Transistorradio
'n Transistorradio is 'n radio-ontvanger wat transistors gebruik om die klank te versterk. Transistorradio's kan klein en goedkoop wees, en gebruik baie min elektrisiteit. Sommige kan die swakker radioseine wat nie deur radio's met vakuumbuise opgevang kan word nie opvang.
Die eerste transistorradio is op 18 Oktober 1954 deur Texas Instruments bekendgestel. Draagbare transistorradio's is vanaf die laat 1950's op groot skaal verkoop. Radio's met vakuumbuise het daarna skaars en onbekombaar geword.
Vir baie mense is 'n transistorradio sinoniem met 'n draagbare radio wat batterye gebruik. Dit is egter nie meer waar nie. Bykans alle radio's werk tans met transistors.
Musiekrevolusie
[wysig | wysig bron]Na die uitvinding van die transistor in 1947 kon duur buise met transistors vervang word, wat dit moontlik gemaak het om ligte en goedkoop radio's te vervaardig. Omdat dit boonop so min elektrisiteit benodig, kon dit met batterye aangedryf word. Die beskikbaarheid en draagbaarheid van transistorradio's het 'n revolusie in die musiekbedryf begin. Mense kon meer gereeld na musiek luister en dit nou orals saam met hulle neem. Dit gee aanleiding tot die opkoms van populêre musiek, wat saam met die ontwikkeling van die draagbare radio val.
Eksterne skakels
[wysig | wysig bron]
Wikimedia Commons het meer media in die kategorie Transistorradio.
