McDonnell F-101 Voodoo
| McDonnell F-101 Voodoo | |
|---|---|
 | |
| Tipe | Vegvliegtuig |
| Vervaardiger | McDonnell |
| Ontwerp deur | McDonnell |
| Nooiensvlug | 29 September 1954 |
| Bekendstelling | 1957 |
| Onttrek | 1972, Lugmag |
| Status | Onttrek |
| Hoofgebruikers | Amerikaanse Lugmag Kanadese Koninklike Lugmag |
| Aantal gebou | 807 |
| Ontwikkel van | XF-88 Voodoo |
Die McDonnell F-101 Voodoo is 'n Amerikaanse vegvliegtuig wat oorspronklik ontwikkel is om bomwerpers tydens hul missies te vergesel. Die Voodoo is ontwikkel vanaf die XF-88 onderskeppingsvliegtuig wat reeds in 1948 gevlieg het. Hulle moes die Convair B-36 Peacemakers vergesel tydens missies. Alhoewel die Voodoo nie die hele tog met die B-36's kon meemaak nie was hulle togafstand van 2,450 km indrukwekkend. Die Voodoo het 'n lang loopbaan in die Amerikaanse Lugmag gehad waar dit ook in 'n onderskeppingsrol gebruik is sowel as vir verkenning. Dit was die lugmag se eerste supersoniese verkenningsvliegtuig.
Die prototipe, F-101A, het op 29 September 1954 sy nooiensvlug voltooi. Nadat die vliegtuig in diens gestel is in 1957 is dit gebruik om verskeie rekords vir spoed, uitvermoë en klimvermoë te probeer verbeter. Dit was gedoen om aan die Sowjetunie te wys hoe gevorderd die Amerikaanse vegvliegtuie op daardie stadium was.
Op 27 November 1957 het vier model RF-101A's (verkenningsvliegtuie) vanaf March-lugmag basis in Kalifornië opgestyg en oos gevlieg. Nadat hulle in die lug brandstof hervul het het twee verder gevlieg tot by die McGuire-lugmag basis in New Jersey. Die ander twee het omgedraai en weer in Kalifornië geland.
Majoor Adrian Drew met 'n F-101A het by die Edwards lugmagbasis 'n absolute spoed rekord van 1,942.97 km/h daargestel. Al hierdie rekords het die Voodoo die bynaam One-Oh-Wonder laat kry. Die tweesitplek alleweerstoestand F-101B het in 1957 verskyn. Dit was toegerus met 'n Hughes vuurbeheerstelsel en was bewapen met ses Falcon lug-tot-lug missiele of twee Genie lug-tot-lug missiele met kernpunte en vier Falcons.
In 1961 was ses en vyftig van die vliegtuie oorgeplaas na die Koninklike Kanadese Lugmag as model CF-101B. 'n Dekade later was hulle eers vervang met beter vliegtuie. Die Amerikaanse en Kanadese vliegtuie het die noordpool gebied beskerm en bewaak teen Sowjet bomwerpers. Die laaste Amerikaanse Lugmag F-101 is eers in 1971 uit diens onttrek en die van die Air National Guard eers in 1983. Verkennings vliegtuie was ook verkoop aan die Chinese Nasionale Lugmag.
Tegniese besonderhede
[wysig | wysig bron]| Item | Statistiek |
|---|---|
| Aantal motore | 2 |
| Tipe motor | Straalmotor |
| Vervaardiger | Pratt & Whitney J57-P-55 turbostraal met nabrander |
| Kraglewering per motor | 6 749 kg stukrag |
| Vlerkspan | 12,09 m |
| Lengte | 20,54 m |
| Hoogte | 5,49 m |
| Vlerkoppervlakte | 34,19 m2 |
| Maks. opstygmassa | 23 768 kg |
| Maks. snelheid | 1 965 km/h |
| Operasionele hoogte | 16 705 m |
| Togafstand | 2 494 km |
| Klimvermoë | 11 133 m per minuut |
| Bewapening | Twee MB-1 Genie met kernpunte en vier Falcon lug-tot-lug missiele of ses Falcon lug-tot-lug missiele |
Sien ook
[wysig | wysig bron]Bron
[wysig | wysig bron]- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9