Mitsubishi F-2

Mitsubishi F-2
	Mitsubishi F-2B
Tipe	Multirol vegvliegtuig
Vervaardiger	Mitsubishi Heavy Industries / Lockheed Martin
Nooiensvlug	7 Oktober 1995
Bekendstelling	2000
Status	In gebruik
Hoofgebruiker	Japanese Lugmag
Vervaardig	1995–2011
Aantal gebou	94+4 prototipes
Ontwikkel van	F-16 Fighting Falcon

Die Mitsubishi F-2 is 'n Japannese vegvliegtuig wat ontwikkel is uit die General Dynamics F-16 Fighting Falcon. Die prototipe het sy nooiensvlug op 7 Oktober 1995 onderneem. Daarna is die produksie-eenhede sedert 2000 aan die Japan Air Self-Defence Force verskaf. Hulle het 130 vliegtuie bestel om die JASDF se Mitsubishi F-1 te vervang. Die program het egter tegniese probleme ondervind en elke vliegtuig het vier keer soveel as 'n F-16 gekos.

Die Japannese FS-X projek se oorspronklike doelwit was om 'n suiwer Japannese produk te ontwikkel maar in 1987, as gevolg van politieke druk deur die Verenigde State, is die F-16 gekies as die basis van die nuwe vliegtuig. Die F-2 is 25 persent groter as die F-16 en toegerus met 'n Japanneesvervaardigde radar in die neus. Die romp is ook langer as die F-16 s'n terwyl dit ook Japannese elektroniesepuls-beheertegnologie gebruik, die VSA wou nie hulle s'n vryelik beskikbaar stel nie.

Tegniese besonderhede

Besonderhede van die Mitsubishi F-2:
Item	Statistiek
Aantal motors	1
Tipe motor	Straalmotor
Vervaardiger	General Electric F110-GE-129 turbowaaier met nabrander
Kraglewering per motor	13 444 kg stukrag
Vlerkspan	11,13 m
Lengte	15,52 m
Hoogte	4,96 m
Vlerkoppervlakte	34,8 m²
Maks. opstygmassa	22 100 kg
Maks. snelheid	Mach 2
Operasionele hoogte	15 250 m
Togafstand	830 km
Klimvermoë	Onbekend
Bewapening	Een 20 mm kanon Sidewinder/Mitsubishi lug-tot-lug missiele op vlerkpunte asook punte vir ander missiele

Sien ook

Lys van vegvliegtuie

Bron

Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9