Wikipedia:Beelde
|
In 'n neutedop: Wees versigtig om nie nie-vrye beelde op te laai nie, en voeg 'n deeglike beskrywing en bron van die beeld by.
Be very careful not to upload non-free images, fully describe all images' sources and copyright details on their description pages, and try to make images as useful and reusable as possible. |
Wikipedia bevat duisende illustrerende beelde en ander media. Hierdie bladsy verskaf 'n oorsig van die gebruik van beelde in Wikipedia.
Beeldvoorkeure
Ingetekende gebruikers kan die grootte van "thumbnails" verander onder "Lêers" op hul voorkeure blad. Gebruikers wat nie ingeteken is nie en gebruikers wat nie hul voorkeur verander het nie sien sulke beelde in 180px. Ingetekende gebruikers kan kies tussen groottes van 120px, 150px, 180px, 200px, 250px of 300px. (Sien Wikipedia:Uitgebreide beeldsintaks vir meer oor hierdie waardes.)
Gebruik van beelde
Om u beelde in 'n artikel te gebruik moet u beeldsintaks gebruik. Hier volg die mees basiese voorbeeld van hoe 'n beeld in 'n artikel gebruik kan word.
[[Beeld:Voorbeeld.jpg|thumb|right|Voorbeeld opskrif]]
Die naam van die beeld is in hierdie geval Voorbeeld.jpg. Die gebruik van die term "thumb", plaas die beeld in 'n raampie en forseer die beeld tot 'n gepaste grootte. Vervang die "Voorbeeld opskrif" met 'n gepaste opskrif wat die inhoud van die beeld beskryf.
Die volle stel opsies is meer ingewikkeld (sien Wikipedia:Uitgebreide beeldsintaks), maar die gegewe instruksies sal u beelde korrek laat vertoon in artikels.
Verkryging van beelde
Alle beelde op Wikipedia moet voldoen aan die beleid rakende die gebruik van beelde. Dit beteken dat hulle onderhewig aan die GNU Algemene Publieke Lisensie moet wees [1].
Beelde onderhewig aan kopiereg
Beelde moet in besonder vry vir algemene gebruik en wysiging wees. Beelde wat onderhewig is aan kopiereg moet gedek word deur 'n Exemption Doctrine Policy (EDP) gedek word. Die Afrikaanse Wikipedia besit nie tans 'n EDP nie en kan dus nie beelde wat onderhewig aan kopiereg is aanvaar nie.
Selfgemaakte beelde
Gebruikers kan self beelde maak deur foto's te neem of met die hand te skep of met beeldsagteware. Die beelde kan geskandeer word, of, in die geval van digitale beelde, direk opgelaai word. Dit is steeds nodig dat die gebruiker self besluit onder watter lisensie die beeld gebruik mag word en dan die ooreenstemmende etiket te gebruik.
Beelde op die Internet
Die Wikimedia Commons is 'n sustersprojek van Wikipedia en bevat tans oor 'n miljoen beelde en ander media-lêers wat in die publieke domein is. Die voordeel van hierdie beelde is dat hulle reeds korrek gelisensieerd is en dat daar direk na dié beelde geskakel kan word.
'n Uitgebreide lys van webwerwe wat vrye beelde bevat is beskikbaar by Hulp:Gebruik van openbare bronne. Die webwerf Flickr het ook 'n afdeling van beelde wat onder die "Creative Commons" lisensie val. Dié afdeling is hier verkrygbaar.
Indien u twyfel oor die kopiereg van 'n beeld kan u altyd die eienaar van die webwerf kontak: hy of sy mag miskien selfs instem om die beeld onder die GDFL-lisensie vry te stel.
Let wel: Beelde wat onderhewig is aan kopiereg en nie noodsaaklik is tot die duidelikheid van 'n artikel nie, mag verwyder word. Indien die korrekte beeldetiket nie by 'n beeld gevoeg is nie, mag dit ook genomineer word vir verwydering.
Laai van beelde
Ingetekende gebruikers kan beelde en ander media na die Afrikaanse Wikipedia oplaai. Dit word aanbeveel dat vrye beelde, d.w.s. beelde wat in die publieke domein is, na die Wikimedia Commons opgelaai word (u word outomaties ook daar ingeteken indien u 'n rekening hier het). Media wat op die Commons is kan op dieselfde manier gebruik word as media wat direk op die Wikipedia-bedieners is.
Media kan na die Afrikaanse Wikipedia opgelaai word by special:upload en na die Wikimedia Commons by commons:special:upload. Wanneer 'n beeld opgelaai word is dit belangrik om 'n beskrywende, dog eenvoudige en unieke naam vir die beeld te kies.
Elke beeld het ook 'n beskrywingsblad. Tydens die oplaai van 'n beeld word u versoek om 'n opsomming van die beeld by te voeg. Hierby behoort u die bron, outeur en kopieregstatus van die beeld by te voeg, asook 'n beskrywing van die inhoud van die beeld. Die gegewens sal dan op die beeld se beskrywingsblad, saam met die beeld verskyn. Enige ander inligting (wie, waar, wanneer, hoekom) en tegniese inligting (apparaat, sagteware, ens.) kan ook van nut tot ander redigeerders en gebruikers wees en dit is waarskynlik dat slegs die persoon wat die beeld oplaai oor hierdie inligting beskik. Die sjabloon Beeldinligting is handig om te gebruik tydens die oplaai van 'n beeld.
Indien u onseker is oor watter lisensie u vir u beelde verkies, of watter lisensies tot ander beelde mag behoort, is daar 'n handige gids hier beskikbaar.
Let wel: Beelde wat nie 'n geldige bron of korrekte lisensiëringsetiket verskaf nie loop die risiko om geskrap te word. 'n Geldige bron is die naam van die boek waarin die beeld verskyn (met die datum van publikasie en outeur), die url van die internetblad waarop die beeld verskyn of die persoon wat vir u die fisiese foto gegee het om in te skandeer.
Keuse en plasing van beelde
Naas die basiese inligting rakende kopiereg en sintaks moet sommige redigeerders ook kies uit 'n verskeidenheid beelde en die plasing daarvan in artikels. Daar moet in ag geneem word dat die uitleg van artikels wat beelde bevat anders vertoon op verskillende skermresolusies en dat ander gebruikers die uitleg mag verander indien dit nie op hul resolusie goed vertoon nie.
Artikels wat meer as een beeld gebruik moet ook 'n verskeidenheid verwante teks daarnaas hê. Drie portrette van dieselfde generaal in uniform sal oortollig wees in 'n artikel oor die generaal, tensy hulle drasties van mekaar verskil. Verwante beelde rakende 'n die gevegte waarin hy betrokke was, sal van meer nut wees tot lesers.
Beelde moet ook nie so groot wees dat hulle die aangrensende artikelteks oorweldig nie.
Noemenswaardigheid en relevansie
Beelde moet relevant tot die onderwerp van die artikel wees en 'n sekere vlak van noemenswaardigheid hê. Met ander woorde, alhoewel tekeninge en amateur foto's wel dikwels gebruik word, word dit nie aanbeveel om u graad 1 tekening van 'n voël by die artikel voël te voeg nie.
Sien ook
Die lisensiëringsbeleid van die Wikimedia-stigting: