Location via proxy:   [ UP ]  
[Report a bug]   [Manage cookies]                
Zum Inhalt springen

Lena Meyer-Landrut

Us der alemannische Wikipedia, der freie Dialäkt-Enzyklopedy
d Lena Meyer-Landrut, 2015

D Lena Meyer-Landrut (* 23. Mai 1991[1] z Hannover) isch e dytschi Sängeri, wu unter em Chinschtlernamme Lena ufdritt. Si het mit em Lied Satellite.am 29. Mai 2010 z Oslo dr Eurovision Song Contest gwunne. Bekannt wore isch si as Deilnämmeri un Gwinneri vum dytsche Vorentscheid Unser Star für Oslo.

Läbe

[ändere | Quälltäxt bearbeite]
D Lena Meyer-Landrut uf dr Prässekumferänz noch em Eurovision Song Contest 2010

D Lena Meyer-Landrut isch vum Vater syre Syte här e Änkelchind vum dytsche Diplomat Andreas Meyer-Landrut.[2][3] Si isch as Einzelchind ufgwagse bi dr Mueter im hannoversche Stadtbezirk Misburg-Anderten.[4] Ihre Vater Ladislas Meyer-Landrut het dr Familie verloo, wu d Lena zwei Johr alt gsi isch.[5] Si isch uf di Integriert Gsamtschuel Roderbruch Hannover gange.[6] Scho im Alter vu fimf Johr het si aagfange mit Danze. No Ballett un Jazz Dance het sich d Meyer-Landrut em Show Dance zuegwändet, wu us Elemänt us em Hip-Hop, em Jazz- un em Uusdruckdanz bstoht.[7] Derzue het si Gfalle am Gsang gfunde. Anne 2007 het si mit eme Schuelfrynd s Musikduo „Stenorette 2080“ bildet, wu si noch em Diktierrät gnäntn hän, wu si ihri ersche beider sälber gschribene Lieder gnännt gha hän.[8] As musikalischi Vorbilder nännt si unter anderem Clueso, Adele, Kate Nash, Vanessa Carlton un di dytsch Popgruppe Wir sind Helden.[7]

Iber s Privatläbe vu dr Meyer-Landrut weiß mer wenig. Uf Froge zue däm Thema in Interviews git, ähnlig wie ihre Entdecker, dr Stefan Raab, sälte Antwort[9][10][11].

An ihre Ufenthalt z Taizé im Summer 2008[12] mahnt e Taizéchryz, wu si als as Halschette drait.

D Meyer-Landrut het 2009 vor ihre Gsangskarriere in dr Färnsehserie K11 – Kommissare im Einsatz, Helfen Sie mir! un Richter Alexander Hold as Komparsi mitgwirkt.[13]

Unser Star für Oslo

[ändere | Quälltäxt bearbeite]

Im Spotjohr 2009[14] het si sich beworbe fir d Castingshow Unser Star für Oslo, dr dytsche Vorentscheid zum Eurovision Song Contest 2010, wu vu dr ARD un ProSieben uusgrichtet woren isch, un het s vu iber 4500 Kandidate as eini vu 20 gschafft zuen eme Ufdritt bi dr beide erschte Färnsehshows. Wu si no ihre Motivation gfrogt woren isch, het si gsait:[3]

„Ich bii ne Mänsch, wu sich gärn uusbrobiert. Ich haa welle sähne, wien i aachumm, un here, was d Lyt derzue sage, wu Ahnig hän. Ich cha mi sälber gar nit yyschetze.“

