Upington

Upington
Dorp
Lugfoto van Upington se sentrale sakekern
Upington  Upington se ligging in Noord-Kaap
Koördinate: 28°27′22″S 21°14′7″O
Land	Suid-Afrika
Provinsie	Noord-Kaap
Distrik	ZF Mgcawu
Munisipaliteit	Dawid Kruiper
Stigting	1873
Regering
Hoogte	835 m (2 740 ft)
Bevolking  (2011)
• Totaal	74 834
Rasverdeling (2011)
• Wit mense	10.1%
• Indiërs/Asiërs	0.6%
• Bruin mense	62.6%
• Swart mense	25.6%
• Ander	1.1%
Taal (2011)
• Afrikaans	85.5%
• Xhosa	6.1%
• Tswana	3.2%
• Engels	2.1%
• Ander	3.1%
Poskode (strate)	8800
Skakelkode	054
Webwerf	www.kharahais.gov.za www.greenkalahari.co.za

Upington is 'n belangrike dorp geleë op die oewer van die Oranjerivier in die Noord-Kaap, Suid-Afrika.

Nelson Mandela-rylaan in Upington se sentrale sakekern (2016).

Geskiedenis

Upington is in 1871 as 'n klein sendingstasie deur eerwaarde Christiaan Schröder gestig. Hy het die sendingstasie "Olijvenhoutsdrift" genoem. In 1896 is dit herdoop tot Upington ter ere van sir Thomas Upington, die eerste minister van die Kaapkolonie. Die dorp het munisipale status in 1898 verkry.

Upington vandag

Vandag is Upington 'n groot dorp met 'n geskatte 101 504 inwoners in 2008, die naasgrootste nedersetting in die Noord-Kaap. Dit dien as 'n vername administratiewe sentrum van die provinsie Noord-Kaap. Upington lê in die Kalahariwoestyn, maar danksy die water van die Oranjerivier is dit 'n belangrike landbousentrum vir druiwe, koring en groente. Daarnaas is dit 'n gewilde toeristebestemming in die noordweste van Suid-Afrika.

Infrastruktuur

Die Upington-lughawe (voorheen bekend as die Pierre van Ryneveld-lughawe) is by die dorp. Die N10 en N14 nasionale paaie kruis in Upington. Die spoorverbinding tussen Suid-Afrika en Namibië loop ook deur die dorp.

Klimaat

Upington kry gewoonlik 94 mm reënval per jaar met die meeste neerslae in die herfs. As 'n reël val geen reën in Junie nie en 29 mm in Maart. Die gemiddelde middagtemperatuur is 19,8 °C in Junie en 33 °C in Januarie, gewoonlik die warmste maand van die jaar. Die koudste maand is Julie, wanneer die kwik snags tot gemiddeld 2,8 °C daal. Vroeg in Januarie 2016 is 45 °C op Upington gemeet, die hoogste temperatuur sedert 1959.

Fotogalery

• 
  Die Augrabieswaterval naby Upington.
• 
  Lughawe se aanloopbaan van 4900 m.
• 
  Upington se gholfbaan.
• 
  Uitsig vanaf "Die Eiland"-vakansieoord.

Sien ook

• Gereformeerde kerk Upington
• Lutherse kerk Upington
• Lys van dorpe in Suid-Afrika
• Kameelstandbeeld
• Donkiestandbeeld

Bronnelys

• Die Gemsbok van 1965-08-20
• World Gazetteer
• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.

Eksterne skakels

• Upington se webwerf
• //Khara Hais webwerf
• Brand verwoes NG kerksaal op Upington Geargiveer 22 Februarie 2014 op Wayback Machine