Djebel Barkal

Djebel Barkal
Djebel Barkal is ’n klein berg van 98 m hoog.
Koördinate	18°32′12″N 31°49′42″O
Plaaslike naam	جبل بركل
Land	Soedan
Soort	Heiligdom
Unesco-wêrelderfenisgebied
Tipe	Kultureel
Kriteria	i, ii, iii, iv, vi
Verwysing	1073
Streek†	Arabiese State
Beskrywing*	Gebel Barkal and the Sites of the Napatan Region
† Streek soos deur Unesco geklassifiseer. * Naam soos op die Wêrelderfenislys

Djebel Barkal (Arabies: جبل بركل) is ’n klein berg by die dorp Karima sowat 400 km noord van Khartoem, Soedan. Dit staan by ’n groot draai in die Nylrivier in ’n streek met die naam Nubië. Dit word ook Jebel of Gebel Barkal gespel.

Die berg is 98 m hoog, is plat bo en is oënskynlik as ’n landmerk gebruik deur handelaars op die belangrike roete tussen Sentraal-Afrika, Arabië en Egipte omdat die rivier daar maklik was om oor te steek. Die berg en die historiese stad Napata aan sy voet is in 2003 deur Unesco tot wêrelderfenisgebied verklaar.

Geskiedenis

Omstreeks 1450 v.C. het die Egiptiese farao Toetmoses III sy ryk tot in dié streek uitgebrei en Djebel Barkal as sy suidelike grens beskou. Daar het hy ’n veldtog gevoer naby die stad Napata, wat sowat 300 jaar later die hoofstad van die onafhanklike Koninkryk van Koesj geword het. Die 25ste-dinastiese Egiptiese koning Pije het tydens die Nuwe Ryk se bestaan sy tempel van Amoen in dié stad laat bou en sy Oorwinningstele van sy 20ste bewindsjaar in die tempel opgerig.

Ruïnes

Die ruïnes om Djebel Barkal sluit in minstens 13 tempels en 3 paleise, wat vir die eerste keer in die 1820's deur Europese ontdekkers beskryf is. Uitgrawings is in 1916 egter eers begin doen deur twee spanne onder George Reisner. Van die 1970's af word nog uitgrawings gedoen. Die grootste tempels, soos dié van Amoer, word vandag steeds deur die plaaslike bevolking as heilig beskou.

Djebel Barkal was ook ’n koninklike dodeakker en die ruïnes van verskeie piramides word hier aangetref. Die eerste konings is in die 3de eeu v.C. hier begrawe.

Galery

• 
  Piramides naby Djebel Barkal.
• 
  Piramides in die suidelike groep.
• 
  Die laaste oorblywende pilare van Napata se tempel van Amoen aan die voet van Djebel Barkal.

Eksterne skakels

• LearningSites.com – Gebel Barkal
• Unesco: Gebel Barkal and the Sites of the Napatan Region
• Pije se Oorwinningstele

• Wikimedia Commons het meer media in die kategorie Djebel Barkal.
• Hierdie artikel is vertaal uit die Engelse Wikipedia