Noch em erschte Ufdritt mit em Song My Same vu dr britische Soul- un Jazzsängeri Adele het di dertemol 18-jährig Schueleri, wu dervor no nie brofässionälle Gsangsunterricht gha het,[15] großes Lob vu dr Jurore um dr Veraastalter Stefan Raab iberchuu. D Orginalfassig vum Song het sich– glyych wie s speter vun ere gsunge New Shoes vum Paolo Nutini – erscht no ihrem Castingshow-Ufdritt in dr dytsche Singlecharts blatziert.[16] Auch in dr Kate Nash ihre Foundations, Neopolitan Dreams vu dr Lisa Mitchell un em Jason Mraz syy Mr. Curiosity sin no dr Interpretation vu dr Lena Meyer-Landruts in dr Färnsehshow in di dytsche Singlecharts retuurchuu.[17][18][19] D Kate Nash, wu d Lena zwee titel vun ere interpretiert het, isch in eme Interview iberrascht gsi iber d Songuuswahl, wu fir e Castingshow uugwehnlig gsi isch („It was really weird, when someone showed me.“), un het dr Lena ihre Foundations-Interpretation „seli sieß“ gnännt.[20]

Scho vor em Final het d Meyer-Landrut as Favoriti gulte[21] un isch in Online-Abstimmige dytli vorne gläge.[22] Si het dr Vorentscheid gwunne geg di glychtaltrig Schueleri Jennifer Braun vu Eltville mit em Lied Satellite, wu extra fir dr Wettbewärb gschribe woren isch. Si isch no dr Wyn Hoop 1960 di zwot dytsch Verdrätteri vu Hannover gsi.[23]

Ufdritt bi "Unser Star für Oslo"

[ändere | Quälltäxt bearbeite]
Show Lied Originalinterpret
1. Uusscheidigsshow My Same Adele
3. Uusscheidigsshow Diamond Dave The Bird and the Bee
4. Uusscheidigsshow Foundations Kate Nash
5. Uusscheidigsshow New Shoes Paolo Nutini
6. Uusscheidigsshow (Viertelfinal) Mouthwash Kate Nash
Neopolitan Dreams Lisa Mitchell
7. Uusscheidigsshow (Halbfinal) Mr. Curiosity Jason Mraz
The Lovecats The Cure
8. Uusscheidigsshow (Final) Bee dervor nit vereffentligt
Satellite
Love Me

Love Me isch vu dr Meyer-Landrut sälber textet un vum Stefan Raab fir si kumpeniert wore.[24] Dergege sin d Titel Bee un Satellite scho dervor us 300 Kumpositione fir d Finalshow uusgwehlt un dert vu dr Mitkunkeränti vu dr Meyer-Landrut, dr Jennifer Braun, glychfalls interpretiert wore.

Noch em Gwinn der Vorentscheidung

[ändere | Quälltäxt bearbeite]

Ei Dag noch em Siig bi Unser Star für Oslo isch d Lena Meyer-Landrut mit dr Finalsong Satellite, Bee un Love Me as erschti dytschi Sängeri[25] uf dr erschte drej Blätz vu große Download-Portal wie iTunes un Musicload gläge.[26] Glyyzytig het si mit dr Singles e Verchaufsrekord ufgstellt. As erschti Interpreti syt dr Yyfierig vu dr dytsche Charts 1959 het si sofort drej Titel in dr Top fimf vu dr dytsche Single-Charts chenne blatziere.[27]

Unter em Bihniname „Lena“ het d Meyer-Landrut am 7. Mai 2010 ihre Debütalbum My Cassette Player vereffentligt .[28] S isch diräkt uf Blatz eis vu dr dytsche Charts yygstige.

Siig bim Eurovision Song Contest

[ändere | Quälltäxt bearbeite]

As Verdrätteri vu eim vu dr vier Sponsore isch d Lena Meyer-Landrut diräkt fir s Final vum Eurovision Song Contest 2010 qualifiziert gsi. Iber e Wildcard, wu Dytschland zueglost woren isch, het dr NDR bis 25 Deilnämmerländer dr Startblatz 22 uusgwehlt. D Lena isch in eme ermellose schwarze Minichleid, ere schwarze Strumpfhose un schwarze Schue ufdrätte mit vier Backgroundsängerne, wu glych aazoge gsi sin. Si het mit 246 Pinkt dytli gwunne vor dr Band maNga us dr Türkei (170 Pinkt).[29]

Abstimme hän alli 39 Länder chenne, wu an dr Halbfinal un em Final mitgnacht hän. S isch dr zwet siig fir Dytschland gsi no dr Nicole anne 1982.

