Sonlig

Sonlig is in die breë sin van die woord die totale frekwensiespektrum wat deur die son uitgestraal word. Op aarde word sonlig deur die atmosfeer gefilter en word sonlig waargeneem as daglig wanneer die son bo die horison is.

As die direkte sonstraling nie deur wolke bedek word nie, word die sonlig as sonskyn waargeneem wat 'n kombinasie van helder lig en warmtesstraling is. Die Wêreld Meteorologiese Organisasie gebruik die term "sonskyn duurte" om te verwys na die totale tyd waarop 'n gebied direkte straling van die son ontvang van meer as 120 watt per vierkante meter.^[1]

Die ultravioletstraling in sonlig het positiewe en negatiewe effekte op menslike gesondheid, omdat dit beide 'n voorvereiste vir die sintese van vitamien D₃ (positief) en 'n mutageen (negatief) is.

Sonlig neem omtrent 8,3 minute om die aarde te bereik vanaf die son se oppervlakte. 'n Foton wat by die middel van die son begin kan 10 000 tot 170 000 jaar neem om die son se oppervlakte te bereik. Dít nadat die foton elke keer van rigting verander het nadat dit met 'n gelaaide deeltjie gebots het.^[2]

Verwysings

↑ "Hoofstuk 8 – Measurement of sunshine duration" (PDF). CIMO Guide. Wêreld Meteorologiese Organisasie. Besoek op 1 Desember 2008.
↑ "The 8-minute travel time to Earth by sunlight hides a thousand-year journey that actually began in the core". SunEarthDay.NASA.gov. NASA. Geargiveer vanaf die oorspronklike op 22 Januarie 2012. Besoek op 12 Februarie 2012.

Sien ook

Bron

KENNIS, 1980, vol 5, bl. 876-877, ISBN 0 7981 0827 4

[1] "Hoofstuk 8 – Measurement of sunshine duration" (PDF). CIMO Guide. Wêreld Meteorologiese Organisasie. Besoek op 1 Desember 2008.

[2] "The 8-minute travel time to Earth by sunlight hides a thousand-year journey that actually began in the core". SunEarthDay.NASA.gov. NASA. Geargiveer vanaf die oorspronklike op 22 Januarie 2012. Besoek op 12 Februarie 2012.

[1]

[2]