Braun
| Braun GmbH | |
  | |
| Tipe | Privaatmaatskappy |
|---|---|
| Gestig | 1921 |
| Hoofkantoor | Kronberg im Taunus, Hesse, Duitsland |
| Sleutelpersone | Constantin Loebus, Gerhard Ritter, Stefan Schamberg (bestuurders) Heinz-Joachim Schultner (voorsitter van die raad van direkteurs) |
| Gebied bedien | Wêreldwyd |
| Industrie | Huishoudelike elektriese toestelle |
| Produkte | Skeerapparate, haardroërs, strykysters, koffiemeule, koffiemasjiene, voedselverwerkers, stoomkokers en ander |
| Inkomste | €499,16 miljoen (2011/2012) |
| Netto inkomste | €53,524 (2011/2012) |
| Werknemers | 3 813 (2011/2012) |
| Moedermaatskappy | Procter & Gamble; lisensiehouer van handelsmerk: De’Longhi Appliances S.r.l |
| Slagspreuk | Designed to make a difference. |
| Webwerf | Braun Household Limited, Suid-Afrika |
Braun GmbH is 'n Duitse vervaardiger van elektriese huishoudelike toestelle wat sy tegniese hoofkwartier in Kronberg im Taunus in die deelstaat Hesse het. As handelsmerk word Braun veral verbind met sy baanbrekende, hoogs moderne industriële ontwerpkuns en tegnologiese vernuwing - twee velde waarin die onderneming 'n leidende rol op die wêreldmark gespeel het.[1]
Dit was Braun se ontwerperspan wat aan baie elektriese toestelle eers hul moderne vorm gegee het. So was hulle rigtingwysend vir 'n hele bedryf met hul eie vormtaal van funksionele en eenvoudige, dog estetiese, gesofistikeerde en perfekte produkontwerpe wat van hoëtroustelle tot haardroërs en skeerapparate gestrek het.
Die Duitse aandelemaatskappy Braun AG is in 1967 aan die Amerikaanse onderneming The Gillette Company verkoop wat op sy beurt in 2005 deur die Amerikaanse maatskappy Procter & Gamble oorgeneem is. Die Italiaanse onderneming De'Longhi Appliances S.r.l is lisensiehouer van die Braun-handelsmerk. Die Suid-Afrikaanse Braun-filiaal Braun Household Limited is in Maraisburg, Florida, Gauteng gesetel.
Braun GmbH spits sy bedrywighede tans op kombuistoestelle en produkte vir liggaamsversorging (waaronder elektriese haarverwyderaars, elektriese tandeborsels, skeerapparate en haardroërs) toe wat in vyf aanlegte in Duitsland, Ierland en die Volksrepubliek China vervaardig word.[2]
Verwysings
[wysig | wysig bron]- ↑ Bernd Polster: Braun. 50 Jahre Produktinnovationen. Köln: DuMont 2005
- ↑ www.braun.com: Braun auf einen Blick. Besoek op 29 Maart 2015