Pinktvergab fir Dytschland:

Land Pinkt Stimme fir Dytschland no Härchumftsländer
Dänemark, Eschtland, Finnland, Lettland, Norwege, Schwede, Schwyz, Slowakei, Spanie 12 Pinkt
Albanie, Belgie, Litaue, Slowenie, Türkei 10 Pinkt
Bosnie, Irland, Mazedonie, Serbie 8 Pinkt
Pole 7 Pinkt
Kroatie, Russland 6 Pinkt
Ukraine 5 Pinkt
Malta, Niderlande, Vereinigts Chenigryych, Zypern 4 Pinkt
Bulgarie, Frankryych, Island, Rumänie 3 Pinkt
Griecheland 2 Pinkt
Aserbaidschan, Portugal 1 Punkt
Armenie, Georgie, Israel, Moldawie, Wyssrussland 0 Pinkt

Mit 14,69 Millione Färnsehzueschauer un eme Märtaadeil vu 49,1 % z Dytschland het d Iberdragig in dr ARD s hegscht Zueschauerinträssi an eme Eurovision Song Contest gfunde syt dr Yyfierig vum Privatfärnseh. Im Verlauf vu dr Pinktbekanntgab isch dr d Zueschauerzahl bis uf 20,45 Millione aagstige.[30]

Scho zwee Däg noch em Final isch dr Siigertitel uf Blatz 1 vu dr norwegische Charts yygstige[31]. Uf Blatz 1 vu dr Charts isch d Lena mit "Satellite" au in dr Schwyz, z Schwede, z Dänemark, z Finnland un z Georgie gschafft. Derzue het s hochi Blatzierige au z Eschtryych (2), z Irland (2), z Dänemark (2), in dr Niderlande (5), z Ungarn (5), z Flandern (4) un in dr Wallonii (6) gee.

D BBC het s Lied „Satellite“ „dr erscht zytgnessisch Pophit, wu dr Eurovision Song Contest fiiribrocht het in Johrzehnt“ gnännt[32].

Noch em Song Contest

[ändere | Quälltäxt bearbeite]

Ab Ändi Juni 2010 bis aafangs Augschte 2010 het d Meyer-Landrut ihri erscht Promotiontuur dur e baar europäischi Stedt absolviert. Statione sin London, Paris, Amsterdam, Wien, Brüssel, Oslo, Malmö, Stockholm un Züri gsi. Näbe zahlryyche Radio-, Zytigs- un Färnsehinterview het d Meyer-Landrut Live-Ufdritt gha in dr norwegische Färnsehsändig Allsang på Grensen un in dr schwedische Färnsehsändig Sommarkrysset. Si isch au bim Schlagerfestival uf dr Stockholm Pride ufdrätte, näbe Safura, Didrik Solli-Tangen, Anna Bergendahl un Hera Björk.

Am 6. Augschte 2010 isch in dr Meyer-Landrut ihri viert Single Touch A New Day erschine, wu vum Stefan Raab gschribe un produziert woren isch.

Im Oktober 2010 isch dr belgisch 3D-Animationsfilm Sammys Abenteuer – Die Suche nach der geheimen Passage in d Kino chuu, wu d Meyer-Landrut an dr Syte vum Matthias Schweighöfer mitgmacht het un em Schildchrottemaidli Shelly d dytsch Stimm glehnt het. D Synchronarbete hän im Juni 2010 z Berlin stattgfunde un sin zwee Däg gange.

Im Novämber 2010 het d Adam Opel AG näb dr Meyer-Landrut as Werbedregeri au s Sondermodäll Corsa Satellite bresäntiert, wu an ihre Hit aaglähnt isch.

