Lulach
| Lulach | |
|---|---|
| Koning van Skotland | |
| Dinastie | Huis van Moray |
| Bewind | 15 Augustus 1057 – 17 Maart 1058 |
| Volle naam | Lulach mac Gille Coemgáin |
| Gebore | Voor 1033 |
| Moray, Skotland | |
| Gesterf | 17 Maart 1058 |
| Essie in Strathbogie | |
| Begrawe | 1058 |
| Iona | |
| Voorganger | Macbeth |
| Opvolger | Malcolm III |
| Kinders | Máel Snechtai van Moray |
| Vader | Gille Coemgáin van Moray |
| Moeder | Gruoch |
Lulach (volle naam: Lulach mac Gille Coemgáin, Skots-Gaelies: Lughlagh mac Gille Chomghain; omstreeks 1033 – 17 Maart 1058), met die byname Tairbith, "die Ongelukkige",[1] en Fatuus, "die Swaksinnige",[2] was tussen 15 Augustus 1057 en 17 Maart 1058 koning van Skotland.
Lulach was die seun van Gruoch uit haar eerste huwelik met Gille Coemgáin, mormaer van Moray, en dus die stiefseun van Macbeth. Nadat Macbeth op 15 Augustus 1057 in die Slag van Lumphanan gesneuwel het, het die koning se volgelinge Lulach op die troon geplaas. Hy was die eerste koning van Skotland van wie besonderhede oor sy kroning bekend is: Hy is, moontlik op 8 September 1057, by Scone gekroon. Dit lyk of Lulach ’n swak heerser was, soos sy naam aandui, en hy het net ’n paar maande lank regeer voordat hy in ’n sluipmoordaanval deur Malcolm III gesterf en deur hom opgevolg is. Hy is vermoedelik op die eiland Iona begrawe, maar dit is nie bekend presies waar nie.
Lulach se seun Máel Snechtai was mormaer van Moray, terwyl Óengus van Moray die seun van Lulach se dogter was.
Verwysings
[wysig | wysig bron]- ↑ Skene, W.F. (red.), Chronicles of the Picts, Chronicles of the Scots and other Early Memorials of Scottish History, (Edinburg, 1867)
- ↑ Anderson, Alan Orr, Early Sources of Scottish History AD 500 to 1286, volume one. Herdruk met korreksies, Paul Watkins, Stamford, 1990. ISBN 1-871615-03-8
Eksterne skakels
[wysig | wysig bron]
Hierdie artikel is vertaal uit die Engelse Wikipedia
