Maleagi

Maleagi is die 39ste boek in die kanon van Hebreeuse Geskrifte wat as die Ou Testament in die Bybel opgeneem is. Hierdie boek is die twaalfde en laaste van die sogenaamde twaalf Klein Profete. Die boek dateer uit die 5de eeu v.C. nadat die tempel reeds herbou was. In 'n aantal gesprekke met die volk bestraf die profeet die volk oor hulle sondes op die gebied van die erediens, die huwelikslewe en hulle toekomsverwagtinge. Hoogtepunte is die gedeeltes oor die verkiesende liefde van God (1:2-5), die ware erediens (1:11) en die vooruitsig dat die son van redding met genesing in sy strale oor die vromes sal skyn (4:2).

Bron

• Die Bybel: Nuwe vertaling (Bybelgenootskap van Suid-Afrika)

Eksterne skakels

• Wikiwoordeboek het 'n inskrywing vir Maleagi.