Eurovision Song Contest 2011

[ändere | Quälltäxt bearbeite]

D Lena Meyer-Landrut isch bim Eurovision Song Contest 2011 z Düsseldorf nomol aadrätte. As dytschi Verdrätteri isch si diräkt fir s Final am 14. Mai 2011 qualifiziert gsi. In dr dytsche Vorentscheidig Unser Song für Deutschland hän d Färnsehzueschauer s Lied fir dr ESC gwehlt. Doderby het d Sängeri in zwoo Halbfinalshow, wu am 31. Jänner un 7. Februar bi ProSieben live iberdrait wore sin, beidi Mol sechs Lieder vordrait, wu drej dervu in s Final vu dr Voruusscheidig chuu sin. In däre am 18. Februar vu Das Erste iberdraite Livesändig hän sich d Zueschauer fir s Lied Taken by a Stranger entschide, wu vu dr kalifornische Komponischte Gus Seyffert un Nicole Morier zämme mit dr norwegische Sängeri Monica Birkenes gschribe woren isch. Uf s Meyer-Landruts zweitem Studioalbum Good News, wu am 8. Februar 2011 vereffetligt woren isch, het s alli Byydreg vu dr dytsche Vorentscheidig. Wie s Meyer-Landruts Debütalbum het s au Good News an dr Spitz vu dr dytsche Albumcharts gschafft un isch no eire Wuche uf Goldstatus chuu.[33]

Am 14. Mai 2011 het d Lena Meyer-Landrut z Düsseldorf zum zweite Mol fir Dytschland gsunge go ihre Titel verdeidige. Si isch mit ihrem Lied Taken by a stranger uf dr 10. Blatz chuu.

Diskografii

[ändere | Quälltäxt bearbeite]

Albe

[ändere | Quälltäxt bearbeite]
Johr Titel Chartplatzierige[34] Aamerkige
DE AT CH
2010 My Cassette Player 1
(44 Wu.) 		1
(18 Wu.) 		3
(18 Wu.) 		Erstvereffentlichung: 7. Mai 2010,
Verchaufszahle DE: 600.000+ (Doppelplatin)[35][36]
2011 Good News 1
(24 Wu.) 		7
(11 Wu.) 		15
(14 Wu.) 		Erstvereffentlichung: 8. Feb 2011,
Verchaufszahle DE: 200.000
2012 Stardust 2
(22 Wu.) 		14
(8 Wu.) 		31
(1 Wu.) 		Erstvereffentlichung: 12. Oktober 2012
2015 Crystal Sky 2
(… Wo.) 		25
(2 Wo.) 		40
(1 Wo.) 		Erstvereffentlichung: 15. Mai 2015

Single

[ändere | Quälltäxt bearbeite]
Johr Titel Chartplatzierige[37] Aamerkig
DE AT CH
2010 Satellite
My Cassette Player 		1
(.. Wu.) 		2
(.. Wu.) 		1
(.. Wu.) 		Erstvereffentlichung: 15. März 2010 (Download ab 12. März 2010),
Verchausfzahle DE: 680.000+ (Doppelplatin)[35], Wyteri Platzierige: BE (Fl) 4, BE (Wa) 6, DK 1, ES 23, FI 1, GE 1, HU 5, IRL 2, NL 5, NOR 1, SE 1, UK 30, EUR 8, AUS 37
Bee
My Cassette Player 		3
(13 Wu.) 		26
(6 Wu.) 		27
(3 Wu.) 		Erstvereffentlichung: 12. März 2010,
nume Download, wel uf dr CD-Single Satellite druf
Love Me
My Cassette Player 		4
(12 Wu.) 		28
(8 Wu.) 		39
(2 Wu.) 		Erstvereffentlichung: 12. März 2010,
nume Download wel uf dr CD-Single Satellite druf
Touch a New Day
My Cassette Player 		13
(11 Wu.) 		26
(7 Wu.) 		–
( Wu.) 		Erstvereffentlichung: 3. Augschte 2010
2011 Taken by a Stranger
Good News 		2
(16 Wu.) 		18
(8 Wu.) 		29
(2 Wu.) 		Erstvereffentlichung: 22. Februar 2011 (18. Februar 2011 Download)
Push Forward
Good News 		15
(4 Wu.) 		— — Erstvereffentlichung: 18. Februar 2011,
nur Download
What a Man
Good News 		21
(5 Wu.) 		— — Erstvereffentlichung: 18. Februar 2011,
nur Download
2012 Stardust
Stardust 		2
(26 Wu.) 		14
(20 Wu.) 		74
(1 Wu.) 		Erstvereffentlichung: 22. Februar 2011 (21. Septämber 2012)
2013 Neon (Lonely People)
Stardust 		38
(4 Wu.) 		— — Erstvereffentlichung: 15. März 2013
2013 Mr. Arrow Key
Stardust 		46
(4 Wu.) 		— — Erstvereffentlichung: 17. Mai 2013
2015 Traffic Lights
Crystal Sky 		14
(… Wu.) 		48
(… Wu.) 		— Erstvereffentlichung: 1. Mai 2015

