EXAMINATIONS AND ASSESSMENT CHIEF DIRECTORATE

Home of Examinations and Assessment, Zone 6, Zwelitsha, 5600

REPUBLIC OF SOUTH AFRICA, Website: www.ecdoe.gov.za

2023 NSC CHIEF MARKER’S REPORT

SUBJECT ISIXHOSA HL P1
QUESTION PAPER 1X 2 3
DURATION OF QUESTION PAPER
PROVINCE EASTERN CAPE
DATES OF MARKING 4th DECEMBER 2023

SECTION 1: (General overview of Learners Performance in the question paper as a whole)

Abaviwa baqhube kakuhle kakhulu kweli phepha. Ama-51.4 eepesenti wabaviwa

aphumelele kumanqaku aphezulu (Level 5-7), 45.1 eepesenti kwinqanaba eliphakathi
(Level 3 & 4). Lehle kakhulu inani leepesenti labaphumelele kwinqanaba elisezantsi (Level 1
& 2) xa lithelekiswa neminyaka edlulileyo, ngu-3.5.
Abo babethakeleyo, babonakalisa kakhulu ukungazifundisisi iitekisi ababuzwa kuzo.
Abayifundisisi imibuzo phambi kokuphendula. Abazifundi neempendulo zabo
ukuqinesekisa ukuba okufunwa ngumbuzo bakuphendule kakuhle. Bami ngolu hlobo:

2023 LEARNER PERFORMANCE

30.1
29
16.2

16.1

5.1
2.8
0.6

LEVEL 1 LEVEL 2 LEVEL 3 LEVEL 4 LEVEL 5 LEVEL 6 LEVEL 7

Page 1 of 11
SECTION 2: Comment on candidates’ performance in individual questions

UMBUZO 1

General comment on the performance of learners in the specific question. Was the question
well answered or poorly answered?
Why were the questions poorly answered? Also provide specific examples, indicate common
errors committed by learners in this question, and any misconceptions.
Basekho ngamandla abaviwa abahlulwa kukuphendula imibuzo yovavanyo lokuqonda.
Izakhono abalambatha kuzo ziquka ukuqonda itekisi, ukufumana ulwazi kwitekisi,
ukufumana intsingiselo yetekisi ukuqaphela izixhobo zokwenza uluvo, ukufumana
imiyalezo yetekisi, ukucaphula/ukuchonga ngokuchanekileyo, nezinye. Abayazi bonke
injongo yokuthunywa kwabo emhlathini ukuze baphendule elo qaqobana lemibuzo
ukuba kukumenzela lula aphinde azikhumbuze ngalo mhlathi okanye ngalo mqolo
athunywe kuwo, awufunde. Eminye imibuzo iimpendulo zayo zikwakwesi sivakalisi
sinamagama asembuzweni okanye kwisivakalisi esilandelayo, kodwa basekhona
abafundi abangakwazi ukuzifumana ezo mpendulo, umzekelo, 1.5, 1.6, 1.8, 1.9, 1.11,
1.13. Uninzi lwabafundi lufumene amanqaku aphakathi ko-20 ukuya ku-26 ngenxa ka
Ewe/hayi ku-1.18 nokubhala inkcaza yomthantatho ku 1.16 bangacebisi. Baliqela
nabafumene u-27 ukuya ku-30.

1.1 Baqhube kakuhle abaviwa kulo mbuzo. Imbinana engawafumanga amanqaku

ibonakalisa ukungafundisisi umbuzo nesicatshulwa kuba kwiimpendulo zabo babhala la
magama aziimpendulo zombuzo wesi-2. Abanye babethwe kukungahluleli phakathi
kwegama nebinzana. Bacinga ngamagama amabini ukunika impendulo ethi
‘aqubisane neenzima’ kanye ngoku umbuzo usebenzise eli gama lokuqubisana.

1.2. Basasilela kakhulu ekwahluleni phakathi kwegama nebinzana. Kusenzima kubo

ukuphendula imibuzo efuna bacaphule. Imbinana engawufumenanga lo mbuzo
inempazamo yokunika impendulo ‘umntu usedabini/ ubomi yimfazwe’ aphele ecinga
ukuba unike amagama amabini afunwa ngumbuzo. Abanye abayiqondi ukuba le
mpendulo ingesixhobo ayiphelelanga xa unika igama ‘isixhobo’ kuphela kuba eli gama
lisetyenziswa kwiimeko ezininzi mihla le, ngoko ke apha kulo mbuzo ukuze libe
yimpendulo epheleleyo kufuneka libe libinzana ‘isixhobo sokuvika’.

