Koning Hussein Internasionale Lughawe
| Vernoem na | Hoessein van Jordanië |
|---|---|
| Land | Jordanië |
| Geleë in administratiewe eenheid | Akaba |
| Geografiese ligging | 29°36′42″N 35°1′5″E |
| Openingsdatum | 1972 |
| Plek wat deur vervoerspilpunt bedien word | Akaba |
| Amptelike webwerf | http://www.aac.jo |
| IATA-lughawekode | AQJ |
| ICAO-lughawekode | OJAQ |
Akaba-lughawe ❲ook bekend as King Hussein Internasionale Lughawe) (Arabies: مطارالملك الحسين الدولي) is 'n lughawe geleë in die omgewing van Industrial City (Aqaba International Industrial Estate – مدينة العقبة الصناعية الدولية), 'n noordelike voorstad van Akaba in Jordanië.
Oorsig
[wysig | wysig bron]Die ligging van Akaba is ongewoon, want binne 'n radius van 24 km is daar drie ander lande, Egipte, Saoedi-Arabië en Israel. Die lughawe het 'n enkele aanloopbaan toegerus met 'n kategorie 1-instrumentlandingstelsel (ILS). Danksy sy normaalweg uitstekende weerstoestande word die lughawe selde gesluit, hoewel sterk suidelike winde sandstorms oor die Rooisee van Egipte af bring.
Die lughawe het 'n enkele 2 600 m2 terminaalgebou met net een vertrekhek en een bagasiekarrousel, hoewel die gebou uitgebrei word. Die kapasiteit van die terminaal is tans 1,5 miljoen passasiers per jaar. Daar is ook aparte geboue vir algemene lugvaart en 'n koninklike paviljoen - koning Abdoellah II besit 'n paleis langs die kuslyn en besoek dit gereeld. Die Royal Jordanian Air Academy is gereelde besoekers op oorlandoefeninge. Jaarlikse passasiersyfers het van ongeveer 20 000 per jaar in die vroeë dae tot meer as 90 000 in die jaar 2000 gestyg. Daar is tans ongeveer 3 000 vliegtuigbewegings per jaar. 'n Beduidende deel hiervan is opleidingsvlugte, insluitend dié van die Koninklike Jordaanse Lugmag.