Location via proxy:   [ UP ]  
[Report a bug]   [Manage cookies]                
Zum Inhalt springen

La Faute-sur-Mer

Us der alemannische Wikipedia, der freie Dialäkt-Enzyklopedy
La Faute-sur-Mer
La Faute-sur-Mer (Frankreich)
La Faute-sur-Mer (Frankreich)
La Faute-sur-Mer
La Faute-sur-Mer
Staat Frankreich
Region Pays de la Loire
Département Vendée
Arrondissement Les Sables-d’Olonne
Gmein L’Aiguillon-la-Presqu’île
Koordinaten 46° 20′ N, 1° 19′ WKoordinate: 46° 20′ N, 1° 19′ W
Boschtleitzàhl 85460
Ehemaliger INSEE-Code 85307
Ingmeindung 1. Januar 2022
Status Commune déléguée

a Schtrànd z’ La Faute-sur-Mer

Vorlage:Infobox Ortsteil einer Gemeinde in Frankreich/Wartung/abweichendes Wappen in Wikidata

Dialäkt: Mìlhüüserdiitsch

La Faute-sur-Mer LL-Q150 (fra)-Mathieu Kappler-La Faute-sur-Mer.wav [la fot syʁ mɛʁ](info) (ìm lokààla Poitevin-Dialäkt La Fàute [la fˈaʊt])[1] ìsch a ehamooliga frànzeescha Gmainda mìt 693 Iiwoohner (Schtànd: 1. Januar 2020) ìm Département Vendée ìn dr Regioon Pays de la Loire. Sa hàt zem Arrondissement Les Sables-d’Olonne un zem Kàntoon Mareuil-sur-Lay-Dissais gheert.

Àm 1. Janner 2022 ìsch La Faute-sur-Mer zamma mìt L’Aiguillon-sur-Mer füsionart worra, fìr d’ näija Gmainda L’Aiguillon-la-Presqu’île bìlda. Zitterhar besìtza d’ friahjera Gmainda dr Schtàtüs vun delegiarta Gmainda.[2]

Geogràfii

[ändere | Quälltäxt bearbeite]

La Faute-sur-Mer lììgt uff’ma schmààla Kìschtaschtraifa-n-àm süüdliga Rànd vum Département Vendée — ’s ìsch àlso a Hàlbìnsla àn dr Kìschta vum Àtlàntik. S’ Dorf lììgt äbba 38 Kilomääter süüdäschtlig vu La Roche-sur-Yon un 23 Kilomääter nordwäschtlig vu La Rochelle. S’ Gebiat gheert zem Regionààla Nàtüürpàrk Marais Poitevin.

Umgaa wìrd La Faute-sur-Mer vu da Nochbergmainda un vu dr Commune déléguée:

La Tranche-sur-Mer Grues
Àtlàntik L’Aiguillon-sur-Mer
Commune déléguée
Àtlàntik Àtlàntik Àtlàntik

Ìm Wäschta vum Dorf ìsch a 8 km lànger Sàndschtrànd, mìt’m FKK-Beraich Pointe d’Arçay gànz ìm Süüda.[3] Ìm Oschta granzt La Faute-sur-Mer àn dr Fluss Lay, wo dr Ort vum klaina Hààfa vu L’Aiguillon-sur-Mer trännt. Zwai Brìcka verbìnda d’ baida Derfer vun L’Aiguillon-la-Presqu’île – aina Brucka ìsch fìr d’ Füassganger, d’ àndra fìr d’ Wààga.

D’ Ortschàft känna m’r ìn dräi Gebiater untertaila:

  • ìm Süüda-n-ìsch s’ Schutzgebiat Pointe d'Arçay mìt Sàndbuckel un Kiafer, wu vììla Veegel kumma ku ìwwerwìntra un rüahja;
  • ìn dr Mìtta-n-ìsch s’ Dorfzäntrum;
  • ìm Norda sìnn làndwìrtschàftliga Flächa un s’ Ìnnermeer Belle-Henriette. Ìm Àuigscht 2011 ìsch s’ Schutzgebiat Casse de la Belle Henriette ärschtällt worra, wo Tail vum Regionààla Nàtüürpàrk Marais Poitevin ìsch. S’ Gebiat hàt a Flächa vu 337 Häktààra, drunter 200 Häktààra Ìnnermeer. Ìm Gebiat sìnn 360 Pflànza-n-àrta un 195 Voogelàrta z’ fìnda.[4]

