Kaliumsianied

Eienskappe

Algemeen
Naam	Kaliumsianied
Sistematiese naam	Kaliumsianied
Struktuurformule van
Chemiese formule	KCN
Molêre massa	65,116 [g/mol]
CAS-nommer	151-50-8
Voorkoms	Wit vastestof
Fasegedrag
Selkonstantes	653pm
Ruimtegroep	Fm3m; F4/m 3 2/m
Nommer	225
Schönfliess-simbool	O5h
Strukturbericht	B1
Smeltpunt	634 °C
Kookpunt	1625 °C
Digtheid	1,55 [g/cm3] @ 20 °C
Oplosbaarheid	oplosbaar in water 116[g/L] water @298K
Brekingsindeks	1,410
Suur-basis eienskappe
pKa
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Kaliumsianied is 'n sout van kalium en blousuur met formule KCN.

Dit vervloei aan die lug. Dit is baie toksies deur oop wonde of deur inname. Dit kan effens na bitter amandels ruik en word gebruik vir silwer- en goudekstraksie. Ander aanwendings is in chemiese ontleding en as grondstof vir ander chemikalieë.

Chemiese eienskappe

Dit hidroliseer in water en maak die oplossing basies.

$K^{+}+CN^{-}+H_{2}O\rightleftarrows K^{+}+HCN(aq)+OH^{-}$

Hierdie oplossing is egter nie stabiel nie en kan verder ontleed na formiaat en ammoniak:

$KCN+2H_{2}O\rightarrow HCOOK+NH_{3}$

Kaliumsianied kan verkry word deur potas (kaliumcarbonaat) saam met koolstof in 'n stroom van stikstof te verhit. Dit ontstaan ook by verhitting van K₄Fe(CN)₆.

$K_{4}Fe(CN)_{6}\xrightarrow {hitte} 4KCN+Fe+2C+N_{2}\uparrow$

Teen hoë temperature kan dit suurstof en swawel opneem en isosianaat en tiosianaat vorm.

Kristalstruktuur

Kaliumsianied het teen kamertemperatuur 'n wanordelike pseudokubiese struktuur, gebaseer op die NaCl-tipe kristalstruktuur. (Strukturbericht-klassifikasie B1) In hierdie struktuur beset die kaliumione die natriumposisies en die sianiedione die chloorione s'n. Hulle is lukraak verdeel oor 8 [111]-rigtings (die rigtings van die kubus se liggaamsdiagonale). Die sianiedioon besit egter 'n elektrise dipool en teen 168K raak hulle georden langs die ses [011]-rigtings van die kubiese sel en die simmetrie raak verlaag na ortorombies. Die oorgang is 'n ferrodistortiewe faseoorgang van die eerste orde. Die nuwe struktuur het ruimtegroep Immm. Teen 83K vind opnuut 'n oorgang plaas na 'n antiferroëlektriese fase wat die ruimtegroep Pmnm besit.