Erik die Oorwinnaar
| Erik die Oorwinnaar | |
|---|---|
| Koning van Swede | |
 Erik bid tot Odin voor 'n veldslag (deur Jenny Nyström).
| |
| Bewind | c. 970-995[1] |
| Opvolger | Olof Skötkonung |
| Gebore | c. 945 |
| Oorlede | c. 995 |
| Vader |
|
| Koningshuis | Huis van Munsö |
Erik die Oorwinnaar (Oudnoors: Eiríkr inn sigrsæli, Sweeds: Erik Segersäll; c. 945-995) was omstreeks 970 'n Sweedse monarg. Hoewel daar vroeëre Sweedse konings was, is hy die eerste een met 'n aaneenlopende opvolging van wie in onafhanklike bronne melding gemaak word. Sweedse koningslyste begin dus gewoonlik by hom.[2][3]
Sy seun Olof Skötkonung is egter die eerste koning wat gedokumenteer is wat beslis deur beide die oorspronklike Swede om die Mälarmeer en die Gaute om die Vätternmeer aanvaar word. Adam van Bremen berig oor die koning Emund Eriksson voor Erik, maar dit is nie bekend of hy Erik se vader was nie.[4] Die Noorse sagas vertel van 'n Björn Eriksson,[5] maar word as onbetroubaar beskou.
Sommige bronne verwys na Erik die Oorwinnaar as óf koning "Erik V" óf "Erik VI". Dan word teruggetel vanaf Erik XIV (1560-1568), wat dié syfer aangeneem het volgens 'n 16de-eeuse werk oor die geskiedenis van Swede, Historia de omnibus Gothorum Sueonumque regibus. Dit is egter onseker of daar vorige Sweedse konings met die naam Erik was; sommige historici glo daar was verskeie vroeëre Eriks,[6] terwyl ander die historiese egtheid van die primêre bronne bevraagteken.[7]
Verwysings
[wysig | wysig bron]- ↑ Liljegren, Bengt (2004) "Rulers of Sweden". Lund: Historiska Media. (vert. Adam Williams) p. 11 ISBN 91-8505763-0
- ↑ Lindkvist, Thomas (2003), "Kings and provinces in Sweden", The Cambridge History of Scandinavia, pp. 223, ISBN 0-521-47299-7
- ↑ Listing Geargiveer 23 November 2021 op Wayback Machine the Royal Court of Sweden
- ↑ Bolin, Sture, "Erik segersäll"
- ↑ Hervarar saga, Saga van Harald Skoonhaar en Styrbjörn se saga
- ↑ Lagerqvist & Åberg in Kings and Rulers of Sweden ISBN 91-87064-35-9 pp. 8–9
- ↑ Harrison, Dick (2009), Sveriges historia 600-1350, pp. 21, 121, ISBN 978-91-1-302377-9
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Emund Eriksson? Björn Eriksson? |
Sweedse koning | Opvolger Olof Skötkonung → |
Normdata  |
|
|---|