Filmografi

[ändere | Quälltäxt bearbeite]

As Darstelleri

[ändere | Quälltäxt bearbeite]
  • 2009: K11 – Kommissare im Einsatz (Stapfle 7 – Folg 102: In der Schusslinie)
  • 2009: Helfen Sie mir! (Färnsehserie – Folg 3, Dail 2: Bei Nacht im Freibad)
  • 2009: Richter Alexander Hold (Stapfle 7 – Folg 220: Unter der Maske)
  • 2011: Ladykracher (Comedy-Reihe, Stapfle 6 – Folge 3 un 5)

Gaschtufdritt

[ändere | Quälltäxt bearbeite]
  • 2011: Sesamstraße präsentiert Promisongs: Ernie & Bert und Lena
  • 2011: Ausflug mit Kuttner
  • 2012: Durch die Nacht mit … (zämme mit em Casper)
  • 2013: Kika: Dein Song (as Gotti)
  • seit 2013: The Voice Kids (as Jurori)
  • 2013: Dytschi Pinktvergab bim Eurovision Song Contest 2013
  • 2013: Die erfolgreichsten Disneyfilme aller Zeiten (as Co-Moderatori)
  • 2015: So wie du bist (Musikvideo vu MoTrip feat. Lary)

As Synchronsprächeri

[ändere | Quälltäxt bearbeite]
  • 2010: Sammys Abenteuer – Die Suche nach der geheimen Passage (Shelly)
  • 2014: Tarzan 3D (Jane)

Uuszeichnige

[ändere | Quälltäxt bearbeite]
  • 2010: Siigeri vum 55. Eurovision Song Contest
  • 2010: SWR 3 New Pop Festival – Newcomerin des Jahres
  • 2010: Goldene Henne: Ehrebryys vu dr Jury: „Charme-Botschafterin“
  • 2010: Deutscher Fernsehpreis: Ensemble vu 'Unser Star für Oslo'
  • 2010: red! Star-Award: Beschte Newcomer
  • 2010: 1Live Krone: Beschti Single „Satellite“ un Beschti Chinschtleri
  • 2011: Goldene Kamera: Beschti Musik National
  • 2012: MTV Germany Jahresvoting: Queen of Pop 2011 (Publikumsabstimmig)
  • 2013: Echo: Bescht Video National
  • 2103: Radiopreis SIEBEN: Chinschtleri National
  • 2013: MTV Europe Music Awards: Beschte dytsche Act un Europe Central Worldwide Act
  • 2015: Best Inspiration Award in dr Kategori Musik vu dr Zytschrift Grazia

Nominierige

[ändere | Quälltäxt bearbeite]
  • 2010: Comet: Beschte Durstarter
  • 2010: Goldene Henne: Läserbryys vu dr Superillu, Kategori: Musik
  • 2010: Bravo Otto: Super-Sängeri
  • 2011: Echo: Album vum Johr fir My Cassette Player, Hit vum Johr National oder International fir Satellite, Radio-Echo fir Satellite
  • 2011: Comet: Beschte Song
  • 2011: MTV Europe Music Awards: Beschte wältwyte Act
  • 2011: 1 Live Krone: Beschti Single Taken by a Stranger
  • 2012: European Music Award Sound: Pop Germany
  • 2012: Echo: Erfolgrychschti Chinschtleri National Rock/Pop un Bescht Video National
  • 2012: 1 Live Krone: Beschti Single (Stardust)
  • 2013: Echo: Chinschtleri Rock/Pop National
  • 2013: Nickelodeon Kids’ Choice Awards: Lieblingsstar Dytschland, Eschtrych un Schwyz
  • 2013: Radio Regenbogen Award: Hererbryys
  • 2013: Bravo Otto: Super-Sängeri
  • 2013: Goldene Henne: Musik
  • 2013: Deutscher Fernsehpreis: Beschti Unterhaltig Show (The Voice Kids)
  • 2013: MTV Europe Music Awards: Worldwide Act