1.3 Nakulo umbuzo abohluli ibinzana kwisivakalisi, okunye abakwazi kuva ncakasana ukuba
umbuzo ufuna ibinzana elithetha ukuthini, oko kuthi okufunwa ngumbuzo kwesa
sivakalisi kuhamba kuphele ndawoni. Kulo mbuzo bakhona abathatha sonke isivakalisi.
Abanye ngoku sele beqale kule ndawo inebinzana elifunekayo abayazi ukuba
mabaphele ndawoni kwisivakalisi ukuze banike le ndawo ifunwa ngumbuzo, babhala
konke okanye bacaphule igama ‘wonke’ bangawafumani ke xa kunjalo amanqaku
kuba umbuzo uthi mabacaphule ibinzana elithetha...

1.4 Kuyancomeka kakhulu ukuphucuka kwabaviwa ukuphendula lo mbuzo (ukukwazi

ukukhetha ‘bubuxoki’ngokuchanekileyo. Imbinana ewuphosileyo ibhala u’Yinyani’
ibonakala ilambatha ekubeni yinyani okanye bubuxoki xa kutheni kuba bazixhasa
ngempendulo echanekileyo yobuxoki. Oko kuthi uwuvile umbuzo qha akazi kuthathwa
icala ngeyiphi xa kutheni. Abanye ke bathi izityebi azifanelanga kuphila nethemba kuba

Page 2 of 11
 akukhonto ziyidingayo. Bakhona nababhala uYinyani/ Bubuxoki bayeke
bengaxhasanga. Okanye bathi ‘Ewe/Hayi’

1.5 Abafundi abakwazi ncam ukunika impendulo epheleleyo efunwa sisenzi esibuzayo
u’Chaza’. Kule mpendulo kufuneka umfundi aye kufunda kwisicatshulwa inkcazelo
kaDesmond Tutu, angeza nayo ngobunjalo bayo okanye ayifunde ayive ze ayichaze
esebenzisa nawakhe amazwi kodwa angawulahli umxholo wayo. Basishunqula
phakathi esi sivakalisi sinale mpendulo okanye bathathe nasiphi ingakumbi esiya sesibini
kula mhlathi, sibe singenanto iphendula mbuzo. Oko kubonakalisa ukungazi
ngokwaneleyo ukuba impendulo efunekayo sisivakalisi esipheleleyo esinayo yonke
inkcazelo.

1.6 Basenengxaki ukuphendula umbuzo ofuna bangqine, basuka bachase okanye

bakhangele le ichasayo impendulo. Impendulo yalo mbuzo ihleli kanye kulo mqolo
unala magama asembuzweni, kodwa abafundi bayayishiya la mpendulo beze nezinye
ezikude lee kuyo. Oko kubonakalisa ukungakuthatheli ngqalelo ukufundisisa
isicatshulwa kanti nomhlathi lo athunywe

1.7 Eli gama abalifundi ngokokuba lisetyenziswe kumhlathi balifunda lilodwa okanye
umbuzo bawufunde baphela pha kulo bakugqiba beza neempendulo ezithi, ‘ithemba
libakho ebantwini bodwa hayi nakwizilwanyana./alibikho kwizilwanyana/ Libakho
ebantwini qha/ Libakho xa umntu enengxaki/esengxakini.’Baphendula ingathi
babuzwe intsingiselo ka’kuphela’ lo uthetha ‘qwaba’, kanti kufunwa le ka ’only if’.

1.8 Ikhona imbinana ekhethe ngokuqashela- abawafumana ke amanqaku.

1.9 Nakulo umbuzo la ngxaki ivela ku-1.6 malunga nokuphendula umbuzo othi ‘chaza’
isekwanjalo. Bayasishunqula esa sivakalisi sinale nkcaza baphele, ‘...lokuweza umntu.’
bangawafumani ke amanqaku.

1.10 Babonakalisa ukungakwazi ukuphendula umbuzo ofuna ingcamango ephambili. Abayi

kula magama angoondoqo asetyenziswe kula mhlathi, la kanye aza kubancedisa beze
nempendulo yokuqulathwe ngula mhlathi, basuke banike impendulo ethi ‘lo mhlathi
uchaza ukuba ithemba lisebenza njani kwaye ubanjani umntu onethemba.’ Abanye
banika impendulo ka 1.9 neka 1.11.

1.11 Abaviwa basenobunzima ekufumaneni intsingiselo eziswa ligama kuloo ndawo

lisetyenziswe kuyo. Lo mbuzo ufuna abafundi beze nokufikayo ezingqondweni zabo xa
kusithiwa ithemba ‘liliyeza’ ikhona kwapha emhlathini impendulo. Bona basuke
bathathe esa sivakalisi “Omnye usesibhedlele umntu wakhe uyagula./ Lichazwa
kujongwe indlela elisebenza ngayo.

