Naas Botha
Naas Botha (1958–) is 'n voormalige Springbok-losskakel (in 28 toetse, 1980–1992) en -kaptein (in 9 toetse, 1986–1992) wat ook vir Noord-Transvaal gespeel het. Hy was gedurende die 1970’s en 1980’s bekend as 'n puntemasjien en 'n wedstrydwenner sonder weerga.[1] Hy het verskeie provinsiale en Springbok-punterekords opgestel, waarvan die meeste intussen verbeter is. Hy was Suid-Afrika se veertigste Springbokkaptein en is met die voormalige Olimpiese verspringatleet, Karin (neé Kruger) Botha, getroud. Hy is deesdae bekend as 'n rugbykommentator.
| |||||
| |||||
| Naas Botha, 1987 | |||||
| Volle naam | Hendrik Egnatius Botha | ||||
|---|---|---|---|---|---|
| Geboortedatum | 27 Februarie 1958 | ||||
| Geboorteplek | Breyten, Suid-Afrika | ||||
| Lengte | 1,79 m | ||||
| Massa | 78 kg | ||||
| Skool | Hoërskool Hendrik Verwoerd | ||||
| Universiteit | Universiteit van Pretoria | ||||
| Eggenote | Karen | ||||
| Beroep | Sakeman | ||||
| Rugbyloopbaan | |||||
| Loopbaan as speler | |||||
| Posisie(s) | Losskakel | ||||
| Springbokno. | 502 | ||||
| Amateurspanne | |||||
| Jare | Klub / span | Weds | (pte) | ||
| 1977–1980 | Tukkies, Harlequins, Verwoerdburg | ||||
| Professionele / senior klubs | |||||
| Jare | Klub / span | Weds | (pte) | ||
| 1987–1992 | Rovigo | 119 | (1731) | ||
| korrek soos op 11 Augustus 2014. | |||||
| Provinsiale- / Staatspanne | |||||
| Jare | Klub / span | Weds | (pte) | ||
| 1977–1995 | Noord-Transvaal | 179 | (2511) | ||
| korrek soos op 11 Augustus 2014. | |||||
| Nasionale span(ne) | |||||
| Jare | Land | Weds | (pte) | ||
| 1980–1992 | .svg){kind=small} Suid-Afrika
|
28 | (312) | ||
| korrek soos op 11 Augustus 2014. | |||||
Kinderjare
wysigHendrik Egnatius Botha is op 27 Februarie 1958 in Breyten gebore en het in Pretoria grootgeword. As negejarige klim hy en sy vriende laat op 'n Vrydagaand skelm oor die heining van Loftus Versfeld en slaap in die toilet om te sien hoe die Blou Bulle in 1967 vir Frankryk wen. Hy toer twee keer saam met die Suid-Afrikaanse onder-16-bofbalspan deur Europa. Hy verteenwoordig ook die Suid-Afrikaanse Universiteitespan in bofbal en word vir die Noord-Transvaalse Hoërskole-rugbyspan gekies. Nadat hy gematrikuleer het, gaan studeer hy by Tukkies waar hy vir die Noord-Transvaalse onder-20-span speel.
Rugbyloopbaan
wysigHy speel reeds as negentienjarige in 1977 vir Noord-Transvaal. Hy maak sy internasionale buiging vir die Springbokke teen die Suid-Amerikaanse Jaguars op 26 April 1980 en word Noord-Transvaal se kaptein – as 'n twee-en-twintigjarige. Hy is in 1979, 1981, 1985 en 1987 as Suid-Afrika se "Speler van die Jaar" aangewys.
In 1977, 1978, 1980 en 1981 was hy deel van die Noord-Transvaalspanne wat die Curriebeker verower het. In 1979 deel hulle die beker met die Westelike Provinsie. Hy speel ook in die twee toetse teen die All Blacks en Wallabies in Suid-Afrika en sluit sy internasionale loopbaan op die toer aan die einde van 1992 na Engeland en Frankryk af.
Statistiek
wysigNaas het in 28 toetse gespeel waarin hy 312 punte aangeteken het – 'n Suid-Afrikaanse rekord. Hy was ook kaptein in nege van die 28 toetse. Die punte bestaan uit:
- 2 drieë
- 50 doelskoppe
- 50 stafskoppe
- 18 skepskoppe
Sy eersterangse loopbaan lees soos volg:
- 273 wedstryde
- 216 gewen
- 49 verloor
- 8 gelykop
- Hy teken 3 734 punte aan wat 209 skepskoppe insluit.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
Bron
wysig- Dobson, Paul. 30 Super Springboks. 1995. ISBN 0-7981-3411-9
Eksterne skakels
wysig- Naas Botha by www.genslin.us/bokke
| Voorafgegaan deur Divan Serfontein |
Springbokkaptein 1986-1989 |
Opgevolg deur Jannie Breedt |