Farrar, Straus en Giroux
Farrar, Straus en Giroux (FSG) is 'n Amerikaanse uitgewersmaatskappy wat in 1946 gestig is deur Roger W. Straus jr. en John C. Farrar.[1] FSG is bekend vir die publisering van literêre werke. Die maatskappy se outeurs het al verskeie toekennings en pryse gewen, insluitende die Pulitzerprys, Nasionale Boekprys en Nobelprys. Die uitgewer is tans 'n afdeling van Macmillan Uitgewers, wat op sy beurt deel van die Duitse uitgewerskonglomeraat Holtzbrinck publiseringsgroep is.[2]
Huidige drukname
[wysig | wysig bron]- Faber and Faber Inc. publiseer ouer boeke oor die kunste, vermaak, musiek, popkultuur ens. Die druknaam se outeurs sluit in David Auburn, Margaret Edson, Doug Wright, Richard Greenberg, Tom Stoppard, David Hare, Neil LaBute, Peter Conrad, Martin Eisenstadt en Courtney Love.
- Hill and Wang[3][4] publiseer boeke van akademiese belang en spesialiseer in geskiedenis. Die druknaam se outeurs sluit in Roland Barthes, William Cronon, Langston Hughes en Elie Wiesel.
- Sarah Crichton Books publiseer boeke met 'n effense kommersiële geur. Die druknaam se eerste publikasie in 2006 was Cathleen Falsani se The God Factor. Ishmael Beah se A Long Way Gone was 'n topverkoper.[5][6]
- North Point Press publiseer literêre nie-fiksie, met die klem op natuurlike geskiedenis, reis, ekologie, musiek en kos. Die outeurs van die druknaam sluit in Peter Matthiessen, Beryl Markham, Guy Davenport, A. J. Liebling, Margaret Visser, Wendell Berry en M. F. K. Fisher.
- Scientific American / FSG,[7] waarvan Amanda Moon aan die hoof van staan, publiseer (nie-fiksie) populêre wetenskapboeke en -tydskrifte wat gemik is op die algemene leser. Die outeurs sluit in Jesse Bering, Daniel Chamovitz, Kevin Dutton en Caleb Scharf.
- Die druknaam MCD/FSG word beskou as 'n tipe laboratorium vir eksperimentering met nuwe style en genres. Sean McDonald staan aan die hoof van die druknaam met Daphne Durham, voormalige hoof-redaktrise en uitgewer van Amazon Publishing, as uitvoerende direktrise.[8][9]
Verwysings
[wysig | wysig bron]- ↑ Silverman, Al (2008). The Time of Their Lives: The Golden Age of Great American Book Publishers, Their Editors, and Authors. Truman Talley. ISBN 978-0312-35003-1.
- ↑ "About Macmillan". us.macmillan.com. Besoek op 19 Junie 2016.
- ↑ "HILL AND WANG". Farrar, Straus and Giroux. Geargiveer vanaf die oorspronklike op 18 Januarie 2008. Besoek op 9 Januarie 2008.
- ↑ "Library of Congress LCCN Permalink no2006079532". lccn.loc.gov. Besoek op 16 Augustus 2018.
- ↑ Zeitchik, Steven (14 Junie 2004). "Crichton gets imprint at FSG". Publishers Weekly. Besoek op 20 Februarie 2014.
- ↑ "Crichton to Leave FSG at End of Year". publishersweekly.com. Besoek op 16 Augustus 2018.
- ↑ "Scientific American Books - Scientific American". Books.scientificamerican.com. Besoek op 20 Februarie 2014.
- ↑ Weinman, Sarah (9 Mei 2016). "McDonald Named Publisher of New FSG Imprint, and More". lunch.publishersmarketplace.com. Besoek op 4 Julie 2017.
- ↑ "People Round-Up, Mid-May 2016". Publishing Trends. 17 Mei 2016. Besoek op 4 Julie 2017.