Olin Wellborn

Dialäkt: Mìlhüüserisch

A Porträä vum Olin Wellborn ìn dr Buffalo Weekly Express vum 21. Janner 1886

Dr Olin Wellborn (* 18. Jüüni 1843 z’ Cumming, Georgia; † 6. Dezamber 1921 z’ Los Angeles, Kàlifornià) ìsch a àmerikànischer Jurischt un Politiker gsìì. Vu 1879 bis 1887 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

sii Laawa un Kàrriar

Dr Olin Wellborn ìsch ànna 1843 z’ Cumming ìm Norda vum Bundesschtààt Georgia-n-uff d’ Walt kumma. Ar ìsch dr Suhn gsìì vum Chapleigh B. un vu dr Mary Ann Wellborn geboorena Foster. Ar ìsch ìn d’ äffentliga Schüala vu siinera Haimet gànga, so wia schpeeter ìn d’ Emory-Hoochschüal. Drnooh hàt’r àn dr Üniwärsitäät vum North Carolina z’ Chapel Hill gschtudiart. Wahrem Bìrgerkriag hàt’r ìm Heer vu dr Konfederàzioon bediant, wu-n-’r Hàuiptmànn worra-n-ìsch. Ànna 1865 ìsch’r àwwer bii Knoxville àn dr Hufta verlätzt worra un hàt s’ Heer müassa fàraloo. Noh-n-em Kriag hàt’r sìch z’ Atlanta nìedergloo. Ar hàt drnooh Racht gschtudiart un ìsch ànna 1866 àls Rachtsànwàlt züagloo worra. Àls Ànwàlt hàt’r z’äärscht z’ Atlanta gschàfft. Ànna 1871 hàt’r sii Ànwàltsbüroo un Wohnsìtz uff Dallas ìm Texàs loo wàndla. Gliichzittlig hàt’r siina politischa Kàrriar ààgfànga, àls Mìtglìed vu dr Demokrààtischa Pàrtäi.

Àn da Kongrasswàhla vu 1878 hàt maa dr Wellborn ìm drìtta Wàhlbezirk vum Texàs ìns àmerikànischa Represantàntahüüs gwählt. Ìm Hüüs z’ Washington, D.C. ìsch’r àb’m 4. März 1879 gsìì, àls Noohfolger vum James W. Throckmorton. Ar ìsch dräimol wìedergwählt worra un ìsch àlso àb’m 3. März 1887 ìm Kongrass blìewa. Àb 1883 hàt’r dr säckschta Wàhlbezirk vum Texàs vetratta, àls Noohfolger vum Christopher C. Upson. Zwìscha 1883 un 1887 ìsch dr Wellborn Vorsìtzender ìm Ìndiànerüüsschuss gsìì. Ànna 1886 hàt ìhn siina Pàrtäi nìmm fìr a Wìederwàhl nominiart.

Ìm folgenda Joohr hàt dr Wellborn uff San Diego-n-ìm Kàlifornià gwàndelt, wu-n-’r Ànwàlt gsìì-n-ìsch. Sitter 1893 hàt’r z’ Los Angeles glabt. Àm 25. Hornung 1895 hàt ìhn dr àmerikànischa Presidànt Grover Cleveland àls Rìchter àm Bundesbezirksgrìcht fìr dr süüdliga Dischtrikt vum Kàlifornià ärnännt. Dia Ärnännung hàt dr US-Senààt àm 1. März 1895 bschtaadigt. Àm 31. Janner 1915 ìsch dr Wellborn ìn Rüajschtànd gànga. Gschtoorwa-n-ìsch’r àm 6. Dezamber 1921 z’ Los Angeles; ar ìsch uff’m Angelus-Rosedale Frìedhoof z’ Los Angeles beardigt worra.

Ìm Wellborn siina Tochter hàt dr Bàuitraager Burton E. Green ghiiroota, wo d’ Schtàdt Beverly Hills grìnda hàt.

Lìteràtüür

• Olin Wellborn. In: The Handbook of Texas Online. Texas State Historical Association, 1952 (amerikanisches Englisch, tshaonline.org [abgerufen am 29. Mai 2022]). 

Weblìnks

• Olin Wellborn im Biographical Directory of the United States Congress
• Olin Wellborn im Biographical Directory of Federal Judges
• Olin Wellborn in dr Datebank vu Find a Grave