Literatur

[ändere | Quälltäxt bearbeite]
  • Pamela Runkel: Lovely Lena – Mit „Satellite“ zu den Sternen. Lingen, 2010, ISBN 3-941118-48-X.
  • Thomas Allstedt: Unsere Lena – Ein Mädchen verzaubert Europa. Zeitgeist Media, 2010, ISBN 978-3-934046-21-4.
  • Michael Fuchs-Gamböck, Thorsten Schatz: Lena – Einfach raus und leben. Heyne, 2010, ISBN 978-3-453-64048-1.
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ stern.de: Interview Lena Meyer-Landrut: An Kampf zu denken, liegt mir nicht
  2. ↑ Musik: Lena Meyer-Landrut: Zwischen Grand Prix und Schulbank. Ad-hoc-news.de, 12. März 2010 (ufgruefe am 12. März 2010)
  3. ↑ 3,0 3,1 Antje Harders: NACHGEFRAGT … bei Nachwuchstalent Lena Meyer-Landrut. Bunte, 11. Februar 2010, Nr. 7, S. 110
  4. ↑ Tina Stockhausen: Alle lieben Lena. Archivlink (Memento vom 24. April 2010 im Internet Archive) RP-Online, 21. April 2010 (ufgruefe am 22. April 2010)
  5. ↑ Seit 16 Jahren haben sich Lena Meyer-Landrut und ihr Vater Ladislas nicht gesehen focus-online, 12. Mai 2010 (ufgruefe am 12. Mai 2010)
  6. ↑ Güngör Öztürker: USFO: Lena Meyer-Landrut auf dem Weg nach Oslo. Welt.de, 12. März 2010 (ufgruefe am 12. März 2010)
  7. ↑ 7,0 7,1 Profil Archivlink (Memento vom 28. März 2010 im Internet Archive) bei Eurovision.ndr.de (ufgruefe am 12. März 2010)
  8. ↑ Eva Mahle: Die Presse vom 10. April 2010: Eurovision Song Contest: Lena, Liebling der Nation (ufgruefe am 22. April 2010)
  9. ↑ Vgl. Hoff, Hans; Wiegand, Ralf: Bingo. In: Süddeutsche Zeitung, 31. Mai 2010, S. 3.
  10. ↑ vgl. Grimm, Imre: In der Satellitenbahn. In: Der Tagesspiegel, 29. Mai 2010, S. 3
  11. ↑ vgl. „Lovely Lena“, das neue deutsche Fräuleinwunder. In: Der Standard, 30. Mai 2010, S. 22.
  12. ↑ Lenas religiöse Seite: stern.de, 31.05.2010, abgruefe am 09.06.2010
  13. ↑ Aufgeblasener Busenblitzer. In: Stern. 4. Mai 2010, abgruefen am 4. Mai 2010.
  14. ↑ TV Total Casting Box vom 14. Oktober 2009, Pro 7
  15. ↑ Jennifer Fraczek: Kandidatin für Oslo: Wie aus Lena Meyer-Landrut plötzlich ein Star wird bi Welt.de, 13. Februar 2010 (ufgruefe am 12. März 2010)
  16. ↑ PhonoNet GmbH. Chartverfolgung – Nutini, Paolo – New Shoes (Memento vom 9. Juni 2010 im Internet Archive). Musicline.de. Accessed 26 March 2010
  17. ↑ PhonoNet GmbH. Chartverfolgung – Nash, Kate – Foundations (Memento vom 25. Mai 2010 im Internet Archive). Musicline.de. Accessed 26 March 2010
  18. ↑ PhonoNet GmbH. Chartverfolgung – Mitchell, Lisa – Neopolitan Dreams (Memento vom 24. Mai 2010 im Internet Archive). Musicline.de. Accessed 26 March 2010