1.12 Bayalambatha kakhulu kwisakhono sokuphendula imibuzo yokucaphula, abasibhali

sonke isivakalisi baphela kwiindawo abazithandayo. Ukuze sibekho sonke esi silumkiso
ngokupheleleyo kufuneka umviwa afike ekugqibeleni kwesi sivakalisi. Abanye babhala
igama elinye “Lumka”.

1.13 Impendulo ifuna achase oku kusembuzweni ngoko ke kufuneka impendulo yomviwa
iveze ukuba umntu akafi. Bona basuke baxhase/bangqine ukuba umntu uyafa
ngokuthatha ezi zivakalisi ziphikisana nale mpendulo ifunekayo. “Akulilahla umntu
uqobeka..../ ...akukho kuphila xa ithemba...

Page 3 of 11
1.14 Babonakala bengenalwazi lokuphendula umbuzo ofuna ifuthe. Lo mbuzo ufuna
abaviwa bachaze ukuba ukusetyenziswa kweli balana likaVictor kufika kwenzeni
emntwini olifundileyo. Abawuva umbuzo basuka bathethe ngoVictor endaweni
yokuchaza ifuthe. Bona bathatha nasiphi isivakalisi babhale sona ingakumbi esiya sithi
“uVictor waziwa ngobuqhawe bokusinda....”

1.15 Basekhona abaviwa abalambathayo kwesi sakhono sokulolonga umfanekiso. Ikhona

imbinana elahle amanqaku ngokuphendula ngokunika izinto ezinokuthi zehle ngenxa
yokulahla ithemba “uzakoyika iingxaki zobomi ngenxa yokulahla ithemba. / uya
kuzibulala/ uya kumka namanzi”. Umbuzo abawufundanga wonke futhi abawudibanisa
nomfanekiso. Baphendula becinga ngolwazi lwabo lwemihla ngemihla. Abanye banika
ibenye le yamanzi ajikajikane nayo kwizivakalisi zakhe zozibini.

1.16 Abakwazi ukunika icebiso, xa ucebisa kufuneka amazwi aphume kuwe kodwa
uwayamanise nala uthunywe kuwo ngumbuzo, uninzi lwabo lusuka lukhuphele la
nkcazelo yomthantatho ikumhlathi wesi-6. Impendulo mayenze ukuba lo unikwa icebo
ashiyeke kukho into ayibambileyo ukuba ayenze kanjani ukuze kuthi. Abanye
abawufundi wonke umbuzo bawuve kuba banika icebiso gabalala bathi ‘Makongeze
elinye iplanga ahambe nakulo.’ Baxela ithemba ukuba yintoni/ yaye lisebenza
njani/kukuthini ukubanethemba.

1.17 Bayaya kumhlathi wesi-8 lo bathunywe kuwo, bangawufundi kwakhona ukuze

bafumane isivakalisi esichanekileyo ngoku kanye zide zazibini izivakalisi ezikulo mhlathi
eziphendula lo mbuzo, baphele bethatha esi sivakalisi sinesilumkiso siyimpendulo
yombuzo 1.12. Baphendula ngokungathi bafunde nje le ndawo yokuqala embuzweni
‘Caphula kumhlathi wesi-8...’ loo nto ibenze bacaphule nokuba sesiphi isivakalisi.

1.18 Lo ngumbuzo ufuna umviwa aqale ngokuthatha icala (Zingabancedisa/

Azinakubancedisa) aze azixhase ngokuthelekisa okwenzeka kwezi zicatshulwa zibini.
Uninzi lwabaviwa luyakwazi ukuzixhasa ngokuchanekileyo kulo mbuzo, nangona
kunjalo, abawafumananga amanqaku ngenxa yokuba abakwazi kuthatha icala
besebenzisa isenzi ababuzwe ngaso baphendula ngokuthi “Ewe/Hayi”. U”Ewe noHayi”
abacacisi ukuba umviwa uthathe eliphi icala yenze loo nto nokuzixhasa kwakhe
singakwazi thina bamakishi ukuba kuya kweliphi icala. Abanye bathi ngoku sele
belithathile icala kakuhle, basuke bangathethi ngezicatshulwa bathethe
ngabo/ngomnye umntu/ngethemba/ ngesicatshulwa esinye.

