Driekamp

Piktogram wat Driekamp aandui

Die drie komponente van driekamp: swem, fietsry, hardloop

Die Driekamp of Triathlon is 'n multisport kompetisie wat uiterste uithouvermoë verg. Die oorspronklike driekamp bestaan uit:

• 3,8 km swem
• 180 km fietsry
• 42,195 km hardloop ('n volle maraton)

Driekampatlete moet in elke item kompeteer terwyl die maksimum energie moontlik bespaar moet word vir die volgende item.

In moderne driekamp vind die items aaneenlopend plaas en die tyd om oor te skakel van een item na die volgende word ook ingereken. Deesdae word by spesiale stasies oorgeskakel, waar fietse en geskikte kleredrag vir die deelnemers gereed gehou word, volgens hulle inskrywingsnommers. Dit voorkom die opeenhoping van atlete en vergemaklik 'n gladde oorskakeling vir hulle na die volgende item.

Spelling

"Driekamp" kan ook as "3-kamp" geskryf word, maar omdat die algemene reël is dat getalle onder 10 uitgeskryf word, word "driekamp" aanbeveel. "Driekamp" word sonder 'n koppelteken geskryf – daar is geen verwarring sonder die koppelteken nie.

Eksterne skakels

• Wikimedia Commons het meer media in die kategorie Driekamp.
• (en) Die Internasionale Driekampvereniging (ITU) se webwerf