Kretensiese See
Die Kretensiese See (Grieks: Κρητικό Πέλαγος, Kritiko Pelagos) of See van Kreta is 'n see tussen Griekeland en Turkye. Dit vorm deel van die Egeïese See en lê in die suide daarvan. Dit het 'n totale oppervlakte van 45 000 km2. Die see strek tot noord van die eiland Kreta, oos van die eilande Kythera en Antikythera, suid van die Kuklades en wes van die Dodekanesos-eilande Rhodos, Karpatos en Kassos.
Die Ioniese See lê in die weste en die Mirtoïese See in die noordweste. In die ooste en suidooste lê die res van die Middellandse See, wat soms die Levantynse See genoem word. Aan die suidekant van Kreta begin die Libiese See.
Bron
[wysig | wysig bron]- Saundry, Peter; Hogan, C. Michael; Baum, Steve (2011). "Sea of Crete". In Pidwirny, M.; Cleveland, C. J. (reds.). Encyclopedia of Earth. Washington DC: National Council for Science and Environment.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