Provide suggestions for improvement in relation to Teaching and Learning

Abafundi mabafundiswe kuqala zonke izakhono zokufundela ukuqonda nanjengoko imibuzo
ifuna ukuba bayiqondile na itekisi le bebeyifunda.
Bafundiswe izakhono zokuphendula iintlobo ngeentlobo zemibuzo yesicatshulwa kungagxilwa
kule ibibuzwe ngo-2023 qha, bafundiswe zonke kuba kuza kubuzwa ngezinye kunyaka ozayo.
Mawasetyenziswe la maxwebhu ancedisana nokufunda nokufundiswa kwesiXhosa kuba
anazo ezi zenzi zokubuza neendlela ekulindeleke ukuba kuphendulwe ngazo. Imizekelo
yamaxwebhu:
Umncumzela 2016 – iphepha 16-17
Mind the Gap (Inkawu idliw’ilila) iphepha 12
Literature Study guide – iphepha 4-5. Nokuba usebenzise oluphi kula maxwebhu ulwazi
luyafana.

Page 4 of 11
Mabafundiswe iindlela zokuphendula imibuzo ngokuchanekileyo; oko kuthi, bazi xa umbuzo
ubuzwe kanje kufuneka benike impendulo ethini ukuze babe bawuphendula kakuhle.
Ootitshala xa besenzisa imisebenzi engekho sesikweni mabazithathele ingqalelo ezi zenzi
baqinisekise ukuba abafundi bayakuqonda okufunwa ngumbuzo phambi kokuphendula.
Mabafundiswe ukuphawula awona magama angundoqo embuzweni ukuze bakwazi ukunika
impendulo epheleleyo evelela zonke iinkalo ezifunwa ngumbuzo batsho bawafumane onke.
Ngaloo ndlela kwakutsho kuphele nalo mkhwa wokungawufundi wonke umbuzo.
Bandule ke ukuqheliswa rhoqo ngemisebenzi yokufundela ukuqonda ekumaphepha
eminyaka edlulileyo. Ukusuka banikwe imisebenzi yezicatshulwa bengafundisisekanga ukuba
imibuzo iphendulwa njani, akubancedisi konke konke.
Ootitshala mabaye qho kuxwebhu lweCAPS phantsi ko-3.2 UKUFUNDA NOKUBUKELA iphepha
24 ukuya ku-27 xa bexhonkxa abafundi kulo mbuzo.
Ootitshala mabaziqaphele ezi ndawo zibonakalisa imingeni kubafundi ukuze xa benika
imisebenzi bagxile kakhulu ekubaqeqesheni kuzo. Makuqiniswe nokufundiswa kwezigaba
zentetho (kuquka nezafobe), imisebenzi yezigaba zentetho, izaci, amaqhalo neentsingiselo
zazo. Imibuzo mayiquke nezinye iingxaki abanazo abafundi ukubaxhobisa. Makuthiwe gqolo
ukufundiswa nokuhlola isakhono sokufunda nokuqonda iitekisi ezibhaliweyo, kufundwe
ngokuqonda, kutolikwe iitekisi ezibonwayo. Iitekisi ezo mazikhatshwe yimibuzo ekumazinga
awohlukeneyo ngokweemfuno zeExamination guideline 2021 neCAPS.

Describe any other specific observations relating to responses of learners and comments that
are useful to teachers, subject advisors, teacher development etc.
Kusaphawuleka ukuba kufuneka ngamandla ukuncediswa kootitshala ekukorekisheni
nasekukwazini ukudibanisa impendulo yomfundi noko kukwisikhokelo sokumakisha. Ootitshala
bayacetyiswa bazenzele iindibano zabo ngokweeklasta, apho bonke ootitshala ebebeye
kukorekisha kulindeleke ukuba babelane nabanye ngezakhono zokukorekisha la maphepha
esiXhosa.
Ootitshala mabahlukane nokukorekisha abafundi xa bephendule ngoEwe/Hayi ,
mabafundiswe ukuthatha icala besebenzisa isenzi ababuzwe ngaso embuzweni.
Abacebisi-besifundo bayacetyiswa ukuba kwezi mvavanyo zeekota zisetwa zizithili
makuququzelelwe indibano yokuxoxa ngeempendulo (Memo discussion) kwezo ndibano khe
kukorekishwe ukuze kwabelwane ngezakhono neendlela ezilindelekileyo xa kukorekishwa
iimpendulo zolo vavanyo.
Ngamaxesha eentlanganiso zezithili neSBA Moderation kuyacelwa ukuba uqwalaselwe
ngamandla umba wootitshala abakorekisha uEwe/Hayi. Lo Ewe/Hayi umka namanqaku
wabafundi.
Teacher development makanxibelelane rhoqo necandelo labacebisi besifundo ukuze xa
eququzelela ukwenza iiWorkshops agxile kanye kwezi ndawo ootitshala basilela kuzo.

Page 5 of 11
UMBUZO 2:

General comment on the performance of learners in the specific question. Was the question
well answered or poorly answered?
Why were the questions poorly answered? Also provide specific examples, indicate common
errors committed by learners in this question, and any misconceptions.
Abaviwa abaqhubanga kakuhle ngohlobo ebebelindeleke ngalo. Isicatshulwa sithetha
ngoWhatApp abamthandayo nabamsebenzisa mihla yonke. Bekulindeleke ukuba baza
kuzichonga lula iingongoma eziphambili (izithako) kuba zibizwe kanye ngohlobo ezivela ngalo
kwiiselula zabo. Isicatshulwa sichaphazela uncedo olufunekayo kuWhatsApp, sixele igama
lesithako esinokunceda, sicacise indlela yokusisebenzisa isithako eso ukuze kufezekiseke
uncedo lwaso. Nangona kunjalo, bakhona abafumene amanqaku ali-9 ukuya ku-10.

Abafundi abangawafumenanga amanqaku kulo mbuzo babhala iingongoma ezixhasayo

(ezi zingoncedo olufunekayo okanye ngendlela esisebenza ngayo eso sithako, bangatsho
ukusixela isithako) bayeka ezi zingundoqo zingezithako ezifunwa ngumbuzo. Abanye babhala
ezabo abazaziyo ezingekhoyo kwesi sicatshulwa basinikiweyo.
Basekhona abaviwa abakhuphela iingongoma ngobunjalo bazo, ababhala isishwankathelo
ngokwemo yeengongoma nabasuka bakhuphele imihlathi ethile ngobunjalo bayo.

Provide suggestions for improvement in relation to Teaching and Learning

Abafundi mabaqheliswe ukuqale bafunde imiyalelo yoshwankathelo kuqala phambi kokuba
bafunde isicatshulwa. Mabayifundisise la miqolo ixela ukuba isicatshulwa singantoni kunye
nalo wenjongo yokushwankathela. Mabafundiswe ukuchonga iingongoma ezingundoqo
belandela injongo yokushwankathela. Mabaqheliswe ukuba qho umfundi echonga
ingongoma ephambili makayifunde aphawule ukuba ihambelana ngawaphi amagama
nokuthethwa ngumyalelo wombuzo. Mabafundiswe indlela eyiyo yokushwankathela.
Mabafundiswe izithethantonye, ukusebenzisa igama elinye endaweni yebinzana/isivakalisi,
ukusetyenziswa kwezihlanganisi ngokuchanekileyo nokubhala ngezivakalisi ezipheleleyo.

Describe any other specific observations relating to responses of learners and comments that
are useful to teachers, subject advisors, teacher development etc.

• Kubalulekile ukuba bafundiswe, baqeqeshwe ngokuzingileyo kwesi sakhono

sokushwankathela. Makugxilwe kulo mqolo ungumbuzo oya kubafundi malunga
neenjongo zokushwankathela.
• Mabaqhelaniswe nokusoloko benikwa imisebenzi yaseklasini yokushwankathela rhoqo,
bangayinikwa nje, bafundiswe ngayo de bakwazi ukudibanisa okufunwa ngumyalelo
nokuchonga ezona ngongoma zihambelana noko.
• Mabanikwe imisebenzi yokushwankathela izicatshulwa ezikumaphepha-ndaba
esiXhosa ukuvuselela umdla wabo.

Page 6 of 11
 • Kuyacetyiswa ukuba ootitshala basebenzise isikhokelo sokumakisha isishwankathelo
ngokuchanekileyo ukuncedisa nokufundisa abafundi indlela yokushwankathela.
• Ootitshala mabagxile ekufundiseni abafundi indlela yokwakha izivakalisi.

UMBUZO 3

General comment on the performance of learners in the specific question. Was the question
well answered or poorly answered?
Why were the questions poorly answered? Also provide specific examples, indicate common
errors committed by learners in this question, and any misconceptions.
Abafundi abaqhubanga kakuhle mpela kulo mbuzo. Impumelelo yabo yehle ngeepesenti
ezingaphaya kweshumi (+10%) xa ithelekiswa neka 2021 no 2022. Babonakalisa ukulambatha
kakhulu kwizakhono zokuhlalutya isibhengezo ntengiso. Imibuzo ebuzwe ngokweemfuno zalo
mbuzo engezafobe nezigaba zentetho abakwazanga ukuyiphendula ngokungathi bathi
siyiqhele ibuzwa ngolu hlobo. Abaviwa abaninzi bawalahlile amanqaku ku 3.1, 3.3, 3.5 naku 3.7
(7 marks). Ikhona imbinana ekwazileyo ukufumana amanqaku angu-9 ukuya ku-10.
3.1 Abaviwa abaninzi abawafumenanga amanqaku kuba abawufundisisanga umbuzo
babambe nje le ndawo yesimelabizo. Banika udidi lwesimelabizo (isigaba sentetho) esoqobo
okanye Yona/eyona/ yam endaweni ka’Yonke/Zonke’. Abayilandelanga la ndawo ithi
ngokomxholo wale ntengiso – abaphindanga bayokufunda kula ndawo lisetyenziswe kuyo
igama ‘nayiphi’ ukwenzela banike isimelabizo esichanekileyo.

