POTSO 16.2? (2)
16.4 Goreng Lesego a botsa potso ya gore a ba tlaa amogela rraabona fa a boa? (2)
16.5 Naya maano a MARARO a Gadifele a a dirisitseng go tlamela le go ruta bana

ba gagwe. (3)
16.6 Maano a o a kaileng mo go POTSO 16.5 a ne a fetola maemo a lotseno kwa

ga Gadifele mo Emang le Lesego ba neng ba itumela fa ba ya sekolong.
Naya tiragalo e le NNGWE mo go tse Emang a reng di a ba diragalela kwa
sekolong ka ntlha ya go tokafala ga maemo a kwa lapeng. (2)
16.7 Gadifele o raya jang fa a re: 'Motho o tlhabiwa ke mookana wa gagwe'? (2)
16.8 Maikutlo a a renang mo puisanong ya ga Gadifele le bana ba gagwe ke afe? (2)
16.9 Mafoko a ga Gadifele a gore 'sa ga Motsamai ke go itlamela', a ke ntlha

kgotsa ke kakanyo? (2)
16.10 Go ya ka wena, a Gadifele o ne a itse dilo tse Motsamai a neng a di direla

basadi ba a nnang le bona? (2)
16.11 Lesego o ne a raya mmaagwe a re o tlaa itse go ntsha sejabana. A se se ne

sa diragala? (2)
16.12 Semelo sa ga Selapo se na le seabe sefe mo tsweletsong ya morero wa

terama e? (4)
[25]
PALOGOTLHE YA KAROLO YA C: 25
PALOGOTLHE: 80
Kwalololo e ileditswe

Setswana HL P2 Feb-March 2014

Uploaded by

Copyright:

Available Formats

Setswana HL P2 Feb-March 2014

Uploaded by

Document Information

Original Description:

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Setswana HL P2 Feb-March 2014

Uploaded by

Copyright:

Available Formats

NATIONAL

SETSWANA PUO YA GAE (HL)

PAMPIRI YA BOBEDI (P2)

Pampiri e, e na le ditsebe di le 20.

Kwalololo e ileditswe Phetla

1. Buisa tsebe e ka kelotlhoko pele o ka simolola go araba dipotso.

2. O se ka wa leka go buisa pampiri yotlhe. Lebelela lenaneo la diteng mo

3. Pampiri e, e na le dikarolo di le THARO:

KAROLO YA A: Poko (30)

4. Araba DIPOTSO di le TLHANO: Di le THARO mo KAROLONG YA A, e le

5. TLHOPHO YA DIKARABO MO KAROLONG YA B (PADI) LE MO

Araba FELA dipotso tsa padi le terama tse o di ithutileng.

6. BOLEELE JWA DIKARABO

Kwalololo e ileditswe Phetla

7. Latela ditaelo kwa tshimologong ya karolo e NNGWE le e NNGWE ka

8. Dinomoro tsa dikarabo di tlhagelele jaaka di ntse mo pampiring ya dipotso.

9. Simolola karolo e NNGWE le e NNGWE mo tsebeng E NTŠHWA.

10. Kwala ka mokwalo o o phepa e bile o bonala.

11. Tiriso ya nako e e tshitshinngwang.

KAROLO YA A: Bonnye metsotso e le masomeamane.

Kwalololo e ileditswe Phetla

ELA TLHOKO: Mo DIKAROLONG tsa B le C, araba potso ya tlhamo e le NNGWE le

Kwalololo e ileditswe Phetla

Lebelela lenaneonetefatso le, go rurifatsa fa o arabile palo ya dipotso e e tlhokegang.

KAROLO PALO YA PALO YA TSHWAYA

ELA TLHOKO: Mo DIKAROLONG tsa B le C, netefatsa gore o arabile potso e le

Kwalololo e ileditswe Phetla

Dipotso di tlaa bodiwa go tswa mo mabokong mangwe a le MANE a a tlhaotsweng le

ELA TLHOKO: Araba potso e le NNGWE ya maboko a a sa tlhaolwang.

MABOKO A SETSWANA – MK Mothoagae

POTSO 1 (POTSO YA TLHAMO)

Araba dipotso di le PEDI go tswa mo go di le nne tse di boditsweng.

Buisa leboko le le latelang, morago o kwale tlhamo e mo go yona o tlhalosang

MAHUTSANA A MODIRI – MCD Mogotsi

1 Modiri a golega letsatsi le eme,

5 A di latlhela motlhong pula e etile,

9 Lekote la re, tsebe, tsebe, tsebe,

13 Sefako sa hupela tedu pelong,

17 A goga dinao motsofe ka bokete

Kwalololo e ileditswe Phetla

POTSO 2 (DIPOTSO TSE DIKHUTSHWANE)

MABOKO A SETSWANA – MK Mothoagae

Buisa nopolo e e latelang, mme o arabe dipotso.

NGWANAKA O TSETSWE – GK Setou

2.1 Morero wa leboko le ke ofe? (2)

2.2 Ke maikutlo afe a a senolwang ke mmoki mo lebokong le? (2)

2.3 Tlhalosa mafoko a a mo go mola 6 ka mafoko a gago. (2)

2.4 Naya mosola wa ponagalo e e dirisitsweng mo go mola 14 le 15. (2)

2.5 Molaetsa o o ungwileng mo lebokong le ke ofe? (2)

Kwalololo e ileditswe Phetla

POTSO 3 (DIPOTSO TSE DIKHUTSHWANE)

MABOKO A SETSWANA – MK Mothoagae

Buisa nopolo e e latelang, mme o arabe dipotso.

SEMAKALENG-A-MONYAISE – JSS Shole

1 Ga nkitla ke bua thata ke tlaa nyaisa

12 O ratile go ntsha botshelo leinane,

16 Monna yo o tsotse basadi ditswalo;

3.1 Tlhalosa mola 1 jaaka o dirisitswe mo lebokong le. (2)

3.2 Go tewa eng fa go twe 'o tlhaeditswe ke batlhanka ditulo'? (2)