Hoogtevrees
Hoogtevrees is die menslike vrees vir hoogtes. Hierdie angs bestaan in 'n mindere of meerdere mate by alle mense. Indien dit buitensporig is, word dit akrofobie genoem.[1] Akrofobie het baie met dieptevrees in gemeen. Albei fobies hou verband met die vrees om van 'n hoogte af te val.
Akrofobie kan net soos die meeste ander fobies met gedragsterapie behandel word. Mense wat aan akrofobie ly kan dikwels aan sekere hoë plekke, soos 'n woonstel, gewoond raak. Die angs kan egter terugkeer as die persoon vir 'n lang tyd nie aan hoogtes blootgestel was nie.
Daar is verskillende vorme van hoogtevrees:
- Kognitiewe hoogtevrees word deur angsgedagtes veroorsaak, soos die angs om te (kan) spring of dat 'n konstruksie nie sterk genoeg is nie.
- Optiese hoogtevrees kan (sonder bygedagtes) paniek veroorsaak, byvoorbeeld as iemand uit 'n woonstel se venster afkyk.
Hoogtevrees kan 'n kombinasie van kognitiewe en optiese hoogtevrees wees. Spanning kan ook hoogtevrees aanwakker. In so 'n geval kan die hoogtevrees verdwyn as die persoon weer rustig en minder gespanne raak.
Verwysings
[wysig | wysig bron]- ↑ Emmelkamp, P.M.G. , Hoogduin, C.A.L. & Hout, M.A. van den (1994). Angsstoornissen. In W. Vandereycken, C.A.L. Hoogduin en P.M.G. Emmelkamp (Red.) , Handboek psychopathologie. deel 1. Basisbegrippen.(2de druk) (pp. 204-241). Houten/Zaventum: Bohn Stafleu Van Loghum.
Bronne
[wysig | wysig bron]- Sartorius, N.; Henderson, A.S.; Strotzka, H.; Lipowski, Z.; Yu-cun, S.; You-xin, X.; Strömgren, E.; Glatzel, J.; et al. "The ICD-10 Classification of Mental and Behavioural Disorders Clinical descriptions and diagnostic guidelines" (PDF). World Health Organization. p. 114. Besoek op 23 Junie 2021.
Notas
[wysig | wysig bron]
Hierdie artikel is in sy geheel of gedeeltelik uit die Nederlandse Wikipedia vertaal.