3.2 Kusafuneka kakhulu ukufundiswa kwabafundi ngolwazi lokufumana iSlogan

kwisibhengezo ntengiso. Bawafumane amanqaku alo mbuzo kuba isikhokelo
sokumakisha sizifake zonke iimpendulo ezingasiSlogan.

3.3. Abaviwa abangawafumenanga amanqaku walo mbuzo, abakwazanga ukuqaphela

isimntwiso esiqulethwe yile ntengiso. Bekufuneka baqwalasele umfanekiso beze
nokumntwisiweyo. Abanye basuka baphikise umbuzo bathi lubaxo/ bathi ngugqirha
baphele. Abanye bathatha la ndawo ithi ‘Sifaka ne oksijini.’ Abanye bathi
ukusetyenziswa kwesakhi u’Si’ kula ntengiso sisimntwiso. Bakhona abawufumeneyo futhi
banike impendulo epheleleyo.

3.4 Abafundi maninzi amagama abawasebenzisayo achanekileyo ngenxa yokudibanisa

igama nomsebenzi walo kwagqirha.

3.5 Lo mbuzo ufuna abaviwa baxele isini esinokutyhafa baze bazixhase ukuba singatyhafa
kanjani. Abasixeli isini/ bangazixhasi ngokupheleleyo ngeso sini asikhethileyo/ basuke
bathethe ngabantu gabalala, ‘abantu bangacinga kuyanyangwa kuba bebona
isixhobo sikagqirha.’ Okanye basixele isini bangazixhasi/ baye ngqo ekuzixhaseni ngelithi
yindawo ethengisela ootata bangathethi ngesini/ bangatyhafa abathengi kuba kukho
ibhatyi yootata. Abanye bakhangeleka bengazi kwaigama eli isini. Bakhona kodwa
abakwazi ukunika yonke impendulo ngohlobo efuneka ngalo.

3.6 Abaviwa baphendula ngokuqashela abawufundisisi umbuzo, oko kubonakala

nangokukhetha nezona mpendulo zakha zakude kule ifunekayo.

3.7 u’Ewe/Hayi’ ubabethile abafundi. Ithi impendulo ikho futhi ichanekile imoshwe
kukusebenzisa uEwe/Hayi, endaweni ka Inyanisile/Ayinyanisanga. Bakhona

Page 7 of 11
 abawulahlayo umxholo wesibhengezo ntengiso ongokulungiswa kwamavili bazixhase
ngeempendulo ezinokugula kwabantu.

(a) Provide suggestions for improvement in relation to Teaching and Learning

Mabafundiswe izakhono zokufunda nokulolonga iitekisi ezibonwayo nazo zonke iimpawu
zezibhengezo-ntengiso.
Bafundiswe ulwimi olusetyenziswa kwizibhengezo nomsebenzi walo njengoko iExamination
guideline ka-2021 ikubethelela ngamandla oko.
Mabafundiswe ukuqwalasela umfanekiso okwisibhengezo nesigama esisetyenzisiweyo
bazinxulumanise, bafunde indlela yokutolika abakubonayo nokubhaliweyo.
Abafundisi-ntsapho mababaqhelise abafundi imisebenzi esekwe kwizibhengezo-ntengiso,
banganikwa nje bazenzele masicazululwe kuqala konke okulapha kuso wonke umntu
akuqonde, kuqondisiswane nangemibuzo, Wonke umntu awuqonde umbuzo ukuba ufuna
ntoni kwesi sibhengezo, bandule ke ukuya kwenza umsebenzi.

Describe any other specific observations relating to responses of learners and comments that
are useful to teachers, subject advisors, teacher development etc.
Kuyakhuthazwa kakhulu ukusetyenziswa koxwebhu olubizwa “SURVIVAL GUIDE” luneenowuthsi
zesiXhosa ezazilungiselwe abafundi bango -2020, lonke ulwazi olufunekayo malunga
nokufundiswa kwezibhengezo ntengiso lukhona.
Abafundi mabaqale baxhotyiswe ngalo lonke ulwazi olusisiseko lokuhlalutya izibhengezo-
ntengiso. Mabangafundiswa ngokunikwa imisebenzi ekumaphepha eemviwo zeminyaka
egqithileyo qha. Mabaqale babenolwazi ze kulandele imisebenzi. Ootitshala
mabalusebenzise kakhulu ulwazi neenowuthsi ezimana zikhutshwa ngabacebisi besifundo
ezithilini zabo.
Mabakhuthazwe abafundi bamamele izifundo ezenziwa kunomathotholo nezishicilelweyo.
Abacebisi besifundo mabancedise ootitshala bakhethiswe izibhengezo-ntengiso
ezifanelekileyo, bancediswe nasekuyileni imibuzo esekwe ngokwamazinga nemigangatho
yobunzima eyahlukeneyo ngokweemfuno zeCAPS neguideline.

