Grootwitreier

Grootwitreier
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Ciconiiformes
Familie:	Ardeidae
Genus:	Ardea
Spesie:	A. alba
Binomiale naam
Ardea alba Linnaeus, 1758
Sinonieme
Casmerodius albus; Egretta alba

Die grootwitreier (Ardea alba) is, soos sy naam aandui, 'n groot wit voël wat aan die reierfamilie behoort. Die grootwitreier is ook bekend as Egretta alba (Linnaeus, 1758).

Identifikasie

Die grootwitreier is 'n redelike groot voël, kan tot 101 cm lank word, en weeg gewoonlik tussen 1 en 1,5 kg. Al die voël se vere is wit.

Habitat

Grootwitreiers maak nes in bome en broei in kolonies naby groot damme en mere met rietbeddings of ander moerasagtige gebiede. Hulle neste, wat met stokke gebou word, kan tot 100 cm in deursnit wees.

Verspreiding

Die voël word in die meeste tropiese en warm-klimaatgebiede aangetref. Dié wêreldwye verspreiding beteken dat die grootwitreier die wydsverspreidste van al die reierspesies is. Op die Noord-Amerikaanse kontinent word die voël so ver noord as Suid-Kanada aangetref, en dit kom ook voor in die suide en middeldele van Europa. Verder kom die Grootwitreier ook in Afrika en Asië voor.

Grootwitreiers is gedeeltelike trekvoëls: voëls in die Noordelike Halfrond migreer suid in die winter.

Ander name

• Wetenskaplike name: Ardea alba, Egretta Alba en Casmerodius albus
• Engelse naam: Great (white) Egret

Fotogalery

• 
• 
• 
• 
• 
• 
• 
• 
• 
• 
• 
  Museum specimen

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• Newman se Voëls van Suider-Afrika. ISBN 1-86872-982-6
• Handbook of the Birds of Europe, the Middle East, and North Africa: The Birds of the Western Palearctic
• Die Integrated Taxonomic Information System se inskrywing oor die grootwitreier.
• Peterson, Roger T. Peterson Field Guides: Eastern Birds. 4de uitgawe. New York: Houghton Mifflin. 102.