  19. ↑ PhonoNet GmbH. Chartverfolgung – Mraz, Jason – Mr. Curiosity (Memento vom 14. Juni 2010 im Internet Archive). Musicline.de. Accessed 26 March 2010
  20. ↑ http://www.radiobremen.de/bremenvier/media/player.php?datei_id=026357
  21. ↑ Hoff, Hans: Stefan Raab macht ein Wunder möglich. Süddeutsche.de, 3. Februar 2010
  22. ↑ Es ist ein Rausch. Archivlink (Memento vom 27. Juli 2010 im Internet Archive) Eurovision.ndr.de, 12. März 2010 (ufgruefe am 12. März 2010)
  23. ↑ Imre Grimm: Zeit aus Zucker, in: Hannoversche Allgemeine Zeitung vum 24. April 2010, S. 19
  24. ↑ Sebastian Dörfler: Verdammte Scheiße, ist die echt! In: Taz.de. 25. März 2010, abgruefen am 26. März 2010.
  25. ↑ Lena Meyer-Landrut: „Satellite“ stellt neuen Download-Rekord auf. Stern.de. Abgrüeft am 16. März 2010.
  26. ↑ Lena Meyer-Landrut führt Musik-Download-Portale an. (Site cha nüme abgrüeft wärde; Suche im Webarchiv)[1] [2] Vorlage:Toter Link/www.news-adhoc.com www.news-adhoc.com (ufgruefe am 26. März 2010)
  27. ↑ Sven Birgmeier: Lena Meyer-Landrut mit Rekordstart. (pdf) Media control, 23. März 2010, S. 2, abgruefen am 23. März 2010 (deutsch): „In den Single-Charts von media control schwebt die 18-jährige Schülerin wie ein ‚Satellite’ über der Konkurrenz und steigt mit ihrer Sieger-Single direkt an der Spitze des Rankings ein.“ (Site cha nüme abgrüeft wärde; Suche im Webarchiv)[3] [4] Vorlage:Toter Link/www.media-control.de
  28. ↑ augsburger-allgemeine.de Neues Album von Lena Meyer-Landrut auf dem Markt aufgerufen am 7. Mai 2010
  29. ↑ vgl. Schacht, Andreas: Germany Wins Eurovision Song Contest! bi eurovision.tv, 30. Mai 2010 (ufgruefe am 30. Mai 2010)
  30. ↑ DWDL.de – Lenas Wahnsinns-Quote im 5-Minuten-Verlauf
  31. ↑ Norwegischi Charts vu dr Wuche 22/2010
  32. ↑ Mark Savage: Germany drags Eurovision into the 21st Century. BBC News. 30. Mai 2010. Abgruefe am 2. Juni 2010
  33. ↑ AFP: Lena fährt mit "Taken by a stranger" zum ESC-Finale
  34. ↑ Chartquälle Albe: DE AT Archivlink (Memento vom 2. Novämber 2012 im Internet Archive) CH
  35. ↑ 35,0 35,1 Valicon Producer Forum Awards
  36. ↑ Martin Zips: Du hast die Wahl, Fisch! In: Süddeutsche Zeitung vum 21. Juli 2010 (Abgruefen am 24. Juli 2010)
  37. ↑ Chartquälle Single: DE (Site cha nüme abgrüeft wärde; Suche im Webarchiv)[5] [6] Vorlage:Toter Link/www.musicline.de AT Archivlink (Memento vom 2. Novämber 2012 im Internet Archive) CH UK NO SE FI DK GE IR NL BE (Fl) BE (Wa) ES AU SK CZ
Dä Artikel basiert uff ere fräie Übersetzig vu dere Version vum Artikel „Lena_Meyer-Landrut“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Lena_Meyer-Landrut&oldid=1047090"