UMBUZO 4

General comment on the performance of learners in the specific question. Was the question
well answered or poorly answered?
Why were the questions poorly answered? Also provide specific examples, indicate common
errors committed by learners in this question, and any misconceptions.
Abaviwa baqhube kakuhle kakhulu kulo mbuzo. Babonakla benazo izakhono zokufunda
iikhathuni. Abo bangawafumananga amanqaku bawalahle kule mibuzo; 4.1, 4.3, 4.6 & 4.7.
Baliqela abafumene u-9 ukuya ku-10 amanqaku.
4.1 Bawalahlile kakhulu amanqaku kuba abachongi igama elifunekayo, babhala sonke
isivakalisi bangakrweleli.

Page 8 of 11
4.2 Basenengxaki ekuqondeni ukusetyenziswa kweefonti ezahlukeneyo/ ukugqanyiswa
kwamagama athile, abayazi imisebenzi yezo zinto.

4.3 Baphelela ekubeni uyamvusa indlela amvusa ngayo (intshukumo) abayi kuyo,
ukumtyhala. Babonakalise ukusilela kakhulu ekukwazini ukuqwalasela ulwimi lomzimba
kuSara. Akanelanga nje ukumphakamisa njengoko bona benika loo mpendulo,
uyamtyhala ngamandla nengalo yakhe ide yoluleka tswi watshonisa nentloko ukutsala
amandla. Abakwazanga ukuyiqaphela loo nto

4.4 Kubancedile ukukhulula kombuzo ngegama imizamo kungagxilwanga kwisakhelo

esithiile, bawafumene kakhulu la manqaku kuba umviwa ebebhala nakuphi
ukuncediswa kukaZama akubona kwikhathuni.

4.5 Bawafumene nala amanqaku phantse bonke kuba kwesa sakhelo kucacile ukunxityswa
kuZama izihlangu ezikhulu. Nangona bebengafiki bonke apha ebukhulwini bezihlangu.

4.6 Ibabhidile kakhulu le ndawo yobudala bakhe, bona bahleli kakhulu kule mpendulo
yokuba akanambeko/ akakwazi kuthetha nabantu abadala akugqiba ukubamdala.

4.7 Abafundi abakwazi kukhetha icala, bavele banike impendulo kwakhona impoxo
bayibhekisa ebazalini hayi kuZama. Okanye bathethe ngabo ukuba abafuni bazali
baya esikolweni. uNdiyangqina uxhaswa ngempendulo echasayo/ uNdiyachasa
uxhaswa ngempendulo exhasayo. Iimpendulo zikaEwe/Hayi ziwaxuthile kakhulu
amanqaku wabo.

Provide suggestions for improvement in relation to Teaching and Learning

Abafundi mabaqale baxhotyiswe ngalo lonke ulwazi olusisiseko lokuhlalutya iikhathuni.
Mabangafundiswa ngokunikwa imisebenzi ekumaphepha eemviwo zeminyaka egqithileyo
qha. Mabaqale babenolwazi ze kulandele imisebenzi. Ootitshala mabalusebenzise kakhulu
ulwazi neenowuthsi ezimana zikhutshwa ngabacebisi besifundo ezithilini zabo. Mabafundiswe
lonke ulwazi ngokwemigaqo yeCAPS. Ootitshala mabagxile ngamandla ekufundiseni
ikhathuni kuyacaca kusekuninzi okufuna ukwenziwa.
Abafundi mabaqhelaniswe nokutolikwa kwekhathuni banikwe rhoqo imisebenzi
yokuziqhelanisa nalo mbuzo.
Makugxininiswe ekunxulumaniseni okwenzeka emifanekisweni nokuthethwayo neentshukumo
zabalinganiswa.

Describe any other specific observations relating to responses of learners and comments that
are useful to teachers, subject advisors, teacher development etc.
Kuyakhuthazwa kakhulu ukusetyenziswa koxwebhu olubizwa “SURVIVAL GUIDE” luneenowuthsi
zesiXhosa ezazilungiselwe abafundi bango -2020, lonke ulwazi olufunekayo malunga
nokufundiswa kweekhathuni lukhona.
Ootitshala mabancediswe ngabacebisi besifundo bakhethiswe iikhathuni ezifanelekileyo,
bancediswe nasekuyileni imibuzo esekwe ngokwamazinga nemigangatho yobunzima
eyahlukeneyo ngokweemfuno zeCAPS neExamination Guidelines.

