Die italiäänisch Nazionaalmannnschaft im Schutte

Itaalie
Italia

Spitznäme	Squadra Azzurra Gli Azzurri La Nazionale
Verband	Federazione Italiana Giuoco Calcio
Konföderation	UEFA
Technische Sponsor	Adidas
Trainer	Roberto Mancini
Co-Trainer	Daniele De Rossi Alberico Evani Attilio Lombardo Giulio Nuciari Fausto Salsano
Kapitän	Leonardo Bonucci
Rekordtorschütz	Luigi Riva
Rekordspiiler	Gianluigi Buffon
FIFA-Code	ITA
FIFA-Rang	13. (1607 Pünkt) (Stand: 11. Juni 2020)
Erstes Trikot Zweites Trikot
Bilanz
857 Spiil 456 Siig 235 Unentschiide 166 Niiderlage
Statistik
Erschts Länderspiil Italien 1861 Italien 6:2 Frankriich Dritte Französische Republik (Mailand, Itaalie; 15. Mai 1910)
Höchste Siig Italien Italie 9:0 USA Vereinigte Staaten 48 (Brentford, Ängland; 2. August 1948)
Höchsti Niiderlag Ungarn 1918 Ungarn 7:1 Itaalie Italien 1861 (Budapest, Ungarn; 6. April 1924)
Erfolg bi Turnier
Weltmeisterschaft
Endrundenteilnahmen	18 (Ersti: 1934)
Besti Ergebnis	Wältmäister 1934, 1938, 1982, 2006
Europameisterschaft
Endrundeteilnahme	10 (Erste: 1968)
Besti Ergebnis	Europamäister 1968, 2021
Konföderatione-Pokal
Endrundeteilnahme	2 (Erste: 2009)
Besti Ergebnis	Dritte Konföderazioone-Pokaal 2013
Olympischi Spiil
Bronsse	1928
Gold	1936
(Stand: 14. Juni 2022)

Die italiäänisch Nazionaalmannnschaft im Schutte (italienisch Nazionale di calcio dell’Italia) vo de Manne isch d Uswaalmannschaft vom italiäänische Fuessballverband Federazione Italiana Giuoco Calcio (FIGC). Dr Mannschaft säit mä au Squadra Azzurra, Gli Azzurri oder La Nazionale und si wird vom Commissario Tecnico, em Nazionaaldreener gläitet. Si spiilt uf dr internazionaale Eebeni bi Länderspiil gege anderi nazionaali Verbänd.

Die italiäänischi Mannschaft het vier Wältmäisterdiddel (1934, 1938, 1982 und 2006) gwunne, zwäi Öiropamäisterdiddel (1968 und 2021), zwäi Erfolg im Öiropapokaal vo de Fuessball-Nazionaalmannschafte (1927–1930, 1933–1935) und äi Olympiasiig (1936) und isch äini vo de erfolgriichste Nazionaalmannschafte im Schutte. In dr FIFA-Wältrangliste vom Februar 2022 isch Italie uf em säggste Blatz gsi.

Sit 2018

Under em Interimsdreener Luigi Di Biagio het Itaalie 0:2 gege Argentinie verloore und unentschiide 1:1 gege Ängland. Im Summer 2018 het dr Buffon si ändgültige Rückdritt us dr Nazionaalmannschaft ewrkläärt. Dr Roberto Mancini isch dr nöi Dreener worde. Im erste Spiil under em Mancini het Itaalie am 28. Mai 2018 im e Testspiil z Sanggalle 2:1 gege Saudi-Araabie gwunne, und drei Daag spööter z Nizza 1:3 gege dr spööter Wältmäister Frankriich. Drei Daag druf het si z Turin en 1:1 Unentschiide gege d Niderland uusegspiilt. Im Septämber 2018 het d UEFA Nations League aagfange, und Itaalie isch in ere Grubbe mit Poole und Portugal gsi und isch uf em zwäit Blatz choo.

Für d Öiropamäisterschaft 2021 het sich Itaalie noch Belgie as zwäiti Mannschaft für d Ändrunde kwalifiziert.

D Posizioone im Finaal vo dr Öiropamäisterschaft 2021

Die Nationalmannschaft mit der Siegertrophäe der Europameisterschaft 2021 beim Treffen mit dem Staatspräsidenten Sergio Mattarella in Rom (2021)

Im erste Spiil z Rom het Itaalie gege d Türkei mit 3:0 gwunne, im zwäite Spiil 3:0 gege d Schwiz und im dritte Spiil 1:0 gege Wales. Im Achtelfinaal mit eme 2:1 n. V. Siig gege Ööstriich häi sich d Azzuri für e Vierdelfinaal kwalifiziert, und z Münche mit 2:1 gege Belgie gwunne. Im Halbfinaal gege Spanie häi si e Benaltischiesse brucht und si mit 4:2 witerchoo. Im Finaal am 11. Juli 2021 im Wembley-Stadion isch s gege Ängland noch 120 Minuute 1:1 gstande und noch de Benalty isch Itaalie mit 3:2 zum zwäite Mol noch 1968 zum öiropääische Tschampion kröönt worde.

In dr Kwalifikazioonsrunde für d Wältmäisterschaft 2022 het d Squadra Azzurra gege Nordirland, Litaue, Bulgarie und d Schwiz gspiilt und in d Play-offs gege Nordmazedonie müesse. Das Spiil häi si z Palermo mit 0:1 verloore, und häi wider emol e Wältmäisterschaft verbasst.