Horlosie (sterrebeeld)

	Horlosie
Latynse naam	Horologium
Genitief	Horologii
Afkorting	Hor
	Waarnemingsdata (Epog J2000)
Regte klimming	3h
Deklinasie	-60º
Grootte	249 vk. grade (58ste)
Kwadrant	SQ1
	Besonderhede
Hoofsterre	6
Helderste ster	Alpha Horologii (α Hor)
Naaste ster	GJ 1061
Sterre helderder as 3 m	0
Sterre met planete	2
Messier-voorwerpe	0
Bayer-/Flamsteed-sterre	10
	Aangrensende sterrebeelde
	Eridanus, Suidelike Waterslang, Net, Swaardvis, Graveerstif
Portaal	Sterrekunde

Die Horlosie (Latyn: Horologium) is ’n klein, dowwe sterrebeeld in die suidelike hemelruim. Dit is in die 18de eeu deur Nicolas-Louis de Lacaille geskep. Hy het dit oorspronklik Horologium Oscillitorium genoem na die slingeruurwerk, ter ere van die ontwerper daarvan, Christiaan Huygens. Die naam is sedertdien verkort.

Ruimtevoorwerpe

Een van die voorwerpe in die sterrebeeld wat van belang vir sterrekykers is, is R Horologii, ’n Mira-veranderlike met een van die grootste bekende reikwydtes. Die sterreswerm AM1 word ook hier aangetref; dit is die verste bekende sterreswerm in die Melkweg (398 000 ligjare).

Die Horlosie-superswerm is ’n massiewe superswerm van sterrestelsels wat sowat 550 miljoen ligjare breed is en ’n massa van 10¹⁷ sonmassas het. Dit lê in die sterrebeelde Horlosie en Eridanus, met die naaste punt 700 miljoen ligjare en die verste punt 1,2 miljard ligjare van die Aarde af. Dit bestaan uit ’n paar honderdduisend sterrestelsels.

Verwysings

Ian Ridpath and Wil Tirion (2007). Stars and Planets Guide, Collins, Londen. ISBN 978-0-00-725120-9. Princeton University Press, Princeton. ISBN 978-0-691-13556-4.

Eksterne skakels

Wikimedia Commons het meer media in die kategorie Horlosie (sterrebeeld).

Hierdie artikel is vertaal uit die Engelse Wikipedia