Page 9 of 11
UMBUZO 5

General comment on the performance of learners in the specific question. Was the question
well answered or poorly answered?
Why were the questions poorly answered? Also provide specific examples, indicate common
errors committed by learners in this question, and any misconceptions.
Bazamile kakhulu abaviwa kulo mbuzo xa sithelekisa neminyaka edlulileyo, noko eleke nyaka
kuyaqapheleka ukuphucuka kwendlela abafumana ngayo amanqaku. Kukho nembinana
ibiwafumana olishumi amanqaku alo mbuzo. Bawalahlile amanqaku ku 5.1, 5.3, 5.6 no 5.8.
5.1 Umqathango wokuchonga abakawulandeli kakuhle. Bathatha isivakalisi sonke. Abanye
bambhala yedwa uMinazana/ abanye basuke bakhethe kumgca wesibini
‘wawundibizela’.

5.2 Abayazi ukuba lufakwa xa kutheni uphawu lweApostrofi kweli gama, babhala
’dade’wethu/ uSisi wam/ usista

5.3 Kunzima kakhulu kulo mbuzo bancedwe kuba kujongwa naluphi utshintsho alwenzileyo.

5.4 Babhala isivakalisi okanye amagama bakugqiba bangakrweleli / basuke bafakele

u’i...ingathi’

5.5 Abangawufumenanga lo mbuzo ngabo babhala isigaba sentetho – isinciphiso.

Isikhokelo sokumakisha sibancedile sizifakile kangangoko iimpendulo.

5.6 Babhala kwaesiya kuthiwa mabasibhale ngokuchanekileyo sinjalo. Babethwe

kukungakwazi ukufunda ngokukuko nokungazazi izikhombisi. Ababoni/ abeva nto
ingachanekanga.

5.7 Bawufumene lo umbuzo. Abangawufumenanga ngabo babethwa kukuphendula

umbuzo wokucaphula.

5.8 Bakhona abangawuvanga tu lo mbuzo bayabonakala ukuba abasifundi isicatshulwa F

bangqala emibuzweni. Abasifundileyo isicatshulwa bayakwazi ukuphendula lo mbuzo
becacisa ngokwendlela elisetyenziswe ngayo kwisicatshulwa. Imbinana ke ibethwe
kukukhetha u”Yinyani’.

Provide suggestions for improvement in relation to Teaching and Learning

Ootitshala mabagxile ngamandla ekufundiseni izakhi nemigaqo yokusetyenziswa kolwimi
(igrama) njengoko zidwelisiwe kwiCAPS iphepha 104 ukuya ku-106.
Abafundi mabaqheliswe ukuphendula imibuzo yegrama ngokuthi banikwe rhoqo imisebenzi
kusetyenziswa iitekisi ngeetekisi. Mayingabuzwa le mibuzo igoqoza, mayisekwe kumxholo
wetekisi leyo Loo nto iya kubanceda batsho bakwazi ukumelana nayo nayiphi na imibuzo
yezakhi nokusetyenziswa kolwimi ngokusemxholweni
Kubalulekile ukuba bahlale benikwa imisebenzi yokuzilolonga kwizigaba zentetho zonke
kuquka nemisebenzi yazo, izakhi zazo nemisebenzi yazo khon’ ukuze bahlale bekulungele
ukuphendula nayiphi na imibuzo esekwe kwizakhi nemigaqo yokusetyenziswa kolwimi
abanokuhlangana nayo kwiimvavanyo neemviwo.

Describe any other specific observations relating to responses of learners and comments that
Page 10 of 11
 are useful to teachers, subject advisors, teacher development etc.
Abacebisi besifundo mabancedise ootitshala ngokwenza ucweyo ngokufundisa ulwimi
ngokusemxholweni, kusetyenziswa iindidi zeetekisi. Kwakhona mabathi gqolo ukucebisa
ootitshala besiXhosa ngendlela yokusebenzisa amaxwebhu okuncedisa ukufundisa abafundi.
Ootitshala mabakhuthazwe basebenzise amaxwebhu esiXhosa ohlaziyo neencwadi zolwimi
ezazifudula zisetyenziswa ukuhlohla ulwimi lwesiXhosa.
Oo-HOD ezikolweni mabaqinisekise ukuba igrama iyafundiswa, ihlolwa ngokusemxholweni.

Page 11 of 11