Mila Kunis

D Mila Kunis bi dr Comic-Con (2012)

D Milena „Mila“ Markovna Kunis (Ukrainisch Мілена Марківна Куніс, * 14. August 1983 z Czernowitz, Ukraine) isch e amerikanischi Schauspiilere und Sünchroonsprächere. Si isch mit dr Rolle vo dr Jackie in dr Färnseeserii Die wilden Siebziger bekannt worde.

Jugend

D Kunis isch d Dochder vom Maschiinebauääscheniöör Mark und dr Phüsikleerere Elvira Kunis. Si het e Brueder, Mike, wo as Biochemiker schafft. Wo si sibni gsi isch, isch si mit iirer Familie uf Kalifornie usgwanderet.

Z Los Angeles isch si uf d Hobert Howe Bancroft Middle-School gange und het am Nomiddaag Schauspiilunderricht gnoo. Iiri erste chliinere Rolle het si in Chinderbrogramm und dr Färnseewärbig überchoo. 1994 het si under anderem in ere Episode vo Zeit der Sehnsucht d Rolle vo dr Hope Williams gspiilt.

Karriere

Mit vierzääni isch d Kunis für d Färnseeserii Die wilden Siebziger kaastet worde. S Mindestalter isch aber achzääni gsi und si het d Rolle nume überchoo, wil si falschi Aagoobe gmacht het. Anderi erwäänenswärti Ufdritt si under anderem d Hauptrolle im Aerosmith-Musikvideo Jaded gsi, e Rolle in Gia – Preis der Schönheit, wo si d Rolle vo dr Angelina Jolie Gia im Tiineidsch-Alter gspiilt het, und in The Book of Eli näben em Denzel Washington. D Kunis isch d Sünchroonstimm vo dt Meg Griffin in dr Zäichedrickserii Family Guy.

Für iiri Rolle in Black Swan het si vil Loob überchoo und dr Marcello-Mastroianni-Preis vo de Filmfestspiil vo Venedig. Usserdäm isch d Kunis für e Golden Globe in dr Kategorii Besti Nääbedarstellere nominiert worde. 2011 het si d Hauptrolle vo dr Jamie im Spiilfilm Freunde mit gewissen Vorzügen gspiilt und 2012 isch si mit em Mark Wahlberg in dr Komödie Ted vom Family-Guy-Erfinder Seth MacFarlane in dr wiiblige Hauptrolle vo dr Lori Collins ufdräte.

Brivaats

D Mila Kunis (2008)

Vo 2002 bis Januar 2011 isch d Kunis mit em ehemoolige Chinderstar Macaulay Culkin liiert gsi. Sit Middi 2012 isch si mit iirem Kolleeg us Die-wilden-Siebziger Ashton Kutcher zämme. Si het sich sälber in ere US-Talkshow as „schlächti Jüdin“ bezäichnet, wil si sich nit allzu seer an s Bruuchdum wurd halte.

Dr Kunis iiri Auge häi verschiideni Farbe (Iris-Heterochromie), s äinte isch grüen und s andere bruun. Si het au verzellt, ass si meereri Joor uf äim Aug blind gsi sig und het erst noch ere Leiseroperazioon das Aug wider chönne bruuche.

Filmografii (Uswaal)