S’ Ortsgebiat vu La Faute-sur-Mer ìsch äbba 726 Häktààra grooss. D’ durschnìttliga Heecha ìsch um 3 Määter glaaga — d’ Heecha schwànka zwìscha 0 un 17 Määter ìwwer’m Meer.[5][6]

Gschìchta

[ändere | Quälltäxt bearbeite]

Àm 28. Hornung 2010 ìsch La Faute-sur-Mer aina vu da wäschtfrànzeescha Gmainda gsìì, wo àm schtärkschta vum Orkàn Xynthia betroffa worra-n-ìsch. Ìn da Hiiser sìnn bis zwaiaihàlb Määter Wàsser gsìì.[7] Ìn dr Gmainda sìnn 29 Litt gschtoorwa. Noh-n-em Orkàn hàt dr Prefäkt vum Département Vendée a „Schwàrza Zoona“ ärschtällt mìt 674 Hiiser, wo àbgrìssa wara solla — d’ Aigatìmmer solla vu da Versìcherungskàssa un vum Schtààt vergiata worra.[7] Vììla Iiwoohner hann dr Bìrgermaischter René Marratier veràntwortlig gmàcht,[8][9] wial’r d’ Ìwwerschwämmungsrisiko unterschätzt hatt. Mehr àss 100 Iiwooher hann a Klààg iigraicht, fìr àss a Ärmìttlungsverfààhra-n-ìwwer d’ Behàndlung vum Ìwwerschwämmungsrisiko dur d’ Schtàdtverwàltung gäffnet wìrd.[10]

Dr Prozass hàt àm 15. Septamber 2014 z’ Les Sables-d’Olonnes ààgfànga. Àm 12. Dezamber 2014 hàt d’ Schtroofkàmmer vum Ziwilgrìcht vu Les Sables-d’Olonnes dr ehamooliga Bìrgermaischter René Marratier züa viar Joohra Gfangniss un 30.000 Öiro Galdschtroof verurtailt. D’ ehamooliga schtällvertrattanda Bìrgermaischtera Françoise Babin ìsch züa zwai Joohra Gfangniss un 75.000 Öiro Galdschtroof verurtailt worra. Domìt sìnn zem äärschta Mol Politiker waaga Fàhrlassigkait züa Gfangniss ohna Bewaahrung verurtailt worra.[11][12] Noh-n-em Prozass ìn Àppall ìm Àwrìl 2016 ìsch dr Marratier züa zwai Joohra Gfangniss uff Bewaahrung verurtailt worra.[13] Ìm Mai 2018 ìsch hàt àwwer s’ Ziwiilgrìcht vu Les Sables-d’Olonnes gsajt, àss dr Marratier nìt d’ Opfer vu dr Kàtaschtroofa vergiata müass.[14]

Noh-n-em Orkàn ìsch uff 80 Prozant vum Gmaindabooda jeener Bàui verbotta worra. Ainiga Iiwoohner hann jedoch d’rgeega protäschtiart, un ìm Janner 2015 ìsch dia Mààsnàhma vum Verwàltungsgrìcht ruckgangig gmàcht worra.[15]

Fìmf Joohr noh dr Kataschtroofa, àm Ààfàngsjoohr 2015 ìsch hàt d’ Gmainda numma 730 Iiwoohner zeehlt (geega 1000 vor dr Kàtàschtroofa). 600 Hiiser sìnn àbgrìssa worra (dàs ìsch äbba 20 Prozant vum Gmaindabooda), un d’ Gschäft hann 25 Prozant Umsàtz verloora.[15]

Ànna 2014 ìsch z’ La Faute-sur-Mer a Dankmool ärrìchta worra, fìr d’ Opfer vum Orkàn Xynthia eehra.[16][17]

Äntwìcklung vu dr Beväälkerung

[ändere | Quälltäxt bearbeite]
Joohr 1962 1968 1975 1982 1990 1999 2008 2018
Iiwoohner 536 587 698 693 885 905 1.001 664
Kwalla: Cassini un INSEE

Lüag àui

[ändere | Quälltäxt bearbeite]

Weblìnks

[ändere | Quälltäxt bearbeite]
 Commons: La Faute-sur-Mer – Sammlig vo Multimediadateie

