Dìrrenànze

Dìrrenànze
Verwàltung
Land	Frànkrich
Region	Grand Est
Département	Haut-Rhin (68)
Arrondissement	Colmar-Ribeauvillé
Kànton	Anze
Kommünàlverbànd	Pays Rhin - Brisach
Àmtliga Nàma	Durrenentzen
Maire	Paul Bass (2014-2020)
Code Insee	68076
Poschtlaitzàhl	68320
Iiwohner
Iiwohner	1.048
Flech	6,22 km2
Bevelkerungsdicht	146,62 Iiw./km2
Làg
Koordinate	48° 05′ 33″ N, 7° 30′ 10″ E
Heche	187 m
Dìrrenànze Dìrrenànze (Frànkrich)

Dìrrenànze (IPA: [d̥ɪɾəˈnæntsə]; frazeessch Durrenentzen, hochditsch Dürrenentzen) ìsch e frànzeesche Gmein ìm Owerelsàss ìn dr Region Grand Est (bìs 2015 Region Elsàss). D Gmein ghert zem Kanton Anze un zem Arrondissement Colmar-Ribeauvillé. S Dorf isch Mitglid im interkommunale Zweckverband Pays Rhin - Brisach.

Geographi

S'Dorf lijt in dr Owerrhineweni, guet 10 km öschtlich vu Colmer un 5 km weschtlich vum Rhin.

Die durchschnittlich 187 m hoch Gmarkung wiist grad emol e Höheunterschid vu 10m uf un isch demit sehr flach. Im Norde vum Bann verläuft dr Colmer-Kanal, wo Colmer mit em Rhone-Rhin-Kanal uf dr Höchi vu Arzene verbindet. Südlich devu bi Kiene isch sälle Kanal durch e Stich mit em Rhin (Nej-Brisacher Kanal) verbunde.

Im Oschte vu dr Gmarkung befindet sich mit em nördlichschte Uslaifer vu dr Hardt e Laubholzwald. Dr greescht Deil vun dr Gmein isch awer Ackerland, u. a. mit Abau vun Welschkorn (Mais).

Gschicht

Dr Ort lijt öschtlich vu ere alde Reemerstross (Heidesträssel gnennt) un us dr römische Zit sin einigi Fund bekannt, wo mer hit im gallo-römische Museum z'Biese aluege ka.

Dìrrenànze wird erscht relativ spot um 1300 als Einsinsheim erwähnt, 1456 no als Dürren Enszheim, wobi dr Namme uf e drucheni, wasserarmi Gegend aspilt.

Dr Ort isch vum 15. Johrhundert bis zue dr franzeesche Revolution 1789 unter wirdebàrigscher Herrschaft gsin, trotz dr Zuegheerigkeit zue Frankrich scho ab em End vum 17. Johrhundert. Wil z'Wirdebàrig d' Reformation durchgfüehrt worre isch, isch au Dìrrenànze evangelisch worre. Au hit no iwerwigt im Ort die evangelisch Konfession gegeniwer dr katholische ditlich.

Vun 1871 bìs 1918 hàt d Gmein zem ditsche Richslànd Elsàss-Lothringe ghert.

Verwàltung

Dr Maire vun Dìrrenànze ìsch dr Paul Bass. Dìrrenànze ghert zem Kommünàlverbànd Pays Rhin - Brisach.

Bevölkerung

S'Dorf het mittlerwili iwer 900 Inwohner, wobi d'Bevölkerung sit 1990 e starche Astig erfahre het. Örtlichi Regionalsproch isch Elsàsserditsch. S'git äu numme e elsàsserditschi Bezeichnung fier d'Inwohner, nämlig Dìrrenànzemer, e franzeesche isch nit bekannt.

D'Bevölkerung het sich in dr 45 Johre zwische 1962 und 2006 fascht verdreifacht. An dr drei Dorfingäng sin in mehrere Phase Nejbaugebite usgwise worre, z'erscht im Zug vu dr Asidlung vu Industri in dr Region Biese-Küene (Aluminium, Papier un Kartonage), später no in Folg vu ere Stadtflucht us dr Region Colmer ins Umland.

Bevelkerungsentwìcklung

Johr	1962	1968	1975	1982	1990	1999	2007
Inwohner	327	342	427	567	584	689	892

Sehenswirdigkeite un Denkmoler

E Bsunderheit isch die architektonisch nit bsunders Dorfkìrech insofern, wil noochdem Dìrrenànze bi witter wirdebàrigscher (un demit evangelischer) Hoheit unter franzeeschi (un demit katholischi) Oberhoheit kumme isch, d'Franzose 1687 agordnet hän, dass d'Kìrech e Simultaneum bildet un sither abwexelnd fier evangelische un katholischi Gottesdienschte gnutzt wird. Insgsamt hän guet 50 elsässischi Dörfer sonigi Simultankìreche.

Kirche St. Blasius

Weblink

•  Commons: Durrenentzen – Sammlig vo Multimediadateie
• Internetuftritt vum Brisàcher Land