Johannes Calvin
De Johannes Calvin (eigetlich Jean Cauvin (* 10. Juli 1509 z Noyon, Picardie; † 27. Mai 1564 z Gänf), isch en wichtiger Schwiizer Reformator gsi. Als französischer Glaubensflüchtling het er z Gänf gwirkt. Derte isch er zum Begründer vom Calvinismus worde, eim Zweig vo de Reformation, der i de Schwiiz zämme mit dem Zwinglianismus di reformiirti Chile bildet.
Sis Läbe
De Calvin isch de Sohn vo eme Generalprokurator vom Domkapitel z Noyon gsi. Er het z Paris zerscth Theologii un schpöter Jus gschtudiirt. Im Johr 1533 het er vo de noie Lehre vom Martin Luther ghört un het sich zu de Reformation bekannt. Doderwäge het er im Johr 1535 Frankriich müesse verlah. Zerscht isch er uf Basel cho, wo er au de Heinrich Bullinger un de Wilhelm Farel troffe het. Z Basel het er au sis bekanntischt Werk, d Institutio Christianae religionis („Unterwisig i de christliche Religion“) usegäh (1536). Noch im gliiche Johr isch er uf de Durchreis durch Gänf cho, wo en de Wilhelm Frael bäte het, z Gänf z bliibe. Er isch blibe un het e Gmeindordnig usegschaffet, wo sehr schträng isch gsi un i de Schtadt uf Widerschtand gschtosse isch. Im Johr 1538 hei sich de Farel un de Calvin gweigertet de Gmeind s Obedmohl uszteile, us Protescht gäge Neuerige, wo de Rot vo de Schtadt iigführt het. So het mer z Gänf welle es Taufbecki bruuche un bim Obedmohl Hoschtie usteile. De Farel un de Calvin hei 1538 Gänf müesse verlah un so isch de Calin 1538 us Strossburg cho, wo er e biblische Professur übercho het un französischi Glaubensflüchtling betreut het. Im 1541i het d Schtadt Gänf de Calvin uf Gänf grüeft un er isch gärn wider retour cho. De Rot het em verschproche sini Chileordnig un di strengi Chilezucht iizühre. Noch im gliiche Johr het de Calvin e noii kirchlichi Ordning gschaffe un de Gänfer Katechismus gschribe.
Weblinks
Commons: Johannes Calvin – Sammlig vo Multimediadateie
S {{{3}}}sprochig Wikiquote hät Zitat zum Thema „[[Wikiquote:Johannes Calvin:{{{2}}}|{{{2}}}]]“