Leidende aanwyser
| Subklas van | indeks nommer, aanwyser, indeks |
|---|---|
| Faset van | ekonomie |
'n Leidende aanwyser is 'n ekonomiese veranderlike waarvan die draaipunte die ekonomie se draaipunte voorafgaan. Indien die aandelebeurs as 'n leidende aanwyser van ekonomiese aktiwiteit gesien word, sal die aandelebeurs gewoonlik 'n boonste draaipunt (of piek) bereik voordat ekonomiese groei 'n piek bereik (dieselfde beginsel geld vir 'n onderste draaipunt (of trog). 'n Leidende aanwyser word dus vir vooruitskatting van die sakesiklus (oftewel, die konjunktuur) gebruik. Die Suid-Afrikaanse Reserwebank stel 'n gesamentlike indeks van leidende aanwysers saam om die rigting van ekonomiese aktiwiteit te voorspel.
Finansiële veranderlikes, soos die geldvoorraad, wisselkoers en rentekoers is gewilde leidende aanwysers in die sakewêreld. Navorsing bevestig dat daar aansienlike inligting in Suid-Afrikaanse finansiële veranderlikes vervat is sover dit die toekomstige stand van die ekonomie aangaan.[1] Dit is egter belangrik dat geen enkele finansiële veranderlike die draaipunte in die Suid-Afrikaanse sakesiklus konsekwent korrek voorspel nie en dat dit beter is om na 'n verskeidenheid van aanwysers te kyk.[2]
Verwysings
[wysig | wysig bron]- ↑ Moolman, Elna (2003), "Predicting turning points in the South African economy", The South African Journal of Economic and Management Sciences 6: 289-303
- ↑ Boshoff, Willem H. (2005), "The properties of cycles in South African financial variables and their relation to the business cycle", The South African Journal of Economics 73: 694-709