Ainzelnoohwiisa

[ändere | Quälltäxt bearbeite]
  1. ↑ Jean-Loïc Le Quellec: Dictionnaire des noms de lieux de la Vendée (= Geste Poche. Band 14). 3. Auflage. Geste Éditions, La Crèche 2006, ISBN 2-84561-263-X, S. 137 (französisch, Erstausgabe: 1995).
  2. ↑ Recueil des actes administratifs n° 186-Décembre 2021. (PDF) (Nicht mehr online verfügbar.) Département Vendée, 10. Dezember 2021, S. 66–68, archiviert vom Original am 30. Dezember 2022; abgruefen am 6. August 2023 (französisch).
  3. ↑ FKK für alle und in jedem Alter. Främdaverkehrsàmt Sud Vendée Littoral, abgruefen am 6. August 2023.
  4. ↑ Réserve naturelle nationale de la Casse de la Belle Henriette. Prefäktüür vum Département Vendée, archiviert vom Original am 6. August 2023; abgruefen am 6. August 2023 (französisch).
  5. ↑ Commune 4044. In: base de données de l’Institut national de l’information géographique et forestière (IGN) sur les communes de la France métropolitaine (Hrsg.): Géofla. Band 2.2, 2016 (ign.fr).
  6. ↑ fichier de l’Institut national de l’information géographique et forestière (IGN) sur les communes de la Métropole (Hrsg.): La Faute-sur-Mer. Répertoire géographique des communes. 2015.
  7. ↑ 7,0 7,1 Rudolf Balmer: Folgen des Baubooms in Frankreich: Schwarze Zone, rote Wut. In: taz.de. 23. Dezember 2010, archiviert vom Original am 5. Juli 2022; abgruefen am 6. August 2023.
  8. ↑ Rudolf Balmer: Die Zukunft wird auf Sand gebaut. In: Näija Zürcher Zittung. 13. Januar 2011, abgruefen am 6. August 2023.
  9. ↑ Xynthia à la Faute-sur-Mer: un an après, douleur et rancoeur des familles. In: Le Point. 6. März 2011, abgruefen am 6. August 2023 (französisch).
  10. ↑ Emilie Cailleau: Interview. Xynthia: "Porter plainte est le seul moyen de comprendre ce qui s'est passé". In: L’Express. 3. Mai 2010, abgruefen am 6. August 2023 (französisch).
  11. ↑ rls/dpa/AFP: Französischer Bürgermeister muss nach Flutkatastrophe ins Gefängnis. In: Der Spiegel. 12. Dezember 2014, archiviert vom Original am 8. Januar 2015; abgruefen am 6. August 2023.
  12. ↑ Procès Xynthia : quatre et deux ans de prison pour l'ancien maire et son adjointe. In: Le Parisien. 12. Dezember 2014, archiviert vom Original am 22. Juli 2021; abgruefen am 6. August 2023 (französisch).
  13. ↑ zamma mìt dr AFP un Reuters: Xynthia : l’ancien maire de La Faute-sur-Mer condamné à deux ans de prison avec sursis. In: Le Monde. 4. April 2016, archiviert vom Original am 17. August 2022; abgruefen am 6. August 2023 (französisch).
  14. ↑ Tempête Xynthia : l’ancien maire de la Faute-sur-Mer relaxé au civil. In: Le Parisien. 2. Mai 2018, archiviert vom Original am 3. Dezember 2022; abgruefen am 8. Juni 2023 (französisch).
  15. ↑ 15,0 15,1 Angélique Négroni: Cinq ans après Xynthia, La Faute-sur-Mer se meurt. 27. Februar 2015, archiviert vom Original am 19. Januar 2022; abgruefen am 8. Juni 2023 (französisch).
  16. ↑ VIDEO. La Faute-sur-Mer : un mémorial aux victimes de la tempête Xynthia. In: Le Parisien. 2. März 2014, archiviert vom Original am 9. März 2018; abgruefen am 6. August 2023 (französisch).
  17. ↑ Tempête Xynthia : un mémorial en mémoire des victimes. In: La Charente libre. 2. März 2014, archiviert vom Original am 6. August 2023; abgruefen am 6. August 2023 (französisch).


Dä Artikel basiert uff ere fräie Übersetzig vu dere Version vum Artikel „La_Faute-sur-Mer“ vu de französische Wikipedia. E Liste vu de Autore un Versione isch do z finde.
Dä Artikel basiert uff ere fräie Übersetzig vu dere Version vum Artikel „La_Faute-sur-Mer“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=La_Faute-sur-Mer&oldid=1050425"