Rhynegg SG
| S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Rheineck vermyde, wo öppis anders meined. |
| Rhynegg | |
|---|---|
 | |
| Basisdate | |
| Staat: | Schwiiz |
| Kanton: | St. Galle (SG) |
| Wahlchrais: | Rhintl |
| BFS-Nr.: | 3235 |
| Poschtleitzahl: | 9424 |
| UN/LOCODE: | CH RNK |
| Koordinate: | 761680 / 259531 |
| Höchi: | 400 m ü. M. |
| Flächi: | 2,18 km² |
| Iiwohner: | 3481 (31. Dezämber 2022)[1] |
| Stadtpräsident: | Urs Müller (FDP) |
| Website: | www.rheineck.ch |
 Rheineck SG | |
| Charte | |
 | |
Rhynegg (amtl. Rheineck) isch e politeschi Gmaind im Kanton Sanggalle, Schwiz.
Geografii
[ändere | Quälltäxt bearbeite]Rhynegg liit zwüsched em Appezäller Vorderland und em Rhydelta, chorz bevor de Alt Rhy i de Bodesee mündet. De Alt Rhy bildet d Gränze zwüsched Öschtrych und de Schwiz. Rhynegg isch zwüsched Rorschach und Sammagreta im Rhyntl.
Nochbergmainde send Thal und Sammagreta im Kanton Sanggalle, Lutzebärg im Kanton Appezäll Usseroode und Gaissau im Voralbärg.
Geschicht
[ändere | Quälltäxt bearbeite]Rhynegg werd urkundlich s erschtmol erwähnt im Johr 1163 as castellum Rinegge und hät 1219 s Stadträcht öbercho. S Städtli, dozmol no am Rhy gläge, isch en wichtige Umschlags- und Handelsplatz a de Nord-Südachse gsi. Zahlrychi Baute z Rhynegg send Züüge us bessere Zyte.
Vercheer
[ändere | Quälltäxt bearbeite]Rhynegg hät en Bahof a de Linie Rorschach-Sammagreta-Bux-Sargans und isch en Uusgangspunkt vo de Bärgbahn Rhynegg-Walzehuuse. Zwüsched de Isebahnlinie und em Alte Rhy verlauft d A1. En Autobahnaaschluss gits im Buriet, i de Nöchi vom Flughafe Alterhy.
Bevölkerig
[ändere | Quälltäxt bearbeite]| Johr | 1850 | 1900 | 1950 | 1980 | 2000 | 2010 | 2015 | 2019 |
| Iiwohner | 1177 | 2094 | 2600 | 3037 | 3231 | 3325 | 3311 | 3398 |
Zum Aaluege
[ändere | Quälltäxt bearbeite]Es loont sich en chlinne Spaziergang dor d Altstadt, mit sine Fachwärckhüser. Me fangt bi de katholische Cherche a, goot am Leuehof und em mächtige Oberstufe-Schuelhuus verbii und chunnt i de Hoptgass zum Rodhuus. Döt isch o s ainzig erhalte plebni Stadttor, s Rhytor us em 15. Johrhundert. Bi de reformierte Cherche verlot me s Städtli und cheert bim Chusterhof i Richtig Burghügel zu de Ruine Alt Rhynegg.
Persönlichkaite
[ändere | Quälltäxt bearbeite]- William Wolfensberger (1889–1918), Pfarrer und Dichter
- Heinrich Herzig (1887–1964), Künstler (v. a. Moler)
- Johann Heinrich Custer (* 21. Dezember 1757 z Altstetta; † 24. Oktober 1818 z Rhinegg), Garn- und Liiwandhändler
Weblink
[ändere | Quälltäxt bearbeite]
Commons: Rhinegg – Sammlig vo Multimediadateie- Offizielli Website vo de Gmaind Rhynegg
- Peter Müller, Markus Kaiser: Rheineck. In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
