Vlag van Kirgisië

Vlag van Kirgisië

Vlag van Kirgisië
Gebruik	Nasionale vlag en vaandel
Verhouding	3:5
Goedgekeur	3 Maart 1992
Ontwerp	’n Enkele rooi baan met ’n gestileerde goue son in die middel.

Die nasionale vlag van Kirgisië is op 3 Maart 1992 amptelik in gebruik geneem. Die vlag vertoon ’n enkele rooi baan met ’n gestileerde goue son in die middel.

Simboliek

Die rooi agtergrond van die vlag stel dapperheid en moed voor, die son stel vrede en welvaart voor en die tunduk stel die gesinswoning of, deur verlenging, die heelal voor. Volgens populêre interpretasies stel die son se 40 strale die 40 Kirgisiese volke voor in hul eenheid teen die Mongole deur die epiese held Manas.

Geskiedenis

Die binnekant van ’n Kirgisiese joertdak, Tündük genoem

Sedert die Bronstydperk het Kirgisië talle vlae gehad. Met die totstandkoming van die Kanaat van Kokand het die stam sy eie nasiestaat gekry wat in 1876 deur Rusland verower is.

Onder die Russe het die gebied van Kirgisië saam met die ander Sentraal-Asiatiese Kanate die “Algemene Regering Turkestan” gevorm, wat aanleiding gegee het tot ’n Ottoman-geïnspireerde vlag. Hierdie vlag het onder andere ’n sekelmaan en ster vertoon wat daarop gedui het dat die bevolking van Turkestan hoofsaaklik van Turkse oorsprong was.

Met die ineenstorting van die Russiese Ryk in 1917 het hierdie Kanaat onafhanklikheid verkry tesame met ’n nuwe vlag, ook sterk deur die Turke beïnvloed: twee horisontale bane in rooi en blou met ’n wit sekelmaan en ster daarop. In hierdie vlag het die twee kleure gestaan vir die vermenging van die Mongole en Turke as gesamentlike erfgename van die voormalige Kara-Kirgisië.

Met die vestiging van die USSR het Kirgisië deel gevorm van die “Turkestaanse Outonome Sosialistiese Sowjetrepubliek (OSSR)” waarvan die vlag die rooi doek van die kommuniste met die skildhoek met ’n wit fraiing afgesper en die letters van die land in Arabiese skrif daarbinne.

Na die ontbinding van die Turkestaanse OSSR (1924) is die Kirgisiese OSSR gestig as deel van Rusland met Kasakstan na die noorde. Die vlag van hierdie OSSR het dié van die Russiese provinsie Turkestan geword wat ook ’n invloed op die vlag van Kasakstan gehad het.

In 1936 is die outonome Kirgisiese OSSR gestig. Hierdie vlag, wat op 31 Maart 1937 aanvaar is, was ’n eenvoudige rooi baan in die kommunistiese styl, met die landsnaam in Kirgisies en Russies daarop (КЫРГЫЗ ССР (Kirgisiese SSR) en КИРГИЗСКАЯ ССР (Kirgiskaja SSR).

Op 22 Desember 1952 is ’n weergawe van die Sowjetvlag ingestel wat bestaan uit ’n blou baan in die middel van die vlag met ’n dun wit baan in die middel daarvan: die blou het gestaan vir die Kirgisiese volk en die wit vir die sneeubedekte berge van die land. In die skildhoek was ’n hamer en sekel en rooi ster.

Ander vlae

Vorige vlae

• 
  Vlag van die Kanaat Kokand, 1709 tot 1876
• 
  Vlag van die Kanaat Kokand, tot 1876
• 
  Vlag van die Kanaat Kokand, 1917 tot 1918
• 
  Vlag van die Turkestaanse SSR, 1919 tot 1924
• 
  Vlag van die Kirgisiese ASSR, 1929 tot 1936
• 
  Vlag van die Kirgisiese SSR, 1937 tot 1940
• 
  Vlag van die Kirgisiese SSR, 1940–1952
• 
  Vlag van die Kirgisiese SSR, van 1952
• 
  Oorgangsvlag van Kirgisië, 1991

Verwante vlae

• 
  Presidensiële standaard van Kirgisië

Eksterne skakels

• (en) Kirgisië by Flags of the World.
• (en) "Flag of Kyrgyzstan". Encyclopædia Britannica. Besoek op 27 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.