Montana

Montana (Engels: State of Montana) is 'n deelstaat in die noordweste van die Verenigde State van Amerika (VSA), met 'n bevolking wat in 2019 op 1 068 000 beraam is. Na sy bewoners word in Engels as Montanans verwys. Montana grens aan Kanada in die noorde, Wyoming in die suide, Idaho in die weste en Suid- en Noord-Dakota in die ooste. Die Missouririvier ontspring by Brower's Spring.

Deelstaat Montana
Vlag van Montana Seël
Bynaam(e): Treasure State, Big Sky Country, The Last Best Place
Kaart van die Verenigde State met Montana uitgelig
Amptelike taal(e)	Engels
Gesproke taal(e)	Engels <98%, Spaans 1,52%
Hoofstad	Helena
Grootste stad	Billings
Area	4de in die V.S.
- Totaal	381 154 km2
- Wydte	410 km
- Lengte	1 015 km
- Water	3 862 km2
- % water	1 %
- Breedtegraad	44° 21′ N tot 49° N
- Lengtegraad	104° 2′ W tot 116° 3′ W
Bevolking	44ste in die V.S.
- Totaal	989 415
- Digtheid	6,72/km2 48de in die V.S.
Hoogte
- Hoogste punt	Granite-piek 3 901 m
- Gemiddeld	549 m
- Laagste punt	Kootenai-rivier by Idaho-grens 549 m
Toetrede tot die Unie	8 November 1889 (41ste)
Goewerneur	Greg Gianforte (R)
Luitenant-Goewerneur	Kristen Juras (R)
Wetgewer	Montana Wetgewer
- Hoërhuis	Senaat
- Laerhuis	Huis van Verteenwoordigers
V.S. Senatore	Jon Tester (D) Steve Daines (R)
Tydsone	Mountain: UTC-7/DST-6
Afkortings	MT US-MT
Webblad	www.mt.gov

Sononder oor Lake McDonald in die Glacier National Park

Die bergwêreld van die Glacier National Park is so asemberowend dat die Nasionale Parkdiens en privaat ondernemings buitelug-huwelikspakkette aanbied

Die Flathead-meer, wat deur die gelyknamige rivier gevoed word, is die grootste meer tussen die Mississippi en die Stille Oseaan

Sonop oor die Madison-bergreeks, Beaverhead-Deerlodge National Forest

Spitstyd in Montana

I said... no!
Die reg van weg behoort in die deelstaat aan beeste

'n Skotse Angus-bees op 'n weiveld in die Gravelly-bergreeks, Beaverhead-Deerlodge National Forest

Hengelsport op die Madison-rivier, Beaverhead-Deerlodge National Forest

Montana is die vierde grootste Amerikaanse deelstaat volgens oppervlakte na Alaska, Texas en Kalifornië, maar met 'n bevolkingsdigtheid van slegs ses inwoners per vierkante myl ook een van die mees ylbevolkte. Die deelstaat se naam is afgelei van die Spaanse montaña wat as "berg" of "bergagtige streek" vertaal. Met 'n gemiddelde hoogte van 3 400 voet bo seevlak is Montana se pieke die laagste in die Rotsgebergte-streek.

Eksterne skakels

Toerisme

---

• Visit Montana

Geskiedenis

---

• Montana Historical Society