Florence Ribeiro
Florence Ribeiro | |
|---|---|
| Gebore | Florence Barbara Mathe 3 November 1933 |
| Sterf | 1 Desember 1986 (op 53) |
| Nasionaliteit | .svg){kind=small} Suid-Afrika |
| Alma mater | Marianhill Convent by Inkemane en Inanda Convent in KwaMashu, Natal |
| Beroep | Sakevrou |
| Bekend vir | Beskerming van slagoffers van apartheid en finansiële bystand aan behoeftige leerlinge. |
| Eggenoot | Fabian Ribeiro |
| Ouer(s) | Henry and Kate Mathe |
Florence Ribeiro (née Mathe) (3 November 1933 - 1 Desember 1986) was 'n anti-apartheidsaktivis in Suid-Afrika. Haar vader, Henry Mathe, was 'n mynwerker, en haar moeder, Kate, 'n huishulp. Sy behaal haar onderwysdiploma in 1953, maar verlaat die onderwysberoep in 1957 toe sy met Fabian Ribeiro, 'n mediese student, getroud is, om 'n sakevrou te word. Sy open 'n slaghuis en begin haar B.Com.-graad aan die UNISA. Sy kon nie die kursus voltooi nie, omdat sy haar vier kinders, drie seuns en 'n dogter, moes grootmaak, en konsentreer op haar besigheid. Die politieke aktivis Robert Sobukwe, wat met haar suster getroud was, het bygedra tot haar bewuswording van die ongeregtigheid van apartheid.[1]
Ribeiro en haar man het in Mamelodi gewoon en het baie inligting oor die gruweldade van die apartheidsregering ontbloot. In Mamelodi help hulle om die slagoffers van apartheid te beskerm en bied ook finansiële bystand aan behoeftige leerlinge. Hulle verbintenis tot geregtigheid het hulle egter duur te staan gekom toe hulle huis in 1986 afgebrand is. Na verskeie aanslae op hul lewens in 1985 en 1986, is die egpaar tragies doodgeskiet in hul huis op 1 Desember 1986.[1]
In 1997 het die die Waarheid-en-versoeningskommissie (WVK) bevind dat hulle dood 'n sluipmoordaanval was deur agente van die SAW.[2] Amnestie is in 1999 deur die WVK se amnestiekomitee toegeken aan die sluipmoordenaars.[3]
Vernoemings
[wysig | wysig bron]Florence Ribeiro-weg (voorheen bekend as Koningin Wilhelmina-weg) in Pretoria is in 2012 na haar genoem.[4] Die Dr Fabian and Florence Ribeiro Treatment Centre in Cullinan is na die Ribeiro-egpaar genoem.[5]
Verwysings
[wysig | wysig bron]- ↑ 1,0 1,1 "SA History: Florence Barbara Ribeiro" (in Engels). Geargiveer vanaf die oorspronklike op 1 Mei 2020. Besoek op 14 Maart 2017.
- ↑ "Thuth Commission Special Report: RIBEIRO, Florence, (AC/1999/0188; AC/1999/0190; AC/1999/0196; AC/1999/0193; AC/1999/0194; AC/1999/0030; AC/1999/0031 and AC/1999/0032)" (in Engels). SABC. Geargiveer vanaf die oorspronklike op 9 Oktober 2019. Besoek op 14 Maart 2017.
- ↑ "South Africa: Overcoming Apartheid, Building Democracy: Fabian Ribeiro (June 19, 1933 - December 1, 1986)" (in Engels). Geargiveer vanaf die oorspronklike op 5 April 2018. Besoek op 14 Maart 2017.
- ↑ "ShowMe: Pretoria's new street names" (PDF). Besoek op 14 Maart 2017.
- ↑ "Dr Fabian and Florence Ribeiro Treatment Centre". Department of Social Development, Gauteng. Besoek op 14 Maart 2017.[dooie skakel]