Ponhea Yat
| Ponhea Yat | |
|---|---|
| Koning van die Khmer-ryk | |
| Bewind | 1405-1463 |
| Voorganger | Thoma Saok |
| Opvolger | Narayana Reachea (in Phnom Penh) |
| Dinastie | Khmer-ryk |
| Gebore | 1396 Yasodharapura |
| Oorlede | 1466 (op 70) Chaktomuk |
Ponhea Yat (Khmer: ពញាយ៉ាត; Thai: พญาญาติ, Phaya Yat), ook bekend as Barom Reachea II (Khmer: បរមរាជាទី២; Thai: บรมราชาที่ ๒, Borommaracha Thi Song), was die laaste koning van die Khmer-ryk. Hy was die seun van Khamkhat.
Lewe
[wysig | wysig bron].jpg)
Ponhea Yat het in 1408 en 1414 by keiser Yongle van die Ming-dinastie gekla oor plundertogte deur die koning van Champa, Jaya Simhavarman V.[1]:114,218
In 1431 was hy verplig om uit Yasodharapura te vlug omdat dit onverdedigbaar was teen die Siamese koninkryk Ayutthaya. Hy het hom eers in Basan (Srey Santhor) gevestig en nadat dié oorstroom is, in Chaktomuk (nou deel van Phnom Penh).[2]:236–237
In Phnom Penh het die koning opdrag gegee dat die grond opgebou word om dit teen vloede te beskerm en ’n paleis te bou. Tydens sy bewind het hy ook ses Boeddhistekloosters om die stad laat bou en sy oorskot is steeds in ’n stoepa agter die Wat Phnom.
Koning Ponhea Yat is ná sy dood in Phnom Penh deur sy oudste seun, Narayana Reachea, opgevolg. Dié het tot 1469 daar regeer en is deur sy jonger broer, Srey Reachea, opgevolg.
Verwysings
[wysig | wysig bron]- ↑ Maspero, G., 2002, The Champa Kingdom, Bangkok: White Lotus Co., Ltd., ISBN 9747534991
- ↑ Coedès, George (1968). Walter F. Vella (red.). The Indianized States of Southeast Asia. trans.Susan Brown Cowing. University of Hawaii Press. ISBN 978-0-8248-0368-1.
Eksterne skakels
[wysig | wysig bron]- Geskiedenis van Phnom Penh
Hierdie artikel is vertaal uit die Engelse Wikipedia
