Damiano Cunego

Damiano Cunego
	Dr Damiano Cunego bim Giro d’Italia 2006
Personedate
Geburtsdatum	19. Septämber 1981
Nation	Italie
Disziplin	Strooss
Fahrertyp	Allrounder
Team
Aktuells Team	Lampre
Funktion	Fahrer
Veräin / Ränngmäinschaft(e)
1997 - 2001	Zalf/Fior U23
Internationali Team
2002 - 2004; 2005 -	Team Saeco; Lampre
Wichtigsti Erfolg
	Giro d’Italia Gwünner Giro d’Italia 2004 4 Etappe Tour de France Best Nochwuchsfahrer Tour de France 2006 Vuelta a España 2 Etappe Amstel Gold Race 2008; Giro di Lombardia 2004, 2007, 2008
	Infobox zletzt aktualisiert: 3. September 2010

Dr Damiano Cunego (* 19. September 1981 z Verona) isch en italiänische Velorennfahrer.

Karriere

1997–2001

Dr Cunego het mit sächzähni mit Velorenne aagfange. Drei Johr spöter isch er in siner Heimetstadt Verona 1999 Juniore-Stroossewältmeister worde. Vo denn aa het en d Press hüfig as «dr neu Pantani» bezeichnet.

2002–2004

2002 isch dr Cunego Profi worde und het 2004 als Fahrer vom italiänische Team Saeco zerst d Trentino- und denn d Apennine-Rundfahrt gwunne. E baar Wuche druf het er bim Giro d’Italia vier Etappene gwunne und isch Gsamterste worde, au wenn er eigentlig as Hälfer vo sim Teamkolleg Gilberto Simoni, wo d Giro schio zweimol gwunne gha het hätt sötte fahre. Am Ändi vo dr Saison het er d Lombardei-Rundfahrt gwunne und isch eso dr erst Fahrer sit em Laurent Jalabert 1995, wo im gliiche Johr eini vo de groosse drei Toure und eine vo de Eidag-Klassiker het chönne gwünne. Am Ändi vo 2004 isch dr Cunego Erste in dr letschte konventionelle UCI-Wältrangliste gsi.

2005

Im Johr 2005 isch dr Cunego für s Team Lampre-Caffita gfahre. Bim Giro d’Italia het er am Pfeiffersche Drüesefieber glitte und isch nume Achzähnte worde. Bi dr Tour de France het er denn gar nid mitgmacht wäge dr Chranket.

2006

2006 isch dr Cunego dr Kapitän vo Lampre-Fondital (früehner Lampre-Caffita) worde und isch bim Giro d’Italia mit 18:16 Minute Rückstand uf e Siiger Ivan Basso Vierte worde. Bi dr Tour de France het er s Wisse Liibli as beste Nochwuchsfahrer gwunne und isch im Gsamrklassemänt Zwölfte gsi. Mitte August 2006 beendete Cunego seine Saison da er mit Giro und Tour insgesamt schon über 6000 km in den Beinen hatte.

2007

Bim Giro d’Italia isch dr Cunego uf e fümft Blatz cho mit 3:49 Minute Rückstand uf dr Siiger, Danilo Di Luca vo Liquigas und bi dr Tour de Suisse isch er am Ändi Fümfte mit 1:41 Rückstand uf e Siiger Wladimir Karpez vo Caisse d’Epargne worde.

D Dütschland Tour het er as Vorbereitig uf d Vuelta aagfange, het s aber vorzitig abbroche. Bi dr Vuelta a España het er aber Bäch gha, isch scho in dr erste Etappe schwer gstürzt und het s Renne noch fufzäh Etappe ufgee. Bim letschte Renne vo dr Saison, dr prestigiöse Lombardei-Rundfahrt het er denn aber er si Form mit eme Siig im Sprint gegen e Riccardo Ricco chönne bewiise.

2008

Bim Amstel Gold Race het dr Cunego vor em Frank Schleck im Sprint gwunne und isch drei Däg druf bim Wallonische Pfiil uf e dritt Blatz cho, aber bim Liège-Bastogne-Liège isch er numme Drissigste worde.

Uf e Giro d’Italia het er säll Johr verzichtet und sich uf d Tour de France konzentriert. Dört het er aber mehreri Stürz gha, het noch dr 18. Etappe s Renne ufgee und het wäge sine Verletzige au bi de Olympische Spiil z Peking nid chönne mitmache. Er het sich aber wider erholt und bi de Wältmeisterschafte Ändi Septämber isch er hinder sim Teamkolleg und Landsmann Alessandro Ballan Vizewältmeister im Stroosserenne und denn no Erste bi dr Lombardei-Rundfahrt worde.