• 1994–1995: Baywatch – Die Rettungsschwimmer von Malibu (Baywatch, Fernsehserie, zwei Folgen)
• 1995: Make a Wish, Molly
• 1995: Die Rückkehr der Piranhas (Piranha, Fernsehfilm)
• 1995: Nachtschicht mit John (The John Larroquette Show, Fernsehserie, Folge 2x14 The Defiant One)
• 1995: Wer ist hier der Cop? (Hudson Street, Fernsehserie, Folge 1x03 Here’s Just Looking at You, Kid)
• 1996: Santa Claus mit Muckis (Santa with Muscles)
• 1996: Auf schlimmer und ewig (Unhappily Ever After, Fernsehserie, Folge 2x15 In the Stars)
• 1996–1997: Nick Freno: Licensed Teacher (Fernsehserie, fünf Folgen)
• 1996–1997: Eine himmlische Familie (7th Heaven, Fernsehserie, vier Folgen)
• 1997: Liebling, jetzt haben wir uns geschrumpft (Honey, We Shrunk Ourselves)
• 1997: Walker, Texas Ranger (Fernsehserie, Folge 5x15 Last Hope)
• 1998: Gia – Preis der Schönheit (Gia, Fernsehfilm)
• 1998: Jagabongo – Eine schrecklich nette Urwaldfamilie (Krippendorf’s Tribe)
• 1998–2006: Die wilden Siebziger (That ’70s Show, Fernsehserie, 201 Folgen)
• 1998: Milo
• 1998: Pensacola – Flügel aus Stahl (Pensacola: Wings of Gold, Fernsehserie, Folge 1x12 Company Town)
• seit 1999: Family Guy (Fernsehserie, Stimme für Meg Griffin)
• 2000–2002: Sechs unter einem Dach (Get Real, Fernsehserie, zwei Folgen)
• 2001: Ran an die Braut (Get Over It)
• 2002: American Psycho II: Der Horror geht weiter (American Psycho II: All American Girl)
• 2002: MADtv (Fernsehserie, Folge 8x07)
• 2004: Tony ’n’ Tina’s Wedding
• 2004: Keine Gnade für Dad (Grounded for Life, Fernsehserie, zwei Folgen)
• 2005: Family Guy – Die unglaubliche Geschichte des Stewie Griffin (Family Guy Presents Stewie Griffin: The Untold Story, Stimme)
• 2007: Sexgeflüster (After Sex)
• 2007: Boot Camp
• 2007: Moving McAllister
• 2008: Nie wieder Sex mit der Ex (Forgetting Sarah Marshall)
• 2008: Max Payne
• 2009: Ausgequetscht (Extract)
• 2010: The Book of Eli
• 2010: Date Night – Gangster für eine Nacht (Date Night)
• 2010: Black Swan
• 2011: Freunde mit gewissen Vorzügen (Friends with Benefits)
• 2012: Ted
• 2012: The Color of Time
• 2013: Die fantastische Welt von Oz (Oz: The Great and Powerful)
• 2013: Blood Ties
• 2013: Dritte Person (Third Person)
• 2014: Two and a Half Men (Fernsehserie, Folg 11x19)
• 2014: The Angriest Man in Brooklyn
• 2014: Annie
• 2015: Jupiter Ascending
• 2016: Bad Moms
• 2017: Bad Moms 2 (A Bad Moms Christmas)
• 2018: Bad Spies (The Spy Who Dumped Me)
• 2019: Willkommen im Wunder Park (Wunder Park) (Synchronisation)

Uszäichnige

• 1999: YoungStar Awards: Best Performance by a Young Actress in a Comedy TV Series für Die wilden Siebziger
• 2000: YoungStar Awards: Best Young Actress/Performance in a Comedy TV Series für Die wilden Siebziger
• 2002: Young Hollywood Awards: One to Watch – Female für Die wilden Siebziger
• 2009: Guys Choice Awards: Hottest Mila
• 2010: Marcello-Mastroianni-Preis: Best Young Actress für Black Swan
• 2010: Oklahoma Film Critics Circle: Best Supporting Actress für Black Swan
• 2010: Saturn Awards: Best Supporting Actress für Black Swan
• 2011: Guys Choice Awards: Holy Grail of Hot
• 2011: Guys Choice Awards: Best Girl On Girl Scene für Black Swan (mit dr Natalie Portman)
• 2012: Sexiest Woman Alive
• 2013: Sexiest Woman in the World (Magazin FHM)
• 2018: Hasty Pudding Woman of the Year

Weblingg

 Commons: Mila Kunis – Sammlig vo Multimediadateie

• Mila Kunis in de Internet Movie Database (änglisch)

Dä Artikel basiert uff ere fräie Übersetzig vum Artikel „Mila_Kunis“ vu de dütsche Wikipedia. E Liste vu de Autore un Versione isch do z finde.