Budelmollen
| Budelmollen | ||||||
|---|---|---|---|---|---|---|
 Hewone budelmol | ||||||
| Taxonomische indeêlienge | ||||||
| ||||||
| Orde | ||||||
| Notoryctemorphia (Kirsch, 1977) | ||||||
De budelmollen zien een orde van zoogdieren (Mammalia) en ze maekn onderdeêl uut van de budeldieren. De budelmollen zien endemisch in 't noordwessen van Australië.
Kenmerken
[bewerk | brontekst bewerken]Budelmollen zien een zusterhroep van aolle aore Australische budeldieren en de neste verwantn zien de budeldassen. Ok èn ze verwanschap mie de houdmollen. Budelmollen leven net as onze bekende mollen mistal onderhrons, wir an ze soms ondiepe tunnels hraeven in 't zand of soms ok erg diepe. Mistal komm'n ze allaen boven nae zwaere rehenval.
Uterlijk
[bewerk | brontekst bewerken]Budelmollen èn korte, stevihe poôten wibie an ze hoed kunn'n hraeven. Vadder zien ze naebie blind en der oôrn bestaen slechs uut een openienge in der oôd. Budelmollen worn 12 tot 16 centimeter lange, der staert is 2 toet 2,5 centimeter en ze wehen 40 toet 70 hram. Vadder èn ze een kleine mond en een bek wirover a een soôrt schildje zit van een leêrachtig spul tehen de hrond.
Eetn
[bewerk | brontekst bewerken]Budelmollen zien insect'neters en ze eetn hin aore beêsten. Ze eetn oôdzaekelijk lerven van kevers en rupsen van nachtvlinders.
Taxonomie
[bewerk | brontekst bewerken]De orde Notoryctemorphia besti slechs uut 1 femielje en twi soôrten, naemelijk:
- Orde Notoryctemorphia
- Femielje Notoryctidae
- Kleine budelmol (Notoryctes caurinus)
- Hewone budelmol (Notoryctes typhlops)
- Femielje Notoryctidae