Duško Gojković

Dä Dušan „Duško“ Gojković, Künschtlername: Dusko Goykovich (* 14. Oktober 1931 in Jajce, Königriich Jugoslawie, hüt Bosnie-Herzegowina; † 5. April 2023 in Münche), isch en serbische Jazz-Trumpeter und -Flügelhornischt, Arrangeur und Bandschef gsi.

Läbe und Würke

Dä Gojković het nach sinere Uusbildig a de Musikschuel in Belgrad vo 1951 bis 1955 em det asässige Rundfunk-Tanzorcheschter aghört. Nach churzer Ziit bi de Frankfurt All Stars isch er 1956 zum Max Greger und 1957 zum Kurt Edelhagen gange. Nacheme erschten Uufenthalt i de USA am Newport Jazz Festival 1958 mit de International Youth Band vom Marshall Brown het er 1959 bim Albert Mangelsdorff bzw. bim Jazzensemble vom Hessischen Rundfunks gschaffet und het ab 1960 wieder i de Bigbands vom Edelhagen, vom Herb Pomeroy, vom Maynard Ferguson und em Woody Herman gspielt, lediglich unterbroche vomene Studium am Berklee College of Music in Boston ab 1961. Er isch 1966 nach Düütschland zruggkehrt und hed in Köln sis International Quintet gründet. 1967 isch er de Leiter vode Jazzcombo i dä Third Stream-Oper The Visitation vom Gunther Schuller gsie, wo a dä Hamburgische Staatsoper und dä Metropolitan Opera vo New York uufgefüehrt worden isch. Ab 1968 isch er in Münche als Solist u. a. i dä Kenny Clarke-Francy Boland-Band, bim Heinz von Hermann, bim Peter Herbolzheimer, bi dä George Gruntz Concert Jazz Band, em Joe Haider und em Nicolas Simion und als Leiter vo eigene Formatione (u. a. Soul Connection) aktiv gsie. S‘letschte Konzert het er churz vorem erschte Corona-Lockdown, im Februar 2020, gäh.

2004 het er mit änere internationale All Star Big Band in Belgrad sini CD A Handful of Soul uufgnoh. Sis Album Samba Tzigane isch 2006 erschine. Aalässlich vo sim 75. Geburtstag het in Belgrad es grosses Konzert zu sine Ehre stattgfunde. Sis letschte Album RE:BOP het er 2018 im Alter vo 84 Jahr alässlich vomene Live-Konzert ufgnoh.

Diskographischi Hiiwis

Dusko Goykovich International Jazz Octet with Kenny Clarke (1961, mit Francy Boland, Heinz Kretzschmar, Kurt „Bubi“ Aderhold, Derek Humble, Karl Drewo, Jean Warland)
Belgrade Blues (RTB (Produkcija gramofonskih plocha Radio-televizije Beograd) 1966, mit Sal Nistico und Carl Fontana)
Swinging Macedonia (Enja 1966, mit Nathan Davis, Eddie Busnello, Mal Waldron, Peter Trunk, Cees See)
As Simple As It Is – Live at the Domicile Munich (Musik Produktion Schwarzwald 1970, mit Ferdinand Povel, Larry Vuckovich, Isla Eckinger, Clarence Becton)
Emergency: Emergency (1971, u. a. mit Hanus Berka)
After Hours (Enja 1971, mit Tete Montoliu, Rob Langereis, Joe Nay)
Dusko Goykovich & Roland Kovac Wunderhorn (Selected Sound, 1977)
Dusko Goykovich & Branislav Kovačev Trumpets & Rhythm Unit (1979, mit Pero Ugrin, Stjepko Gut, Ladislav Fidri, Bora Roković, Kresimir Rameta)
Celebration (DIW, 1987) mit Kenny Drew, Jimmy Woode, Al Levitt
Balkan Blue (mit Wolfgang Schlüter, Bora Roković, František Uhlíř, Bruno Castellucci und NDR-Philharmonie bzw. Gianni Basso, Peter Michelich, Martin Gjakonovski, Kruno Levacicu) 1992/1994
Dusko Goykovich Soul Connection (mit Jimmy Heath, Tommy Flanagan, Eddie Gomez, Mickey Roker, 1993)
Dusko Goykovich & Gianni Basso Quartet Live at Birdland (1995, mit Peter Michelich, Alvin Queen, Luigi Trussardi)
In My Dreams (2000, mit Bob Degen, Isla Eckinger, Jarrod Cagwin)
Samba Tzigane (2006, mit Ferenc Snétberger, Márcio Tubino, Céline Rudolph, Martin Gjakonovski, Jarrod Cagwin)
Summit Octet (2008)
Tight But Loose (Organic Music 9757 - 2011) mit Scott Hamilton
The Brandenburg Concert (ENJ-9606 2 - 2013)
Duško Gojković & Big Bend RTS feat. Martin Gjakonovski Latin Haze (418815 SOKOJ - 2014) (Nur in Serbie erschiene)
RE:BOP (Enja 2018, mitem Jesse Davis, em Dado Moroni, em Mads Vinding und em Alvin Queen)

Uuszeichnige

1998 Schwabinger Kunstpreis
2014 ECHO Jazz für sis Läbeswerch
2015 Münchner Musikpriis für sini heruusragende Gsamtleischtige

Lexikalischi Iiträg

Wolf Kampmann Reclams Jazzlexikon Stuttgart 2003
Martin Kunzler Jazz-Lexikon Bd. 1 Reinbek 2002

Weblinks