Araceae
| Aronskelkfamilie | |
|---|---|
| |
| Bloeiwyse van Xanthosoma roseum | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | Araceae (Juss)
|
Die aronskelk- of varkblomfamilie, (Araceae), is ’n familie eensaadlobbige plante. Hulle is vanweë hul bloeiwyse opvallend en daarom gewilde huisplante. Die blomme self is onopvallend en kom aan ’n vlesige aar voor, maar die skutblaar is dikwels mooi en kleurryk (of spierwit) en trek die aandag. Dié familie bestaan uit ’n paar duisend spesies wat natuurlik voorkom in die trope en noordelike gematigde klimaatstreke.
Genera
[wysig | wysig bron]Anthurium en Zantedeschia is twee bekende genera van die familie, asook Colocasia esculenta en Xanthosoma roseum. Die grootste onvertakte bloeiwyse in die wêreld is dié van die Amorphophallus titanum (reuse-aronskelk).[1] Die familie sluit baie ornamentele plante in, soos Dieffenbachia, Aglaonema, Caladium, Nephthytis en Epipremnum. In die genus Cryptocoryne is baie gewilde akwariumplante.[2]
Giftigheid
[wysig | wysig bron]In die familie Aracae is genera soos Alocasia, Arisaema, Caladium, Colocasia, Dieffenbachia en Philodendron wat kalsiumoksalaatkristalle bevat. As dit ingesluk word, kan dit die slymvlies irriteer en die sap kan ’n pynlike veluitslag veroorsaak.[3]
Bestuiwing
[wysig | wysig bron]Entomofilie (bestuiwing deur insekte ) is 'n vorm van biotiese bestuiwing.
Hierdie blom hou insekte wat kom nektar vergader, gevange en hulle kan nie ontsnap voordat hulle nie oortrek is met stuifmeel nie. Die stywe, onryp stuifmeeldrade wys afwaarts in die blomkelk en die insek kan maklik in die blom afgaan maar nie weer uitkom voordat die stuifmeel ryp is nie. Die insek word bedek met stuifmeel in die pogings om te ontsnap. Wanneer die stywe stuifmeeldrade verwelk, kruip die insek uit en gaan na die volgende aaronskelk.
Verwysings
[wysig | wysig bron]- ↑ "Titan Arum FAQs | Biological Sciences Greenhouse". Ohio-staatsuniversiteit. Besoek op 17 Januarie 2014.
- ↑ "Aquarium Cryptocoryne Plants". Aquarium Fish International. Geargiveer vanaf die oorspronklike op 8 Augustus 2016. Besoek op 17 Januarie 2014.
- ↑ Toxic Plants. "Safe and Poisonous Garden Plants. Agriculture and Natural Resources." Universiteit van Kalifornië
Bronnelys
[wysig | wysig bron]- Kennis, 1980, vol 3, bl. 428-429, ISBN 0 7981 0825 8
Eksterne skakels
[wysig | wysig bron]- Araceae Geargiveer 15 Julie 2007 op Wayback Machine in Florabase (Wes-Australië)
Wikimedia Commons het meer media in die kategorie Araceae.
Hierdie artikel is vertaal uit die Nederlandse Wikipedia
